Lẹvitikọsụ 26:39 - Ika

³⁹ Ndị k'a họdụnị imẹ ụnụ k'a ta kẹ ofe imẹ alị ndị iṅẹnrẹn wẹ makẹ ufiri njọ wẹ lẹ njọ ndị nẹdi wẹ.

Lẹvitikọsụ 26:39 ပူးပေါင်းရင်းမြစ်များ

Ihiẹn Mẹni Nke Ẹbụọ 34:24

‘Ihiẹnni kẹ Osolobuẹ ku: M k'e mẹ ebeni lẹ ndị bin'ẹ okẹn-ihiẹn — abụmọnụ ile wẹ deye imẹ ẹkụkwọ hụ wẹ gụn idẹnya eze Juda.

Ẹzra 9:7

Gha ogẹn ndị nẹdi ẹnyi wẹ d'e ru tannị ikpe eje-ihiẹn ẹnyi rị e mẹ hụ a ma ẹnyi ọda-ọda. Njọ ẹnyi haịn agha gi e gbu ẹnyi lẹ ndị-nze ẹnyi lẹ ndị nchụn-ẹjan ẹnyi; ịya haịn wẹ gi a nwụnrụn ẹnyi, a kwarị ihiẹn ẹnyi, ẹnyi hụ e ri ụya ẹka ndị-nze alị ndị ọzọ k'o dọn nwan rị tannị.

Nehemiah 1:9

kanị, ụnụ kinhẹn d'e kunrunzi m, dọnmẹmẹ iwu ndị m ye ụnụ, ọsụọn'a nị ndị nke ụnụ m chụpụ rị ebe kachanrịn e te, m sikọ d'a gha ebẹhụ kpọnlụa wẹ, e wẹhẹ m wẹ alịnị m họrị nị ịya jẹnkọ d'a za Ẹfan m.’

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Ọpụpụ 34:7

e mẹni onyẹ nkẹ ẹ d'e rudẹ agbọ nnụ-nnụ, a gbagharị eje-ihiẹn, nnupụ-isi lẹ njọ — bụ ara nị onyẹ mẹ eje-ihiẹn la ọfẹ; o gi njọ nẹdi mẹ e sọn ụmụ lẹ ụmụ-ụmụ d'e ru agbọ nke ẹtọ lẹ nke ẹnọ.”

Azaya 14:21

Kwademẹ ni ebe wẹ k'a nọ gbu ụmụ a ikẹnnyẹ makẹ njọ ndị nẹdi wẹ; elihikọzị wẹ d'e nwọnrin alị, tụnsọnmẹ obodo elu ụwa ile kẹ w'a tụn.

Azaya 24:16

Ẹnyi hụ a nụ ẹbụ wẹ rị a bụ elu-ụwa ile, a sị, “Ịja-mma ya rịnị Onyẹ ahụn wụ Onyẹ ezi-omumẹ.” Kanị, m sị, “Ẹhụ a gbọrọ m, ẹhụ a gbọrọ m! Ndụn a gụ m! Ndị ẹro hụ e re ịhịan! Ndị ẹro hụ e gi ẹro e re ịhịan.”

Jerimaya 29:12

“ ‘Ụnụ jẹnkọ d'a kpọku m, mẹ ekpere, rịọ m, a za m ụnụ.

Jerimaya 3:25

Nị ẹnyi gi ifẹnrẹn ihiẹn ẹnyi mẹ dan alị, nị ẹnyi nị ifẹnrẹn ihiẹn ẹnyi mẹ ru ẹnyi ẹhụ. Ẹnyi e mẹgụọ Osolobuẹ wụ Chuku ẹnyi njọ — kẹ ẹnyi kẹ ndị nẹdi ẹnyi; ghakwọrị ebe ẹnyi rị nwata d'e ru tannị, ẹnyi e ara humẹni Osolobuẹ wụ Chuku ẹnyi isi.”

Jerimaya 31:29

O ru ogẹn ahụn, asịkọzị wẹ, ‘Ndị nẹdi ra vaịnị rịlẹni mma, ụmụ wẹ kẹ eze rị e gigihi.’

Ẹkwan 1:3

E mẹshigụ wẹ alị Juda ikẹn, mẹ ẹ rụngbu enwẹn ẹ, wẹ nọ kpụn Juda shi alị ọzọ. O bi nwan alị ndị ọzọ rị ichẹn-ichẹn; ọ hụnnị ebe ẹhụ nọ fụ ẹ. Ndị ile chụkọn'a e kunrungụọ a k'ọ rị imẹ nsọngbu.

Ẹkwan 4:9

Ndị wẹ gi ọpịa-agha gbu kazịdẹ nwan mma karị ndị ẹgụn rị e gbu — ndị rị a nwụnhụn makẹ ụnwụn.

Izikẹlụ 18:19

“Ụnụ hụzị a jụ ‘Kị wụ nị nwa ebukọ njọ nẹdi?’ “Ebe o mẹ ni nwa ahụn hụ e mẹ onyẹ ọwụlẹ k'o furu, e mẹ ihiẹn m chọ; e gi Iwu m e bi, e dọnmẹ wẹ, o k'a rịrịrị ndụn.

Izikẹlụ 20:43

ụnụ a nyanhan obibi ụnụ lẹ ihiẹn ndị hụ ile ụnụ gi mẹrụ enwẹn ụnụ, ize enwẹn ụnụ a ban ụnụ makẹ eje-ihiẹn ndị hụ ile ụnụ mẹ.

Izikẹlụ 24:23

Ụnụ sikọ d'a fụma isi, yiri akpụkụ; ụnụ akwankọ ụya, ụnụ akwankọ ẹkwan. Njọ ụnụ k'a gha gbawa ụnụ obi; udẹn-udẹn kẹ ụnụ k'a gha a sụn imẹ igunrun ụnụ.

Izikẹlụ 33:10

“Nwa-ịhịan, sị ndị Izrẹlụ: Ụnụ hụ a sị, ‘Mmẹfie ẹnyi lẹ njọ ẹnyi hụ e gbu ẹnyi nwan, ẹnyi hụ e gi ufiri wẹ a la. Nanị ẹnyi a dọn nwan rị ndụn?’

Izikẹlụ 36:31

Ogẹn ahụn, ụnụ a nyanhan eje-obibi ụnụ lẹ eje-ihiẹn ndị hụ ụnụ mẹ, ize enwẹn ụnụ a ban ụnụ yeni njọ ụnụ lẹ arụ ile ụnụ mẹ.

Izikẹlụ 4:17

makẹ okẹn ụkọ ihiẹn-oriri lẹ mirin jẹnkọ d'a rịnị. Onyẹ lee ibe ẹ, egun a tụma a; wẹ k'e fiechanrịn ẹhụ yeni njọ wẹ rị e gbuni wẹ.

Izikẹlụ 6:9

Ndị hụ hụn isi imẹ ụnụ k'a nyanhan m imẹ alị ichẹn-ichẹn ndị hụ wẹ kpụnjẹn wẹ, nyanhan kẹ obi dọn gbawapụ m yeni obi wẹ rịlẹni ụzọ ohu, obi wẹ hụn pụchanrịn ebe m rị shi mmọn wẹ ndị hụ chanban wẹ ẹnya, ize enwẹn wẹ a ban wẹ yeni eje-ihiẹn ile wẹ mẹ lẹ arụ ile wẹ mẹ.

Hosia 5:15

A la m wẹ tọ, jẹnmẹ d'e ru mgbe wẹ kweri n'e mẹgụọ wẹ eje-ihiẹn, chọma ihun m. Eziẹ-eziẹ, wẹ tabe afụnfụn, e gi wẹ obi wẹ ile chọma m.”

Zẹkaraya 10:9

Ọsụọn'a nị m fe wẹ ye alị ndị ọzọ, wẹ k'a nọzịkwọ alị ndị hụ teni nyanhan m; wẹ k'a rị ndụn, wẹ lẹ ụmụ wẹ, lụahazị ebeni.

Ọgụngụn 14:18

‘Osolobuẹ ara bukẹnrin olulu; o nwọnkẹnmẹkẹ ihiẹn-ọsụsụọ; ọ gbagharị njọ lẹ nnupụ-isi. Kanị ara hatu onyẹ ikpe ma — o gidẹ ufiri njọ nẹdi e ye ụmụ afụnfụn d'e ru agbọ nke ẹtọ lẹ nke ẹnọ.’

Ditrọnọmi 28:65

Imẹ alị ndị ahụn o k'e feyịya ụnụ, ẹhụ efukọ ụnụ, ụnụ ahụnkọ ebe ụnụ a nọ zu ikẹn. Osolobuẹ k'e mẹ obi ferisọnmẹ ụnụ, mẹ ẹnya rọ ebe ụnụ rị e lee ẹnya eyemẹka, mẹ ndụn olilẹnya gụ ụnụ.

Ditrọnọmi 30:1

Mgbe ngọzi ndịnị ile m gwa ụnụ e gi rumẹ ụnụ ẹhụ, nị ọnụ-ẹsọn ndịnị ile m gwa ụnụ e kunrun ụnụ, ụnụ ro wẹ ebe ile Osolobuẹ feyịya ụnụ imẹ alị ndị ọzọ,

Ditrọnọmi 5:9

“Akpọkwọlẹ ni ni wẹ isi alị mọbụ fe wẹ, makẹni mmẹ, Osolobuẹ hụn wụ Chuku ụnụ, wụ Chuku ẹnya a fụ; m'e gi njọ ndị hụn ize m e ze e sọn ụmụ wẹ d'e ru ụmụ-ụmụ lẹ ụmụ ụmụ-ụmụ wẹ,

Ditrọnọmi 8:20

Kẹ Osolobuẹ dọn tikpọ alị ndị ahụn bu ụnụ ụzọ bi ebahụn k'ọ k'a dọn tikpọ ụnụ makẹni ụnụ emẹni ihiẹn Osolobuẹ wụ Chuku ụnụ sị ụnụ mẹ.