Lẹvitikọsụ 26:17 - Ika

¹⁷ M k'e bu ẹnya zinmẹ ụnụ hụn ndị iṅẹnrẹn ụnụ e gi mẹri ụnụ; ndị rị e we iwe ụnụ k'a kị ụnụ; ụnụ k'a a gbadẹ ọsọ bụ onwọnni onyẹ chụkọnị ụnụ.

Lẹvitikọsụ 26:17 ပူးပေါင်းရင်းမြစ်များ

Jẹnẹsisi 4:12

Ị rụnzị ugbo, alị emẹkọn'ị ihiẹn ọwụlẹ. Ọsọ-ọsọ kẹ y'a gha a gba nọkẹ onyẹ wẹ rị a chụ; ị k'a rị a wahunmẹ elu-ụwa ile.”

Ndị-nze Nke Ibuzọ 8:33

“Eṅẹnrẹn mẹri ndị nke i wụ ndị Izrẹlụ agha makẹni ndị nke i mẹ i njọ, nị e rogharị wẹ, buruhẹ i, kweyezin'i, mẹ ekpere, rịọ ị — imẹ Ụlọ-nsọnị,

Ndị-nze Nke Ẹbụọ 13:3

Ya kẹ Osolobuẹ nọ gi olulu sọn Izrẹlụ, mẹ wẹ nọbie okpuru Hazaẹlụ eze Aram lẹzi okpuru Bẹn-Hadadị nwa Hazaẹlụ.

Ndị-nze Nke Ẹbụọ 13:7

Onwọnzini ihiẹn họdụnị imẹ ndị-agha Jeho-ahazị karị mmadụ iri kwasị ọgụnnaị gi ẹshin a lụ agha, ụgbọ-ẹshin iri lẹ mmadụ nnụ-uku iri (10,000) gi ụkụ e jẹn agha, makẹni eze Aram e gbuchanrịngụọ ndị-agha Izrẹlụ Ẹbamịn ugu, zọkpụkpọ wẹ nọkẹ ẹjan rị alị.

Ẹbụ-ọma 44:10

Y'e mẹgụọ ẹnyi gbanị ndị-iṅẹnrẹn ẹnyi ọsọ, ndị iwe ẹnyi rị e we a kịrị ihiẹn ẹnyi.

Ẹbụ-ọma 53:5

Okẹn egun a tụmagụọ wẹ nwan ebẹhụ — bụ ihiẹn egun arịa, makẹni Chuku e mẹgụọ ndụn gụ ndị kehunmẹ ụnụ, gụ wẹ ru ọkpụkpụ; ụnụ e mẹri wẹ, ifẹnrẹn e mẹgbu wẹ, makẹni Chuku a jụgụọ wẹ.

Ẹbụ-ọma 53:6

Dodo, nzụọpụha ya gha Zayọnụ bịan'ị Izrẹlụ!! Ogẹn Chuku e gi dọnzini ndị nke ẹ ihiẹn, ndị Izrẹlụ, ebọn Jekọpụ k'a ghọghọ; ẹfọ k'a sụọgbu ndị Izrẹlụ ụsụọ!

Itẹn 28:1

Onyẹ eje-omumẹ a gba ọsọ bụ onwọnni onyẹ chụkọn'a, kanị onyẹ ezi-omumẹ e mẹ kẹ ẹwọrọ hụn egun ghalẹni a tụ.

Azaya 30:17

Mmadụ nnụ-uku imẹ ụnụ k'a gbanị akpụ eṅẹnrẹn ohu ọsọ, ụnụ ile a gbanị mmadụ isẹn imẹ wẹ ọsọ — d'e ru ni ndị k'a họdụ imẹ ụnụ a nọhụ kẹ akpụ ọtọsị ohu wẹ kẹnmẹye ẹkwa-ahịma — hụn ya sụọ turu elu ugu lekẹ ẹkwa-ahịma ya sụọ rị elu òke.”

Azaya 63:10

Kanị wẹ nọ femẹ isi, mẹ ize zemẹ Mmọn-nsọ Osolobuẹ. Ya Osolobuẹ nọ hutọ, họnrin eṅẹnrẹn wẹ — gidẹ ẹka a bunụmanị wẹ.

Jerimaya 19:7

“M jẹnkọ d'a nọ ebeni kpayịya ihiẹn ile ndị Juda lẹ ndị bi imẹ Jerusalẹm romẹ. M k'e mẹ ndị-iṅẹnrẹn wẹ gi ọpịa-agha gbu wẹ, m k'e mẹ wẹ danyesọnmẹ ẹka ndị rị a chọ isi wẹ; m k'e we ozun wẹ ye nnụnụ lẹ anụmanụ ri.

Jerimaya 44:11

“Osolobuẹ ihiẹn ile rị okpuru ẹ, hụn wụ Chuku Izrẹlụ, sị nwan: A kwademẹgụọ m nị m jẹnkọ d'e mẹshi ụnụ ikẹn, tikpọzịkwọ ndị Juda ile.

Ẹkwan 1:5

Ndị iṅẹnrẹn ẹ a kịmagụọ a; ẹhụ fu ndị-iṅẹnrẹn ẹ. Osolobuẹ e wẹhẹgụọn'a ẹkwan yeni njọ bu ọda o mẹ. A kpụngụọ wẹ ụmụ a la alị ndị ọzọ — ndị iṅẹnrẹn wẹ gi wẹ nwan e gi.

Ẹkwan 2:4

O kwọngụọ ụta a nọkẹ eṅẹnrẹn, ẹka-nni ẹ a dọgụọ ụta a. O mẹgụọ kẹ onyẹ-iwe gbuchanrịn ndị ile rị mma ẹnya, o hugụọ ọnụma a kẹ ọkụn kpu Nwagbọọ wụ obodo Zayọnụ.

Izikẹlụ 15:7

“M k'e bunụmanị wẹ; ọsụọn'a nị a wanahịngụọ wẹ ọkụn, ọkụn jẹnkọ d'e bu wẹ ri — ogẹn hụ, ụnụ a marịn nị mmẹ wụ Osolobuẹ.

Lẹvitikọsụ 17:10

“Onyẹ Izrẹlụ ọwụlẹ mọbụ abịamabịa bi imẹ igunrun wẹ ri ẹdeke ọwụlẹ, m k'e bu ẹnya zinmẹ ẹ, bepụ a imẹ ndị nke ẹ.

Ditrọnọmi 28:25

Osolobuẹ k'a nị ndị iṅẹnrẹn ụnụ mẹri ụnụ. Ụnụ k'a ghaha azụụn ohu bịa d'a maye wẹ, kanị ụnụ k'a gbayịya azụụn ẹsa ebe ụnụ gbakọnị wẹ, ndị alị-eze ile rị elu-ụwa nụ ihiẹn mẹni ụnụ e be wẹ ọrịọ.

Joshụa 7:4

Ya ihiẹn nọ kẹ mmadụ nnụ-uku ẹtọ nọ jẹnmẹ, ndị Aị nọ chụ wẹ ọsọ,

Ndị Han Eṅẹn 2:14

Osolobuẹ nọ gi ọnụma sọn ndị Izrẹlụ, we wẹ ye ẹka ndị ohin, wẹ hụ a maye wẹ, a narịn wẹ ihiẹn wẹ; o re wẹ ye ndị iṅẹnrẹn wẹ rị wẹ azụụn ile, asazịnị wẹ ẹka che wẹ ọgụn.

Ndị Han Eṅẹn 3:14

Ya ndị Izrẹlụ nọ rị okpuru Ẹglọnụ ọrọgbọ ahụa mmẹsatọ.

Ndị Han Eṅẹn 3:8

Ya Osolobuẹ nọ gi olulu sọn Izrẹlụ ọda-ọda, o wedẹ wẹ ye Kushanị-Rishataịm eze Aram-Naharaịm mẹri, wẹ nọ rị okpuru ẹ ọrọgbọ ahụa ẹsatọ.

Ndị Han Eṅẹn 6:2

Makẹni ndị Midianị rị a bịangbu wẹ ọda-ọda, ndị Izrẹlụ nọ rụnrụnma ebe w'e bi e ye oghe rịsọnmẹ elu ugu lẹ imẹ okporo lẹ ebe ichẹn-ichẹn rị mma w'a warị.

Samuẹlụ Nke Ibuzọ 12:15

Kanị, ụnụ pa oku Osolobuẹ, latọ ihiẹn ọ sị ọnụ mẹ, ẹka a jẹnkọ d'e bitụ ụnụ k'o dọn bitụ ndị nẹdi ụnụ.

Samuẹlụ Nke Ibuzọ 31:1

Ndị Filistia nkẹ nọ lụsọn ndị Izrẹlụ agha, karị wẹ ẹka, ndị Izrẹlụ a gbama ọsọ, wẹ nọ gbu ndị bu ọda imẹ wẹ tọ elu ugu Gil'bụa.

Samuẹlụ Nke Ibuzọ 4:10

Ya ndị Filistia nọ lụ ọgụn, mẹri ndị Izrẹlụ, onyẹ-agha Izrẹlụ ọwụlẹ nọ gbala iwe ẹ. E gbukẹ wẹ wẹ; madụ nnụ-uku iri-kwasị-ọgụn (30,000) kẹ wẹ gbu imẹ ndị Izrẹlụ gi ụkụ e jẹn agha.