Lẹvitikọsụ 3:1 - Ika

¹ “Omẹni ịhịan chọ n'o chụn ẹjan-ekele, nị efin k'o wela, ọsụọn'a okẹn, ọsụọn'a onyẹnnyẹ, anụ ẹhụ zu oke k'o k'e wẹhẹni Osolobuẹ.

Lẹvitikọsụ 3:1 ပူးပေါင်းရင်းမြစ်များ

Ihiẹn Mẹni Nke Ibuzọ 21:26

Defidi nọ tụnnị Osolobuẹ ukpo nchụn-ẹjan ebahụn, nọ elu ẹ chụn ẹjan w'a dụn ọkụn lẹ ẹjan-ekele. Ọ kpọku Osolobuẹ, Osolobuẹ nọ gi ọkụn gha elu-igwee za a, zi ọkụn hụ ye elu ukpo ahụn wẹ nọ chụn ẹjan.

Ọpụpụ 20:24

“ ‘Gi ni ẹjan gbeni m ukpo w'a nọ a chụn ẹjan, ụnụ a nọ elu ẹ a chụn ẹjan ụnụ: ẹjan w'a dụn ọkụn lẹ ẹjan wẹ gi e ye ekele lẹ atụnrụn lẹ ewu lẹ efin ụnụ. Gbe n'ẹ ye ebe ọwụlẹ m jẹnkọ d'a họrị nị w'a nọ a kpọku ẹfan m; m k'a bịa ebẹhụ d'e kunrun ụnụ, gọzi ọnụ.

Ọpụpụ 24:5

Ya ọ nọ zi ikorọbịa Izrẹlụ, wẹ nọ chụn ẹjan w'a dụn ọkụn, gisọnmẹ okoro efin chụnyeni Osolobuẹ ẹjan-ekele.

Ọpụpụ 29:28

Ndị Izrẹlụ k'a gha e ye Ẹrọnụ lẹ ụmụ a ikẹnnyẹ ihiẹnni jẹnrin ejẹn. Ya wụrụnị ndị Izrẹlụ hụn w'e gi a kwadọn ọrụn Osolobuẹ imẹ ẹjan-ekele ọwụlẹ wẹ ye Osolobuẹ.

Itẹn 7:14

“M gbu anụ tannị — makẹni tannị kẹ m ye oyiye m kwe nkwa.

Izikẹlụ 43:27

Akpọhịn ẹsa ahụn zugụ, n'o ru nke akpọhịn ẹsatọ, ndị nchụn-ẹjan a chụnmazịnị ụnụ ẹjan elu ukpo nchụn-ẹjannị kẹ w'e mẹ — ẹjan w'a dụn ọkụn lẹ ẹjan mkpanmịn, ogẹn hụ, a nabanhanzị m ụnụ. Ya kẹ Osolobuẹ Nwọn Ihiẹn ile ku.”

Izikẹlụ 45:15

“ ‘Nke atụnrụn, ye ni ohu imẹ ọgụn iri ọwụlẹ wẹ nọ irurue rị alị nwọn mirin ọhụnma-ọhụnma imẹ Izrẹlụ zụn. “ ‘Ihiẹn ndịnị ile kẹ ụnụ sikọ nwan d'e gi e ye oyiye-ọka, a chụn ẹjan w'a dụn ọkụn lẹ ẹjan-ekele, ẹjan ndị wẹ gi a gbarị isi wẹ. Ya kẹ Osolobuẹ Nwọn Ihiẹn Ile ku.

Lẹvitikọsụ 1:10

“Omẹni ewu mọbụ atụnrụn k'o k'e gi ye oyiye hụ wẹ jẹnkọ d'a dụn ọkụn, o k'a wụrịrị mkpịn ẹhụ a zu oke.

Lẹvitikọsụ 1:3

“Omẹni ẹjan w'a dụn ọkụn rọ, nị efin k'o wela d'e gi chụn ẹjan ahụn, o sikọ d'a wụrịrị okẹn efin ẹhụ a zu oke, o wẹhẹ ẹ ọnụ-mgbọn Ọdụ-nsọ kẹni Osolobuẹ kweri narịn a.

Lẹvitikọsụ 17:5

O sikọ d'e mẹ ndị Izrẹlụ e wẹhẹni Osolobuẹ ẹjan wẹ rị nwan a chụnsọnmẹ ogbe, e wẹhẹni Osolobuẹ ya ọnụ-mgbọn Ọdụ-ozuzu, e ye onyẹ nchụn-ẹjan ebẹhụ, e gi wẹ ẹ a chụnyeni Osolobuẹ ẹjan-ekele.

Lẹvitikọsụ 3:6

“Omẹni ẹjan-ekele o sikọ d'e ye Osolobuẹ wụ atụnrụn mọbụ ewu, o k'a wụrịrị okẹn mọbụ onyẹnnyẹ ẹhụ a zu oke.

Lẹvitikọsụ 9:18

Ya ọ nọ gbu efin ahụn lẹ ebulu hụ, gi chụnnị wẹ ẹjan-ekele; ụmụ a e buye ẹ ẹdeke ẹ, ọ nọ fe ẹ kpu ukpo nchụn-ẹjan hụ ụsụọ ile.

Lẹvitikọsụ 9:4

ụnụ e wẹhẹzi efin lẹ ebulu ụnụ e gi chụn ẹjan-ekele; ụnụ a bịa ihun Osolobuẹ d'a chụnyen'ẹ ya, ya lẹ oyiye-ọka wẹ gi ofugbọn-olivu gwọ, makẹni Osolobuẹ pụla ihun ụnụ tannị.’ ”

Emọsụ 5:22

Ọsụọn'a nị ụnụ a chụnyesọnmẹni m ẹjan w'a dụn ọkụn lẹ oyiye ọka, anarịnkọ m'a; efeyekọdẹ m ẹnya anụ ndị ahụn wẹ zụntọ ụnụ gi a chụnyeni m ẹjan-ekele.

Malakaị 1:14

“Ọ rịkọnị onyẹ-ntụ hụ mma, onyẹ hụn nwọn ebulu rị mma imẹ anụ a, kwe nkwa nị ịya k'o k'a chụnyeni Osolobuẹ, kanị ogẹn ru ọ chụnyen'ẹ hụn ẹhụ a zulẹni! Makẹni, okẹn Eze w'a gbaye ẹfan a imẹ alị ndị ọzọ kẹ m wụ. Ya kẹ Osolobuẹ ihiẹn ile rị okpuru ẹ ku.”

Malakaị 1:8

“Hụn ahụn ụnụ gi anụ ẹnya kpọhị a chụnyeni m ẹjan — ẹlẹ eje-ihiẹn rọ? Hụn ahụn ụnụ a chụnyeni m anụ dan ngụrọ lẹ anụ rịlẹni ikẹn — ẹlẹ eje-ihiẹn rọ? Welele ni anụ nọ ẹrịra ye Gọvanọ ụnụ. Nị ihiẹn ụnụ sụọ a? N'o mẹni ụnụ ihiẹn ụnụ rịọ a? Ya kẹ Osolobuẹ ihiẹn ile rị okpuru ẹ ku.

Ọgụngụn 15:8

“Ụnụ welanị okoro efin d'a chụnyeni Osolobuẹ ẹjan w'a dụn ọkụn mọbụ ẹjan ndị ọzọ, mọbụ ẹjan ụnụ gi e mẹzu nkwa pụ-ichẹn ụnụ kwe ẹ mọbụ ẹjan-ekele,

Ọgụngụn 6:14

Ọ nọ ebẹhụ ye Osolobuẹ oyiye ndịnị: ebulu ahụa ohu ẹhụ zu oke o k'e gi chụn ẹjan w'a dụn ọkụn, onyẹnyẹ-atụnrụn ahụa ohu ẹhụ zu oke o k'e gi chụn ẹjan-njọ, ebulu ohu ẹhụ zu oke o k'e gi chụn ẹjan-ekele;

Ọgụngụn 7:17

ẹjan-ekele o wẹhẹ wụ okẹn-efin ẹbụọ, ebulu isẹn ka ẹhụ, mkpịn isẹn lẹ ebulu isẹn ọzọ rị nwa ahụa ohu-ohu. Ịya kẹ Nashọnụ nwa Aminadabụ ye.

Ọgụngụn 7:59

ẹjan-ekele o wẹhẹ wụ okẹn-efin ẹbụọ, ebulu isẹn ka ẹhụ, mkpịn isẹn lẹ ebulu isẹn ọzọ rị nwa ahụa ohu-ohu. Ịya kẹ Gamaliẹlụ nwa Pẹdazọ ye.

Ditrọnọmi 12:27

Nọ ukpo nchụn-ẹjan Osolobuẹ wụ Chuku ụnụ sụọ chụn ẹjan ị ile w'a dụn ọkụn — kẹ anụ a kẹ ẹdeke ẹ. Hu ni ẹdeke anụ ndị ụnụ gi chụn ẹjan ye ẹhụ ukpo nchụn-ẹjan Osolobuẹ wụ Chuku ụnụ; kanị, ụnụ nwọn ikẹn ri anụ wẹ.

Ndị Kolosị 1:20

Ọ sụọzịkwọ Osolobuẹ n'ọ gha ẹka a wekinhẹnni enwẹn ẹ ihiẹn ile o ke: kẹ wẹ rị elu-ụwa kẹ wẹ rị elu-igwee, ghahanị ẹdeke ẹ hụn wụ ndụn a ọ nọ elu-obe ye, hụn o gi wẹhẹ udọn.

Hibru 10:22

Nị ẹnyi gichanrịn ni nwan obi ẹnyi lẹ okukwe obi ẹbụọ rịlẹni buruhẹ Osolobuẹ, ẹnyi lẹ obi o fepụgụ ihiẹn ile obi gi e gbu ẹnyi mgbu, lẹ ẹhụ o gi mirin nwunni wụchanpụ.

Jọnụ Ibuzọ 1:3

Ẹnyi rị nwan a gwa ụnụ ihiẹn ẹnyi hụn lẹ ihiẹn ẹnyi nụ, kẹni ụnụ hụn ụzọ bannị ẹnyi — makẹni Nẹdi ẹnyi lẹ Nwa a wụ Jesu Kristi kẹ ẹnyi lẹ wẹ rị.

Ndị Han Eṅẹn 20:26

Ya ndị Izrẹlụ nọ shi Bẹtẹlụ, wẹ ile. Wẹ nọ gwọrị alị ebẹhụ ihun Osolobuẹ, a kwan ẹkwan; e bu wẹ ọnụ ụhụọhịn ahụn d'e ru ẹnyasị; a chụnyeni wẹ Osolobuẹ ẹjan: kẹ ndị wẹ dụn ọkụn kẹ ẹjan-ekele.

Ndị Han Eṅẹn 21:4

Eki e fọn, wẹ nọ rụn ukpo nchụn-ẹjan, chụnye ẹjan w'a dụn ọkụn lẹ ẹjan-ekele.