Lẹvitikọsụ 26:13 - Ika

¹³ Mmẹ wụ Osolobuẹ, Chuku ụnụ, hụn gha Ijiptu wepụha ụnụ makẹ ụnụ ghazị e wụ igbọn ndị Ijiptu; mmẹ tigipụ ẹgan wẹ kpọma ụnụ olu kẹni ụnụ hụn ụzọ gha imẹ ụya pụ.

Lẹvitikọsụ 26:13 ပူးပေါင်းရင်းမြစ်များ

Ẹbụ-ọma 116:16

Dodo Osolobuẹ, nị odibo i kẹ m wụ; m wụ odibo ị, nwa odibo i okpoho. Y'a tọpụgụọ m ẹgbụn.

Ọpụpụ 14:8

Osolobuẹ nọ kpọkin Fẹro eze Ijiptu obi, ọ nọ chụma ndị Izrẹlụ hụn pụkọ kẹ ndị mẹri agha.

Ọpụpụ 20:2

“Mmẹ wụ Osolobuẹ, Chuku ụnụ, hụn wepụha ụnụ imẹ alị Ijiptu, alị ụnụ nọ wụ igbọn.

Ọpụpụ 6:7

M k'e weri ụnụ che ẹhụ m nọkẹ ndị nke m, e mẹ m ụnụ kẹ Chuku ụnụ. Ogẹn hụ, ụnụ a marịn nị mmẹ wụ Osolobuẹ, Chuku ụnụ, hụn tọpụ ẹgbụn ndị Ijiptu kẹn ụnụ.

Azaya 51:23

M jẹnkọ nwan d'e bu mkpu ọnụma hụ ye ndị rị e mẹshi i ikẹn, ndị hụ te sị ị: ‘Fiẹnrin — nị ẹnyi zọ ị ụkụ ghafe!’ Ị nọ gi ụgba-azụụn ị họnrin akpak'alị w'a zọ ụkụ, ọkpụ-ụzọ w'a zọ ụkụ.”

Azaya 9:3

I k'e mẹ alị Izrẹlụ ba ụba, mẹ ịghọghọ wẹ waye; wẹ k'a rị a ghọghọ ihun i kẹ ịhịan a ghọghọ wẹ gha e we ihiẹn-ugbo, kẹ w'a ghọghọ wẹ gha e keri ihiẹn wẹ gbukwarị imẹ agha.

Jerimaya 2:20

O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 28:2

“Lee ihiẹn Osolobuẹ ihiẹn ile rị okpuru ẹ, hụn wụ Chuku Izrẹlụ ku: Ọ sị, ‘M k'e tibepụ agbụn eze alị Babilọnụ yimẹ alị ile olu.

Jerimaya 28:4

M k'e welụazịkwọ eze alị Juda wụ Jehoyakini wụ Jekọnaya nwa Jehoyakim ebeni, ịya lẹ ndị ọzọ ile wẹ gha Jerusalẹm kpụnshi alị Babilọnụ. Makẹni m k'e tibepụ agbụn hụn eze alị Babilọnụ yimẹ alị ile olu.’ Ya kẹ Osolobuẹ ku.”

Izikẹlụ 30:18

Igwere efọnkọ imẹ Tapanhẹsị ogẹn m'e gi kpagipụ ẹgan Ijiptu kpọma ndị ọzọ, ikẹn ẹ ahụn o gi a họnrọn a gụ. Ihun elu k'e mẹ bii imẹ Ijiptu; wẹ k'a kpụnrụn ndị bi obodo ndị rịn'a shi alị ọzọ.

Izikẹlụ 34:27

Osisi k'a gha a mị mkpụrụ wẹ; alị k'a gha e mẹ ihiẹn-ugbo; ẹhụ k'e fu ịhịan imẹ alị wẹ. Wẹ k'a marịn nị mmẹ wụ Osolobuẹ, ogẹn m'e gi kpagipụ aba wẹ gi kpọdọn wẹ, zụọpụha wẹ ẹka ndị rị a kpa wẹ igbọn.

Hosia 11:4

Mmẹ gi eriri ẹfọma lẹ ihiẹn-ọsụsụọ du wẹ, a tọpụ m wẹ agbụn te rị wẹ olu, e hulụa m alị ye wẹ ihiẹn-oriri.

Lẹvitikọsụ 25:38

Mmẹ wụ Osolobuẹ hụn wụ Chuku ụnụ, hụn gha alị Ijiptu wepụha ụnụ, kẹni m ye ọnụ alị Kenaanị lẹni m wụrụ Chuku ụnụ.

Lẹvitikọsụ 25:42

Makẹni ndị Izrẹlụ wụ idibo m, hụn m gha alị Ijiptu wepụha, agbakọ wẹ wẹ igbọn.

Lẹvitikọsụ 25:55

makẹni idibo m kẹ ndị Izrẹlụ wụ. Wẹ wụ idibo m hụn m gha alị Ijiptu wepụha. Mmẹ wụ Osolobuẹ, Chuku ụnụ.

Nahum 1:13

M k'a dọbepụ nwan ẹgbụn hụ o kẹn ụnụ, tibepụ ẹgan hụ, ụnụ e nwọnrin enwẹn ụnụ.