Lẹvitikọsụ 26:36 - Ika

³⁶ “O mẹ nke ndị k'a rị ndụn imẹ ụnụ, m k'e bu egun che wẹ ẹnya ọda-ọda imẹ alị ndị iṅẹnrẹn wẹ ahụn wẹ k'a rị, nke wụ nị wẹ nụ ụzụn mkp'ẹhụhụọ ufere bukọ, a gbama wẹ ọsọ. Wẹ k'a gba kẹ ndị gbakọnị ọpịa-agha, a gba, a dan, ọsụọn'a n'o nwọnni onyẹ chụkọnị wẹ.

Lẹvitikọsụ 26:36 ပူးပေါင်းရင်းမြစ်များ

Jẹnẹsisi 35:5

Ya wẹ nọ buli; egun Osolobuẹ nọ tụ obodo ile fihunmẹni wẹ, hụn wụnị onwọnni onyẹ chụnị wẹ.

Jẹnẹsisi 4:12

Ị rụnzị ugbo, alị emẹkọn'ị ihiẹn ọwụlẹ. Ọsọ-ọsọ kẹ y'a gha a gba nọkẹ onyẹ wẹ rị a chụ; ị k'a rị a wahunmẹ elu-ụwa ile.”

Ihiẹn Mẹni Nke Ẹbụọ 14:14

Wẹ nọ tikpọchanrịn mmụ alị ile nọhunmẹ Gẹra, makẹni egun Osolobuẹ a nwụngụọ ndị bi imẹ wẹ. Ndị Juda nọ kwarị ihiẹn rị ụmụ alị ndị ahụn ile, makẹni ihiẹn w'a kwarị imẹ wẹ e hikẹ.

Jobu 13:25

N'i mẹshi ẹhụhụọ ufere bukọ ikẹn? N'i chụ ẹfịfịa ọkpọ-nkụn ọsọ?

Ẹbụ-ọma 53:5

Okẹn egun a tụmagụọ wẹ nwan ebẹhụ — bụ ihiẹn egun arịa, makẹni Chuku e mẹgụọ ndụn gụ ndị kehunmẹ ụnụ, gụ wẹ ru ọkpụkpụ; ụnụ e mẹri wẹ, ifẹnrẹn e mẹgbu wẹ, makẹni Chuku a jụgụọ wẹ.

Ẹbụ-ọma 53:6

Dodo, nzụọpụha ya gha Zayọnụ bịan'ị Izrẹlụ!! Ogẹn Chuku e gi dọnzini ndị nke ẹ ihiẹn, ndị Izrẹlụ, ebọn Jekọpụ k'a ghọghọ; ẹfọ k'a sụọgbu ndị Izrẹlụ ụsụọ!

Ẹbụ-ọma 89:43

Y'e mẹgụọ ọpịa o gi jẹn agha wụrụ ihiẹn la iwi; y'a kwadọnzin'ẹ imẹ agha!

Itẹn 28:1

Onyẹ eje-omumẹ a gba ọsọ bụ onwọnni onyẹ chụkọn'a, kanị onyẹ ezi-omumẹ e mẹ kẹ ẹwọrọ hụn egun ghalẹni a tụ.

Azaya 30:17

Mmadụ nnụ-uku imẹ ụnụ k'a gbanị akpụ eṅẹnrẹn ohu ọsọ, ụnụ ile a gbanị mmadụ isẹn imẹ wẹ ọsọ — d'e ru ni ndị k'a họdụ imẹ ụnụ a nọhụ kẹ akpụ ọtọsị ohu wẹ kẹnmẹye ẹkwa-ahịma — hụn ya sụọ turu elu ugu lekẹ ẹkwa-ahịma ya sụọ rị elu òke.”

Azaya 7:2

Ogẹn ozi gi ru ndị ebọn Defidi rị a kịnị ẹhụ, nị ndị Aram a banyegụọnị ndị Ifrem umunẹ wẹ, ndị Izrẹlụ Ẹbamịn-ugu, obi nọ feri eze wụ Ahazị lẹ ndị nke ẹ, ẹhụ nọ mama wẹ nni kẹ osisi rị ẹgboko ufere rị e mẹhunmẹ.

Azaya 7:4

Sị a, ‘Hụn a n'i kwọndọn enwẹn i; atụlẹ egun; obi anahịnlẹ i makẹ mkpikpi nkụn ẹbụọ ndịnị rị e tinyụnnị hụn bịa d'a maye ụnụ; obi anahịnlẹ i nị Rẹzini lẹ alị a wụ Aram lẹ nwa Rẹmalịa rị e buni ụnụ olulu.

Jerimaya 37:10

Ọsụọn'a nị ụnụ e mẹrichanrịn ndị-agha Babilọnụ ile rị a lụsọn ụnụ agha, nke wụnị ọ họdụ ndị wẹ rụ ẹhụ dinẹsọnmẹ imẹ ọdụ wẹ, ndị ahụn rụ ẹhụ jẹnkọ d'e lihi kpọ obodoni ọkụn.’ ”

Jerimaya 46:16

M k'e mẹ ndị bugbu enwẹn wẹ ọda a kpọgburu a dan; wẹ k'a rị a dankwasị ibe wẹ gbakọnị. Wẹ k'a rị a sị ibe wẹ, ‘Lihi ni, nị ẹnyi laburu ndị nke ẹnyi, nị ẹnyi lakin alị ẹnyi, wanahịn ọpịa-agha ndị-iṅẹnrẹn ẹnyi.’

Ẹkwan 1:3

E mẹshigụ wẹ alị Juda ikẹn, mẹ ẹ rụngbu enwẹn ẹ, wẹ nọ kpụn Juda shi alị ọzọ. O bi nwan alị ndị ọzọ rị ichẹn-ichẹn; ọ hụnnị ebe ẹhụ nọ fụ ẹ. Ndị ile chụkọn'a e kunrungụọ a k'ọ rị imẹ nsọngbu.

Ẹkwan 1:6

Ọghọnẹi ile Nwa-Zayọnụ nwọn a nahịnchanrịngụọ a. Ndị ọkịkị a nọ kẹ ele hụn hụnlẹni ẹfịfịa ri; e gi wẹ ufiri ndụn-ọgụgụọ gba ọsọ — gbanị ndị chụkọnị wẹ ọsọ.

Ẹkwan 4:19

Ọ kẹrẹ ndị chụkọnị ẹnyi karị ugọn e fe elu; a chụ wẹ ẹnyi ru elu-ugu, a warị wẹ alị ọkpọ-nkụn, e che ẹnyi.

Izikẹlụ 21:12

“ ‘Nwa-ịhịan, yimẹ oro, gomẹ, makẹni ndị nke m kẹ wẹ k'e gi ẹ gbu; ndị-isi Izrẹlụ ile kẹ wẹ k'e gi ẹ gbu. A tụgụọ wẹ wẹ yeni ọpịa-agha hụ, uwẹ lẹ ndị nke m. Fịanma nwan ẹka obi.

Izikẹlụ 21:15

Kẹni obi dẹnhin wẹ, kẹni ndị bu ọda kpọgburu. E bugụọ m ọpịa-agha ahụn k'e gbuni che ọnụ-mgbọn wẹ ile. Ẹghẹẹ! E sụọngụọ w'a, ọ hụ e be nwaịn-nwaịn kẹ amụma. E bugụọ w'a che ọbụọ nị wẹ gi ẹ gbu ịhịan.

Izikẹlụ 21:7

Wẹ sị ị, ‘Kị rị a sụnnị udẹn?’ Sị, ‘Ozi lalanị haịn. Obi k'e dẹnhin ịhịan ile, ẹka ile a lịlọhị, ndụn a gụ onyẹ ọwụlẹ obi, mkpụkụ ile a mama piripiri!’ Ọ lala! O k'e mẹrịrị! Ya kẹ Osolobuẹ Nwọn Ihiẹn Ile ku.”

Hosia 8:3

Kanị Izrẹlụ a jụgụọ ihiẹn rị mma. Eṅẹnrẹn jẹnkọ d'a chụ wẹ ọsọ.

Lẹvitikọsụ 26:17

M k'e bu ẹnya zinmẹ ụnụ hụn ndị iṅẹnrẹn ụnụ e gi mẹri ụnụ; ndị rị e we iwe ụnụ k'a kị ụnụ; ụnụ k'a a gbadẹ ọsọ bụ onwọnni onyẹ chụkọnị ụnụ.

Lẹvitikọsụ 26:35

Ogẹn ahụn ile o k'e gi gba okpokoro, alị hụ k'e zu ikẹn ile o zulẹni ọrọgbọ hụ ụnụ bi imẹ ẹ.

Ditrọnọmi 1:44

Ya ndị Amọ bisọnmẹ elu òke ahụn nọ pụha d'a lụsọn ụnụ; wẹ nọ chụ ụnụ ụkụ-akpalẹ-alị nọkẹ ebe ẹkpa ẹnwụn nọ a chụ ịhịan, gha alị Sẹẹ gbu ụnụ d'e rukwọrị Homa.

Joshụa 5:1

Ogẹn ndị-nze ndị Amọ ile rị nfetu Iyi-Jọdanị ẹbamịn ọdịdan-ẹnyanwụn lẹ ndị-nze Kenaanị ile rị mkpẹnrẹn Ohimin Mẹditerenia gi nụ nị Osolobuẹ mẹ mirin Iyi-Jọdanị kọrọhịnị ndị Izrẹlụ, e we wẹ fetuchanrịn, obi nọ dẹnhin wẹ, ndụn ehulehu arịzị wẹ yeni egun ndị Izrẹlụ.

Joshụa 7:5

gbu ihiẹn nọ kẹ mmadụ ẹnọ arịa ọgụnnaị. Ọnụ-mgbọn obodo hụ kẹ wẹ ghakwọrị chụrụ ndị Izrẹlụ d'e ru Shẹbarim, ebẹhụ ọdanmgbugbu rịsọnmẹ, e gbu wẹ a tọ nkpọtu-oke ndị rịn'a. Ya akpobi nọ dẹnhin ndị Izrẹlụ rịkẹ mirin, ogẹn wẹ gi hụn ihiẹn mẹni.

Samuẹlụ Nke Ibuzọ 17:24

Hụn ndị-agha Izrẹlụ gihụ hụn Golịatị, wẹ ile nọ gi okẹn egun gbapụn'a.