Lẹvitikọsụ 26:4 - Ika

⁴ m k'e zihẹni ụnụ mirin, udu ẹ ru — alị e mẹ ihiẹn, osisi ụnụ kụn a mị mkpụrụ.

Lẹvitikọsụ 26:4 ပူးပေါင်းရင်းမြစ်များ

Ndị-nze Nke Ibuzọ 17:1

Ya kẹ Ẹlaịja onyẹ obodo Tishibẹ alị Gilẹdị nọ sị Eze wụ Ehabụ, “Ma Osolobuẹ wụ Chuku Izrẹlụ hụn m wụ onyẹ-ọrụn a, igirigi eziẹnkọ, mirin ezuekọ d'e ru ahụa m sị a mẹ!”

Jobu 5:10

O mẹ mirin e zueye elu ụwa, o zi mirin e ye ugbo lẹ ọfịa.

Ẹbụ-ọma 104:13

Y'a gha ụlọ-elu i a gba elu ugu ichẹn-ichẹn mirin; ihiẹn hụn ị rụnpụha kẹ ụwa gi e rijun ẹfọ.

Ẹbụ-ọma 67:6

Ihiẹn wẹ kụnye alị e mẹgụọ, Chuku wụ Chuku ẹnyi a gọzikẹ ẹnyi!

Ẹbụ-ọma 67:7

Chuku ẹnyi a gọzikẹ ẹnyi, ụwa ile a gbaye ẹ!

Ẹbụ-ọma 68:9

Euu Chuku, ị nọ mẹ mirin zue ọda-ọda, gi ẹ mẹ alị ị te kpọgụ nkụn mẹmẹzi ọhụnma.

Ẹbụ-ọma 85:12

Ẹghẹẹ, Osolobuẹ k'e ye ẹnyi ihiẹn rị mma; alị ẹnyi e mẹmẹ ihiẹn-ugbo ọhụnma-ọhụnma.

Ẹbụ-ọma 85:13

Ọrụn-ọma a k'e burun'ẹ ụzọ, kwan'a ụzọ o k'a gha.

Azaya 30:23

Osolobuẹ jẹnkọ d'e mẹzi mirin zueni ụnụ makẹ nkpụrụ ụnụ kụnye alị; ihiẹn-oriri alị k'e ye ụnụ k'a rịchanrịn mma, jun. Ogẹn ahụn, efin ụnụ k'a nọ ọfịa shịanị ẹfịfịa jun a kpa nni.

Azaya 5:6

M k'e mẹ ẹ họnrin alị la iwi, alị wẹ ghalẹni e befọn ihiẹn rịn'a mọbụ a rụn ugbo, ogun lẹ ọkịnkan e pu ẹ. M k'a sị igwere e zueyelẹ ẹ mirin.

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Izikẹlụ 36:30

M k'e mẹ mkpụrụ-osisi lẹ ihiẹn-ugbo barahị, nke wụnị onwọnni ogẹn ụnwụn e gizi kpọrị ụnụ ihun alị ndị ọzọ.

Juwẹlụ 2:22

Anụ rị ọfịa, atụkwọlẹ ni egun makẹni ẹfịfịa-oyiyi ụnụ e ri e suemẹzi! Osisi a mịmagụọzị mkpụrụ kẹ osisi figi kẹ vaịnị a mịmagụọzị mkpụrụ ọda-ọda!

Lẹvitikọsụ 25:19

alị e mẹni ụnụ ihiẹn ọhụnma-ọhụnma, ụnụ e ri, rijun ẹfọ, bi alị hụ, onwọnni ihiẹn k'e mẹ ụnụ.

Lẹvitikọsụ 25:21

M sikọ d'e zihẹni ụnụ okẹn ngọzi imẹ ahụa nke isin hụn alị ụnụ k'e gi mẹ ihiẹn k'e bu ụnụ ọrọgbọ ahụa ẹtọ.

Zẹkaraya 8:12

Mba! M jẹnkọ d'a kụn ọrịrịmma nọkẹ mkpụrụ; osisi vaịnị k'a mị mkpụrụ a; alị k'e mẹ ihiẹn; igwere k'e ye mirin ẹ. M k'e mẹ ndịnị họdụ imẹ ndị Juda nwọnrin ihiẹn ndịnị ile.

Matiu 5:45

kẹni ụnụ wụrụ ụmụ Nẹdi ụnụ rị elu-igwee nke-esi. Makẹni, o mẹ anwụn a e tikpu kẹ eje-ịhịan kẹ ezigbo ịhịan, e mẹ mirin e zueni kẹ ndị ezi-omumẹ kẹ ndị eje-omumẹ.

Ọrụn Ndị-ozi 14:17

Kanị, onwọnni ogẹn o gi latọ ịshịanị enwẹn ẹ ẹri ghahanị mma ọ rị e mẹ. Ọ gha elu-igwee e mẹ mirin e zueni ụnụ, e ye ụnụ mkpụrụ a ghọrị udu wẹ, e ye ụnụ ihiẹn-oriri ụnụ gi e rijun ẹfọ, e mẹ ịghọghọ e jun ụnụ obi.”

Ditrọnọmi 11:13

O mẹ nwan nị ụnụ e wepụha obi mẹ ihiẹn ndịnị m rị a gwa ụnụ tannị: inwọn ihiẹn-ọsụsụọ Osolobuẹ wụ Chuku ụnụ lẹ igi obi ụnụ ile lẹ umẹ-ndụn ụnụ ile fe ẹ;

Ditrọnọmi 11:14

Osolobuẹ sị, “M k'e zi mirin zueye alị ụnụ udu-mirin, kẹ mirin ibuzọ wụ mirin ahụa kẹ mirin ikpanzụụn, kẹni ụnụ hụn ọka, manya lẹ ofigbọn-olivu.

Ditrọnọmi 28:12

Osolobuẹ k'e kpupụ igwere, ebahụn o butọ ihiẹn bu ọda, zi mirin zueye alị ụnụ udu-mirin, gọzi ọrụn-ẹka ụnụ ile. Ụnụ k'e zinye ndị alị bu ọda, kanị ụnụ ezinnarịnkọ alị ọwụlẹ.

Jemisi 5:7

Umunẹ m, e nwọn ni nwan ndidin d'e ru ni Di-nwọnni-ẹnyi a bịa. Lee ni kẹ onyẹ-ugbo e che ihiẹn-ugbo rịgbu enwẹn ẹ mkpa, e din ndidin ni mirin ahụa lẹ mirin ikpanzụụn zueyegụ a.

Rẹvẹleshọnụ 11:6

Wẹ nwọn ikẹn wẹ gi a kpọkin igwere mẹ mirin ezuelẹ ọrọgbọ hụ ile wẹ rị e ku oku-Chuku. Wẹ nwọnzi ikẹn wẹ gi e mẹ mirin rị elu ụwa e họnrin ẹdeke; wẹ nwọnzikwọ ikẹn wẹ e gi mẹ ụwa ihiẹn ọwụlẹ wẹ chọ ogẹn wẹ gi chọ a.