Lẹvitikọsụ 26:16 - Ika

¹⁶ lee ni ihiẹn m k'e mẹ ụnụ: m k'e zihẹni ụnụ ihiẹn-egun idẹnmizi, eje-emu hụn k'e sekpọ ụnụ lẹ ẹhụ-ọkụn hụn k'e mẹ ụnụ eleghazịlẹ ụzọ, gi ẹkẹrẹ-ẹkẹrẹ weri ndụn ụnụ. Ụnụ k'a kụn mkpụrụ la iwi, makẹni ndị iṅẹnrẹn ụnụ nwọn ri ẹ.

Lẹvitikọsụ 26:16 ပူးပေါင်းရင်းမြစ်များ

Ndị-nze Nke Ibuzọ 8:37

“Omẹni ụnwụn mọbụ ihiẹn rị e gbuni a lụma alịnị mọbụ ndundu e gbu ihiẹn-ugbo mọbụ igurube mọbụ kpamkpam mọbụ nị eṅẹnrẹn kehunmẹ obodo rị imẹ alịnị, ụdị nsọngbu mọbụ ọrịa ọwụlẹ bịanị,

Jobu 18:11

Ihiẹn egun e fihunmẹ ẹ ụzọ ile, e sọnhunmẹ ẹ.

Jobu 20:25

ọ gha a ogb'azụụn pụ, ọnụnụ a rị e gbukeni e zupugụọ a ẹkpa-olulu. Egun k'a tụgbu ẹ;

Jobu 31:8

onyẹ ọzọ ya ri nwan ihiẹn m kụn, wẹ huepụ ihiẹn rị ugbo m.

Ẹbụ-ọma 109:6

Bu oku onyẹni che ẹka eje-ịhịan; onyẹ k'e buokin ẹ ọnụ ya turuye ẹ ẹka-nni!

Ẹbụ-ọma 73:19

Idẹnmizi, e tikpọ wẹ wẹ; idẹnmizi, ihiẹn egun e kpọnchanpụ wẹ, nke wẹ a gụ!

Ẹbụ-ọma 78:33

Ọ nọ mẹ wẹ nwụnlasọnmẹ iwi, ọnwụn idẹnmizi hụn a tụ egun.

Ọpụpụ 15:26

sị wẹ, “Ụnụ kpachanpụ ẹnya mẹsọnmẹ ihiẹn Osolobuẹ wụ Chuku ụnụ ku, e mẹ ihiẹn rị a mma ẹnya, e mẹzu iwu ẹ lẹ uhi ẹ ile, atụkọ m ụnụ emu ọwụlẹ m tụ ndị Ijiptu; makẹni mmẹ wụ Osolobuẹ hụn a zụọ ụnụ emu.”

Itẹn 3:33

Ọnụ kẹ Osolobuẹ a bụ ikpụlọ eje-ịhịan, kanị ngọzi k'ọ gọzi ikpụlọ onyẹ ezi-omumẹ.

Azaya 10:4

Onwọnzini ihiẹn k'a họdụnị ụnụ wezụka ịma-piripiri imẹ ndị wẹ kpụnshikọ alị ọzọ, mọbụ ịrị imẹ ndị wẹ gbu. Kanị, ihiẹnni ile arọkwọnị Osolobuẹ olulu, o wetukwọnị ẹka o gi rị e mẹshi ndị nke ẹ ikẹn.

Azaya 62:8

Osolobuẹ e kunọlẹ ẹka-ihiẹn ẹ, ẹka a hụn a kpa ikẹn, sị, “Onwọnzini ogẹn m'e gi bu ihiẹn-ugbo ị rụn ye ndị iṅẹnrẹn i ri; onwọnzini mgbe ndị alị ọzọ e gi narịn ị manya-ọhụn ị ta afụnfụn a,

Azaya 7:2

Ogẹn ozi gi ru ndị ebọn Defidi rị a kịnị ẹhụ, nị ndị Aram a banyegụọnị ndị Ifrem umunẹ wẹ, ndị Izrẹlụ Ẹbamịn-ugu, obi nọ feri eze wụ Ahazị lẹ ndị nke ẹ, ẹhụ nọ mama wẹ nni kẹ osisi rị ẹgboko ufere rị e mẹhunmẹ.

Jerimaya 12:13

“Ịhịan k'a kụn ọka alịnị kanị ogun kẹ w'a hụn ghọrị; wẹ k'a rụngbu enwẹn wẹ, kanị onwọnni ihiẹn wẹ k'a rụnpụha. Ụya ya ri ụnụ makẹni ugbo ụnụ emẹni ihiẹn — makẹni Osolobuẹ e gigụọ ọnụma sọn ụnụ.”

Jerimaya 15:3

“M jẹnkọ d'e zihẹni wẹ ihiẹn ẹnọ e tikpọnị: ọpịa hụn k'e gbuni wẹ; nkitẹ ndị jẹnkọ d'a dọkpụnpụ ozun wẹ; nnụnụ lẹ anụmanụ ndị jẹnkọ d'e ritịta ozun wẹ. Ya kẹ Osolobuẹ ku.

Jerimaya 15:8

M k'e mẹ ikpoho wẹ di nwụnnahịn barahị, a karị wẹ ẹjan rị mkpẹnrẹn ohimin ọda. M k'e gi efinaị wẹhẹ onyẹ e tikpọnị d'e wiwi ndị nnẹ mụ ikorọbịa wẹ ihiẹn; e hukpu m wẹ eje-ihiẹn idẹnmuzi — hụn k'a fụgbu wẹ, tụgbu wẹ egun.

Jerimaya 20:4

Makẹni, Osolobuẹ sị, ‘M k'e mẹ i ihiẹn k'a tụ kẹ yụ kẹ ndị-ọwụ ị egun. Ndị-iṅẹnrẹn wẹ k'a nọ idẹnya ị gi ọpịa-agha gbu wẹ. M k'e we ndị Juda ile ye eze ndị Babilọnụ mẹri, ọ kpụnrụn ndị ọ k'a kpụnrụn shi Babilọnụ, o gi ọpịa-agha gbu ndị o k'e gbu.

Jerimaya 5:17

Wẹ k'e ripụ ihiẹn-ugbo lẹ ihiẹn-oriri ụnụ, gbupụ ụmụ ikẹnnyẹ lẹ ikpoho ụnụ; wẹ k'e ripụ atụnrụn lẹ ewu lẹ efin ụnụ, ripụ alị vaịnị lẹ alị figi ụnụ. Wẹ k'e gi ọpịa-agha tikpọchanrịn obodo ụnụ ile zegbu enwẹn ẹ ụnụ gi e dọn ẹnya.

Izikẹlụ 24:23

Ụnụ sikọ d'a fụma isi, yiri akpụkụ; ụnụ akwankọ ụya, ụnụ akwankọ ẹkwan. Njọ ụnụ k'a gha gbawa ụnụ obi; udẹn-udẹn kẹ ụnụ k'a gha a sụn imẹ igunrun ụnụ.

Izikẹlụ 33:10

“Nwa-ịhịan, sị ndị Izrẹlụ: Ụnụ hụ a sị, ‘Mmẹfie ẹnyi lẹ njọ ẹnyi hụ e gbu ẹnyi nwan, ẹnyi hụ e gi ufiri wẹ a la. Nanị ẹnyi a dọn nwan rị ndụn?’

Emọsụ 5:11

Ebe ụnụ rị a zọ ndị igbẹnnyẹ ụkụ isi, a sị wẹ tụnị ụnụ ọka, ụnụ ebikọ ezigbo ụlọ ndị ahụn ụnụ gi ọmụma wẹ chọ mma tụn! Ụnụ arakọ manya alị-vaịnị ndị ahụn rịgbu enwẹn ẹ mma hụn ụnụ rụn;

Maịka 6:15

Ụnụ jẹnkọ d'a kụn ihiẹn ugbo, kanị ẹlẹ ụnụ k'a ghọrị a: ụnụ k'a pịnpụha udẹn-olivu, kanị ẹlẹ ụnụ k'a kwọ udẹn ahụn; ụnụ k'a pịnpụha manya vaịnị, kanị, ụnụ ahụnkọ manya vaịnị ra.

Hagaị 1:6

Ụnụ ahụnnị nị ụnụ kụngụ ọda, ẹkẹrẹ sụọ kẹ ụnụ a hụn a ghọrị; ụnụ hụ e ri, kanị ụnụ arị a hụn hụn e jun ụnụ ẹfọ; ụnụ hụ a ra, kanị ụnụ arị a hụn hụn e jun ụnụ ẹfọ; ụnụ hụ e yi ẹkwa, kanị ụnụ arị a hụn hụn e zu ụnụ a chụ oyi; ụnụ hụ a kpa egho a kpaye ẹkpa e hini.

Zẹkaraya 14:12

Ọnwan wụ emu Osolobuẹ k'a tụ ndị ile lụsọn Jerusalẹm agha hụ: uru ẹhụ wẹ k'e rehi ebe wẹ rị ndụn! Ẹnya k'e retọ wẹ mgbugbu-ẹnya, ire e retọ wẹ ọnụ.

Malakaị 2:3

“M k'e ye ụmụ ụnụ afụnfụn, e te m ụnụ nsịn anụ ihun, anụ hụ ụnụ gi chụn ẹjan, e kpọnpụ wẹ ụnụ lẹ nsịn hụ.

Ditrọnọmi 28:51

Ndị-agha wẹ k'e ripụ ụmụ anụ ụnụ lẹ ihiẹn ụnụ kụn ugbo ụnụ, d'e ru n'e tikpọchanrịn wẹ ụnụ. Alatọkọnị wẹ ụnụ ọka ọwụlẹ mọbụ manya ọhụn mọbụ ofugbọn-olivu mọbụ ụmụ-efin mọbụ ụmụ-atụnrụn lẹ ụmụ-ewu ụnụ e we lachanrịn iwi.

Ditrọnọmi 32:25

Ọpịa-agha k'a nọ ogbe a napụ wẹ ụmụ wẹ, egun e kwọn wẹ imẹ ụlọ a tụgbu wẹ. Ikorọbịa lẹ ịgbagba k'a nwụnla iwi — kẹ ụmụ-mkpodu kẹ ndị ẹgẹdi isi-ẹwọ.

Hibru 10:31

N'ọ jọkakwọ njọ ebe ịhịan a nọ danye ẹka Osolobuẹ rị ndụn.

Ndị Han Eṅẹn 6:11

Ya mmọn-ozi Osolobuẹ nọ bịa, nọdị alị ukun osisi okuu hụ rị Ọfra hụn wụ nke Jụashị onyẹ Abiẹza, ebe nwa Jụashị wụ Gidiọnụ warị ebe wẹ a nọ a pịnpụha manya vaịnị a kụkpọ ọka-witi, makẹ ndị Midianị gha a hụn ọka hụ.

Samuẹlụ Nke Ibuzọ 2:33

Okẹnnyẹ ọwụlẹ m gbupụlẹni imẹ ndị nke i, m napụlẹni ọrụn ukpo wẹ n'a chụnnị m ẹjan, m latọ a hụ n'ọ wụrụ ihiẹn k'e mẹ i kwan ẹnya-mirin kwankpọ ẹnya, mẹ obi gbawapụ ị. Ụmụ ị ahụnkọ isi-nka.