Lẹvitikọsụ 26:26 - Ika

²⁶ Ogẹn m'e gi gbukin ụzọ ụnụ gha e nwọnhẹn ihiẹn-oriri, ikpoho iri sikọ d'e gi ite ohu sụọ shi ihiẹn-oriri ụnụ ile k'e ri. Wẹ k'a ghadẹ e keye ịhịan ya ẹkẹrẹ-ẹkẹrẹ; ụnụ k'e ri, ẹfọ ejunkọ ụnụ.

Lẹvitikọsụ 26:26 ပူးပေါင်းရင်းမြစ်များ

Ndị-nze Nke Ẹbụọ 6:25

Ya kẹ ihiẹn-oriri nọ kọ ọda-ọda imẹ Sameria ogẹn ahụn; wẹ kehunmẹbie Sameria ọda-ọda d'e runi egho egbuzi ihiẹn-oriri — hụn wụnị w'e gi akpụrụ egho siliva ọgụn-ẹnọ e ṅọn isi jaki, e gi akpụrụ egho siliva isẹn e ṅọn “nsịn-nduru”.

Ẹbụ-ọma 105:16

Ogẹn o gi sị ụnwụn mụma alị hụ ile, mẹ wẹ ahụnzịlẹ ihiẹn-oriri wẹ te gi dọn ẹnya,

Azaya 3:1

Lee n'ẹ nwan! Di-nwọnni-ẹnyi, hụn wụ Osolobuẹ ihiẹn ile rị okpuru ẹ, e d'a napụ obodo Jerusalẹm lẹ alị Juda ile ihiẹn ile wẹ gi e dọn ẹnya: kẹ ihiẹn-oriri kẹ mirin,

Azaya 5:10

Anị vaịnị wẹ gi okẹn efin ọgụn rụn eyekarịkọ ụnụ galọnụ manya ohu; ẹkpa ọka iri ụnụ k'a kụn amịkarịkọnị ụnụ ẹkpa ohu.”

Azaya 9:19

Ọnụma Osolobuẹ ihiẹn ile rị okpuru ẹ e mẹgụọ alịnị kpọpụ nkụn, ndị alịnị e họnrin nkụn; onwọnni onyẹ e dọnmẹ ibe ẹ ndụn.

Azaya 9:20

E bu wẹ ihiẹn rị ibe ẹka-nni ri — ẹgụn hụkwọ a gụn wẹ; e ri wẹ hụn rị ibe ẹka-ekpẹn — ẹfọ ejunkwọnị wẹ. Onyẹ-onyẹ e ri anụ nwẹnẹ ẹ:

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Izikẹlụ 14:13

“Nwa-ịhịan, alị mẹ m njọ ghahanị itikpọ nkwa wẹ gi Ẹfan m kwe, n'e bu m nụmanị alị hụ, mẹ wẹ ahụnzịlẹ ihiẹn w'e ri, zihẹni wẹ ụnwụn, gbu ịhịan lẹ anụmanụ rịn'a,

Izikẹlụ 4:10

“Ụhụọkịn-ụhụọkịn, e weri ẹkẹrẹ ihiẹn-oriri hụn jẹnkọlẹni d'e jun ọb'ẹka e ri; e nwọnzikwọ ogẹn i gi e ri ẹ.

Izikẹlụ 4:16

Ọ nọzị sị, “Nwa-ịhịan, m jẹnkọ d'e mẹ ihiẹn-oriri kọ ọda-ọda imẹ Jerusalẹm. Wẹ k'a gha a tụberi ihiẹn-oriri e ri, e hue uhue n'o d'a gụ; wẹ k'a gha a tanrịn mirin a ra, obi hụ e feri wẹ n'o d'a gụ,

Izikẹlụ 4:17

makẹ okẹn ụkọ ihiẹn-oriri lẹ mirin jẹnkọ d'a rịnị. Onyẹ lee ibe ẹ, egun a tụma a; wẹ k'e fiechanrịn ẹhụ yeni njọ wẹ rị e gbuni wẹ.

Izikẹlụ 5:16

Ogẹn m'e gi zihẹn'i ẹgụn hụ e gbuni, gba ị ya nọkẹ eje-ụta, m k'a gba a hụn m'e gi tikpọ ị. M k'e mẹ ụnwụn mụ ọda-ọda imẹ i, mẹ ihiẹn-oriri kọ imẹ i ọda-ọda.

Hosia 4:10

“Wẹ k'e ri, kanị, ẹfọ ejunkọ wẹ; wẹ k'a gba ịgbaraja, kanị egikọ w'a ban ihiẹn. Ihiẹn ndịnị k'e mẹ ụnụ makẹni ụnụ a latọgụọ Osolobuẹ, bu enwẹn ụnụ kwanị mmọn.

Lẹvitikọsụ 26:27

“Ọnwan mẹgụ, nị ụnụ egọnzikwọnị m ntịn, nị ụnụ a tọ e feni m isi hụ,

Maịka 6:14

Ụnụ jẹnkọ d'e ri ihiẹn-oriri, kanị ẹfọ ejunkọ ụnụ; ẹgụn k'a rị a ta ụnụ ẹfọ! Ụnụ k'a kpatọ, kanị ọ tọkọ; m k'e we ihiẹn ụnụ kpatọ ye agha ripụ.

Hagaị 1:6

Ụnụ ahụnnị nị ụnụ kụngụ ọda, ẹkẹrẹ sụọ kẹ ụnụ a hụn a ghọrị; ụnụ hụ e ri, kanị ụnụ arị a hụn hụn e jun ụnụ ẹfọ; ụnụ hụ a ra, kanị ụnụ arị a hụn hụn e jun ụnụ ẹfọ; ụnụ hụ e yi ẹkwa, kanị ụnụ arị a hụn hụn e zu ụnụ a chụ oyi; ụnụ hụ a kpa egho a kpaye ẹkpa e hini.