Lẹvitikọsụ 27:3 - Ika

³ ihiẹn w'e gi gbarị okẹnnyẹ rị gha ahụa ọgụn d'e ru ahụa ọgụn-ẹtọ wụ akpụrụ egho siliva iri kwasị ọgụnnaị — ihiẹn wẹ gi a ma siliva imẹ ụlọ-nsọ kẹ w'e gi ma a;

Lẹvitikọsụ 27:3 ပူးပေါင်းရင်းမြစ်များ

Ndị-nze Nke Ẹbụọ 12:4

Jụashị sị ndị nchụn-ẹjan, “Weri ni egho ile w'e wẹhẹ d'e ye oyiye rị nsọ imẹ Ụlọ-nsọ Osolobuẹ: kẹ egho ụtụ-isi kẹ hụn wẹ gi mẹzu nkwa wẹ kwe Osolobuẹ kẹ egho ịhịan gi uche ẹ wẹhẹ Ụlọ Osolobuẹ.

Ọpụpụ 30:13

Ihiẹn onyẹ-onyẹ k'a kụ, wẹ gụngụ a, wụ nkirishi egho-shẹkẹlụ ohu. Shẹkẹlụ Ọdụ-nsọ hụn wụ nwa-shẹkẹlụ ọgụn kẹ w'e gi ma a. Nkirishi shẹkẹlụnị k'a wụ ụtụ ụnụ rị a tụnị Osolobuẹ.

Ọpụpụ 38:24

Goru ile wẹ gi rụn ihiẹn hụ ile wẹ rụn gbashịarịnị Ọdụ-nsọ, goru ile wẹ finfinghọsị Osolobuẹ weye ẹ nyịnhan kẹ ẹkpa simẹnti ọgụn (1,000kg); ihiẹn wẹ gi a ma a Ọdụ-nsọ kẹ wẹ gi ma a.

Lẹvitikọsụ 27:14

“Ịhịan gi ụlọ a kwanị Osolobuẹ n'ọ wụrụchanrịn nke Osolobuẹ, onyẹ nchụn-ẹjan k'e ku kẹ ọ hụ mma ra ọ rịnị mma. Ihiẹn ọwụlẹ onyẹ nchụn-ẹjan sị nị ya wụ ọnụ-egho ẹ, ya k'a wụ ọnụ egho ẹ.

Lẹvitikọsụ 27:25

“Akpụrụ siliva Ụlọ-nsọ kẹ wẹ k'e gi ma egho siliva ọwụlẹ wẹ k'e gi kụ ụgwọ ọwụlẹ: akpụrụ siliva ohu Ụlọ-nsọ lẹ akpụrụ siliva nta ọgụn k'a han.

Lẹvitikọsụ 27:4

omẹni okpoho rọ, akpụrụ egho siliva iri kwasị ọgụn.

Lẹvitikọsụ 5:15

“Omẹni ọ rụnahịn ịhịan mẹ njọ ghahanị imẹrụ ihiẹn ọwụlẹ rị Osolobuẹ nsọ, o jẹnkọ d'a hannị Osolobuẹ ebulu ẹhụ a zu oke mọbụ ọnụ-egho ẹ wẹ gụn kẹ w'a gụn imẹ Ọdụ-nsọ, d'e gi ẹ chụn ẹjan onyẹ ikpe ma.

Lẹvitikọsụ 6:6

“O sikọ d'e wẹhẹni Osolobuẹ atụnrụn ẹhụ a zu oke mọbụ ọnụ-egho ẹ, we ẹ ye onyẹ nchụn-ẹjan, makẹni ikpe ma a.

Ọgụngụn 18:16

Wẹ zu ifọn ohu, ụnụ e gi ọnụ-egho wẹ gi a gbarị wẹ gbarị wẹ — akpụrụ siliva isẹn. Akpụrụ siliva wẹ gi gbarị a lẹ akpụrụ siliva ụlọ Osolobuẹ hụn wụ akpụrụ nta ọgụn k'a hanrịrị.

Ọgụngụn 3:47

narịnsọnmẹ akpụrụ egho siliva isẹn-isẹn isi onyẹ-onyẹ imẹ wẹ, akpụrụ egho siliva wẹ k'e gi a kụ a k'a han kẹ nke Ọdụ-nsọ hụn wụ akpụrụ egho nta ọgụn.