Lẹvitikọsụ 26:31 - Ika

³¹ M k'e tikpọchanrịn obodo ndị rị alị ụnụ ru alị, tikpọchanrịn ebe ụnụ nọ e fe m ofufe; ishin ọma ẹjan ndị hụ ụnụ a chụnyeni m asụọkọ m.

Lẹvitikọsụ 26:31 ပူးပေါင်းရင်းမြစ်များ

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Ndị-nze Nke Ẹbụọ 22:19

Ebe o mẹni ọ fụ ị afụ lẹni i welụa enwẹn i alị ihun mmẹ wụ Osolobuẹ ogẹn i gi nụ ihiẹn m ku ni m k'e mẹ obodoni lẹ ndị rịn'a, nị wẹ k'a wụrụ ihiẹn wẹ bụ ọnụ lẹ ihiẹn la iwi, ị nọ dọka ẹwuru ndị i yi ye enwẹn i olu, kwan ẹkwa ihun mmẹ wụ Osolobuẹ — a nụgụọ m; ya kẹ Osolobuẹ ku.

Ihiẹn Mẹni Nke Ẹbụọ 36:19

Wẹ nọ yi Ụlọ-nsọ Chuku ọkụn, kụtu mgbọn Jerusalẹm, dụnpụ ụlọ ile rị mkpa rịn'a ọkụn, tikpọ ihiẹn ile rị mkpa rị ebẹhụ.

Nehemiah 1:3

Wẹ nọ sị m, “Ndị Ju ẹnyi ghasọnmẹ alị ndị wẹ kpụnjẹn wẹ lụaha Juda rị imẹ okẹn nsọngbu lẹ ụya. Mgbọn Jerusalẹm rị mkpọkọ-mkpọkọ; ọnụ-mgbọn ndị rịn'a wẹ dụn ọkụn nọkwọ k'ọ nọ.”

Nehemiah 2:17

M nọ nwan sị wẹ, “Ụnụ a hụngụọ nwan nsọngbu ẹnyi rị imẹ ẹ: Jerusalẹm mẹ mkpọkọ-mkpọkọ, ọnụ-mgbọn ẹ ndị wẹ dụn ọkụn nọkwọ ẹrịra. Bịa nị nwan nị ẹnyi dọnzi mgbọn Jerusalẹm, nị ẹnyi hụn ụzọ pụha imẹ ifẹnrẹn.”

Nehemiah 2:3

m nọ sị eze, “Agụ! Ẹlẹ oku m maị! Obodo m, ebe wẹ liye ndị nẹdi m mẹkwọ mkpọkọ-mkpọkọ, a dụngụọ wẹ ọnụ-mgbọn ndị rịsọnmẹn'ẹ ọkụn.”

Azaya 1:7

Alị ụnụ a gbagụọ okpokoro; a dụngụọ wẹ obodo ụnụ rị ichẹn-ichẹn ọkụn; abịamabịa hụ e wiwi ugbo ụnụ idẹnya ụnụ, e mẹ wẹ a la iwi rịkẹ ebe itumunyẹ nọ weri ọkịkị.

Azaya 6:11

Ya m nọ sị, “Onyẹ-nwọnni-ẹnyi, d'e ru ele mgbe?” Ọ nọ sị m: “D'e ru ni obodo ichẹn-ichẹn e tikpọchanrịn, onwọnzini onyẹ bi imẹ wẹ; d'e ru mgbe wẹ lachanrịn ụlọ wẹ tọ okpokoro, ndị ọzọ e wiwi ugbo wẹ, ripụ ihiẹn wẹ kụn;

Azaya 63:18

Makẹni ndị nke i e te werigụọ alị nsọ ị ẹkẹrẹ ogẹn, kanị ndị-iṅẹnrẹn ẹnyi nọ nwan bịa d'a zọtịta Ụlọ-nsọ ị.

Azaya 64:9

Osolobuẹ, dodo, ebukẹlẹ olulu; atọlẹ a nyanhan njọ ẹnyi jẹnrin ejẹn. Dodo, lee ẹnyi ẹnya ihun, nị ndị nke i kẹ ẹnyi ile wụ.

Azaya 66:3

Onyẹ hụn gi okẹn-efin chụnyeni m ẹjan hụzị e gbu ọchụn; onyẹ hụn a chụnyeni m ẹjan nwa-atụnrụn, hụzị a kpagi nkitẹ olu e ye mmọn; onyẹ hụn e ye m oyiye-ọka hụzị a chụnyeni mmọn ẹdeke ezin; onyẹ hụn a mụyeni m nsẹnsi hụzị a ja mmọn-lẹ-iyi mma. Hụn sụọnị wẹ kẹ wẹ e mẹ, arụ ile wẹ e mẹ a sụọgbu wẹ.

Jerimaya 22:5

“ ‘Kanị omẹni ụnụ emẹni ihiẹn ndịnị m sị ụnụ mẹ, ma isi m, obi-ezeni jẹnkọ d'e họnrin mkpọkọ-ụlọ.’ ”

Jerimaya 26:6

m jẹnkọ d'e mẹ ụlọ-nsọnị ihiẹn m mẹ obodo Shilo, mẹ obodoni wụrụ ihiẹn ndị alị ile rị elu-ụwa gi a bụ ọnụ.’ ”

Jerimaya 26:9

Kị haịn i gi e gi ẹfan Osolobuẹ e bu amụma nị ụlọ-nsọnị jẹnkọ d'a rị kẹ Shilo lẹni obodoni jẹnkọ d'e mẹ mkpọkọ-mkpọkọ, gba okpokoro?” Ndị hụ ile nọ fihunmẹ Jerimaya imẹ ụlọ-nsọ Osolobuẹ ebẹhụ.

Jerimaya 4:26

E lee m ẹnya, alị nwẹn te e mẹ ihiẹn e họnringụọ atụ; obodo ile ịhịan te bi e mẹ mkpọkọ-mkpọkọ, makẹ ihiẹn Osolobuẹ mẹ; makẹ okẹn-olulu ọ rị e bu.

Jerimaya 4:27

Osolobuẹ sị, “Alịnị ile jẹnkọ d'a gba okpokoro, kanị etikpọchanrịnkọ m'a.

Jerimaya 4:7

Ẹwọrọ a ghagụọ ebe o bi pụha; onyẹ rị e tikpọ alị ichẹn-ichẹn e buligụọ. Ọ ghaọlẹ ebe ọ rị pụha d'e tikpọ alị ụnụ la iwi. Obodo ile rị alị ụnụ jẹnkọ d'e họnrin mkpọkọ-mkpọkọ, obodo ịhịan bilẹni.

Jerimaya 44:2

Osolobuẹ ihiẹn ile ri okpuru ẹ, hụn wụ Chuku Izrẹlụ, sị, “Ụnụ e gigụọ ẹnya ụnụ hụn eje-ihiẹn ile m mẹ obodo Jerusalẹm lẹ obodo ọzọ ile rị alị Juda, nke wụnị wẹ ile gba nwan okpokoro tannị, mẹ mkpọkọ-mkpọkọ;

Jerimaya 44:6

Ya m nọ gi olulu sọn wẹ nọkẹ ọkụn. Ọ dụn alị ichẹn-ichẹn rị Juda lẹ ọgbara-ogbe rị obodo Jerusalẹm, wẹ gi nwan gba okpokoro, họnrin mkpọkọ-mkpọkọ k'o rị nwan tannị.

Jerimaya 52:13

Ọ dụn ụlọ-nsọ Osolobuẹ lẹ obi-eze lẹ ụlọ ile rị Jerusalẹm ọkụn — dụnkwama ụlọ ile rị mkpa ọkụn.

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Ẹkwan 1:1

Euu, obodo nwẹn a gba okpokoro! Obodo nwẹn ịhịan te jun! Ledẹ k'ọ nọ kẹ okpoho di nwụnnahịn — obodo hụn te wụ okẹn obodo imẹ alị ichẹn-ichẹn! Obodo hụn te wụ eze-okpoho imẹ ẹgbẹrẹ rị ichẹn-ichẹn, e họnnringụọ nwan igbọn!

Ẹkwan 1:10

Eṅẹnrẹn e bu ẹka che ihiẹn ile rị mkpa o dọnmẹ; ọ hụnghọdẹ kẹ ndị a rụa mmọn banye ụlọ-nsọ a — ndị hụn ị sị nị abanyekọ wẹ igunrun ndị nke i.

Ẹkwan 2:6

Osolobuẹ e titugụọ Ụlọ-nsọ a nọkẹ ugbo-nta mmakalaka; o tikpọpụ ebe ya lẹ ndị nke ẹ nọ e zu. Osolobuẹ e mẹgụọ Zayọnụ zọ kẹ mmẹmmẹ nsọ kẹ Ụhụọkịn Ezumikẹn. O gigụọ olulu gbakitọ kẹ eze kẹ ndị nchụn-ẹjan rị Juda azụụn.

Ẹkwan 2:7

Di-nwọnni-ẹnyi a jụgụọ ukpo nchụn-ẹjan a, latọ Ụlọ-nsọ a. Ọ nịgụọ eṅẹnrẹn kụtu mgbọn obi-eze ichẹn-ichẹn rịn'a — a bangụọdẹ wẹ Ụlọ Di-nwọnni-ẹnyi wụ Osolobuẹ, nọ a yi oro mmẹri nọkẹ oro w'e yi Ụhụọhịn mmẹmmẹ nsọ.

Izikẹlụ 12:20

Wẹ k'e tikpọchanrịn obodo ile rịn'a ịhịan bi, alị hụ ile a gba okpokoro. Ogẹn hụ kẹ ụnụ k'a marịn nị mmẹ wụ Osolobuẹ!’ ”

Izikẹlụ 21:15

Kẹni obi dẹnhin wẹ, kẹni ndị bu ọda kpọgburu. E bugụọ m ọpịa-agha ahụn k'e gbuni che ọnụ-mgbọn wẹ ile. Ẹghẹẹ! E sụọngụọ w'a, ọ hụ e be nwaịn-nwaịn kẹ amụma. E bugụọ w'a che ọbụọ nị wẹ gi ẹ gbu ịhịan.

Izikẹlụ 21:7

Wẹ sị ị, ‘Kị rị a sụnnị udẹn?’ Sị, ‘Ozi lalanị haịn. Obi k'e dẹnhin ịhịan ile, ẹka ile a lịlọhị, ndụn a gụ onyẹ ọwụlẹ obi, mkpụkụ ile a mama piripiri!’ Ọ lala! O k'e mẹrịrị! Ya kẹ Osolobuẹ Nwọn Ihiẹn Ile ku.”

Izikẹlụ 24:21

Sị ebọn Izrẹlụ, “Lee ihiẹn Osolobuẹ nwọn ihiẹn ile ku: M'e d'e mẹrụ Ụlọ-nsọ m — ikẹn ụnụ hụn ụnụ gi a nyan isi, hụn a sụọ ụnụ ụsụọ olegha, a sụọ ụnụ ụsụọ obi. Wẹ k'e gi ọpịa-agha gbupụ ụmụ ụnụ ikẹnnyẹ lẹ ikpoho họdụ imẹ Jerusalẹm.

Izikẹlụ 6:6

Ebe ọwụlẹ ụnụ bi, wẹ k'e tikpọchanrịn obodo ụnụ ile shịa ẹfọ la iwi; wẹ k'e tikpọchanrịn ukpo-mmọn ụnụ, a la wẹ iwi, yeni eje-ihiẹn wẹ sehẹ; e tikpọ wẹ mmọn ụnụ la iwi; a kụkpọchanrịn wẹ ukpo-nsẹnsị mmọn ụnụ, zapụchanrịn ihiẹn ụnụ kọma.

Izikẹlụ 9:6

gbu ni kẹ ikẹnnyẹ-ọba kẹ ikorọbịa, kẹ ịgbagba kẹ ụmụ-ẹka kẹ ikpoho-ọba; ka emẹtụkwọlẹ ni onyẹ ọwụlẹ nwọn ahịma hụ ẹka. Gha nị Ụlọ-nsọ m gbumẹ.” Ya wẹ nọ gi ndị-ichẹn hụ rị ihun Ụlọ-nsọ a rụa mmọn bidọn.

Daniẹlụ 2:46

Ya eze wụ Nebukadineza nọ kụnị Daniẹlụ isi alị, gbaye ẹ; ọ nọ sị wẹ chụnyeni Daniẹlụ ẹjan, mụyen'ẹ nsẹnsi.

Emọsụ 7:9

Wẹ k'e tikpọchanrịn ụlọ-mmọn ụmụ Aziki, wiwi ebe ile wẹ nọ e fe ofufe imẹ Izrẹlụ Ẹbamịn-ugu; m k'e gi ọpịa-agha nụmanị ikpụlọ eze wẹ wụ Jerobụam.”

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Zẹfanaya 3:6

“E tikpọgụọ m alị ndị ọzọ, obodo ndị wẹ te tụnhunmẹ mgbọn e họnrin nkpọkọ-nkpọkọ; e mẹgụọ m ọgbara-ogbe wẹ gba okpokoro onwọnzini onyẹ a ghanị wẹ; obodo ndị wẹ te bi a gbagụọ okpokoro! onwọnzini onyẹ bi ebẹhụ.

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Ọrụn Ndị-ozi 6:14

Ẹnyi a nụọlẹ k'ọ sị nị Jesu onyẹ Nazarẹtịnị jẹnkọ d'e tikpọ ebeni, gbehutọ ọdịnalị ndị Mozizi tumẹni ẹnyi.”

Hibru 10:26

Makẹni, ẹnyi kpachanpụ ẹnya tọ njọ e mẹ ebe ẹnyi marịngụ ezioku, onwọnzini ẹjan họdụnị wẹ jẹnkọ d'a chụn gi wepụ njọ;