Lẹvitikọsụ 25:9 - Ika

⁹ ụnụ a nọ hụn mẹ ẹ akp'ọhịn iri imẹ ifọn nke ẹsa gbu opi ghagbarị alị ụnụ: Ụhụọhịn Ịgbarị-isi rọ. Gbu ni opi ghagbarị alị ụnụ.

Lẹvitikọsụ 25:9 ပူးပေါင်းရင်းမြစ်များ

Ẹbụ-ọma 89:15

Ndị ma yi oro hụ wẹ gi e fe i e nwọnkẹ ngọzi, yụ wụ Osolobuẹ e lepụ wẹ ẹnya!

Ẹbụ-ọma 89:16

W'e gi ẹfan ị a ghọghọ uhinhin lẹ efinnaị, e weshi isi elu a ghọghọ nị y'a rịka mma.

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Lẹvitikọsụ 16:20

“Ẹrọnụ gbarịgụ Ebẹhụ Kachanrịn-nsọ lẹ Ọdụ-ozuzu hụ ile lẹ ukpo nchụn-ẹjan, o wepụha nwan ewu hụ rị ndụn.

Lẹvitikọsụ 16:29

“Lee ni ihiẹn ụnụ k'a gha e mẹ jẹnrin ejẹn: nke akp'ọhịn iri imẹ ifọn nke ẹsa, ụnụ k'e bu ọnụ; ụnụ arụnkọ ọrụn ọwụlẹ — kẹ nwa-di-alị kẹ abịamabịa rị imẹ igunrun ọnụ,

Lẹvitikọsụ 16:30

makẹni ụhụọhịn hụ kẹ wẹ k'a chụn ẹjan wẹ gi a gbarị isi ụnụ, gi mẹ ụnụ rị ọchan; e wepụ wẹ njọ ile ụnụ mẹ, ụnụ a rị ụchan ẹnya Osolobuẹ.

Lẹvitikọsụ 23:24

“Gwa ndị Izrẹlụ: Ụhụọhịn ibuzọ imẹ ifọn nke ẹsa jẹnkọ d'a wụrụnị ụnụ ụhụọhịn izu-ikẹn, wẹ k'e gbu opi ye ẹ; o k'a wụ ụhụọhịn izu-iko rị nsọ.

Lẹvitikọsụ 23:27

“Nke akp'ọhịn iri imẹ ifọn nke ẹsanị, ụhụọhịn ahụn sụọ, wụ Ụhụọhịn wẹ gi a gbarị isi ịhịan ile. Zụ ni iko rị nsọ ụhụọhịn hụ, ụnụ e bu ọnụ, ụnụ e ye oyiye wẹ gi ọkụn e ye Osolobuẹ.

Lẹvitikọsụ 25:8

“Ụnụ gụnru ahụa ẹsa-ẹsa alị gi e zu ikẹn ụzọ ẹsa, ya wụ ahụa itenẹi kwasị ọgụnnaị,

Lẹvitikọsụ 27:17

Omẹni Ahụa Iyekin-ihiẹn k'o gi we alị hụ kwanị Osolobuẹ, ọnụ hụ o ye ẹ k'o k'a wụ.

Lẹvitikọsụ 27:24

Kanị o ru Ahụa Iyekin-ihiẹn, alị hụ e kinni onyẹ o ṅọnnarịn a, onyẹ hụn nwọnn'ẹ mbụ.

Ọgụngụn 10:10

E gbuzikwọ nị opi ndị ahụn ogẹn ụnụ gi a ghọghọ — ogẹn mmẹmmẹ ndị ahụn wẹ kayesọnmẹ ni ụnụ lẹ mmẹmmẹ Ifọn Ọhụn; e gbu ni opi ndị ahụn ụnụ gha a chụn ẹjan ụnụ w'a dụn ọkụn lẹ ẹjan-ekele ụnụ, a wụrụ wẹ ihiẹn Chuku ụnụ e gi nyanhan ụnụ. Mmẹ wụ Osolobuẹ, Chuku ụnụ.”

Ọgụngụn 36:4

O ruhụ Ahụa Iwekin-ihiẹn imẹ alị ẹnyi wụ Izrẹlụ, e we wẹ ukuu wẹ cheni nke ndị ebọn hụ wẹ nọ lụ di, e wepụ wẹ ukuu wẹ imẹ nke ndị ebọn ẹnyi.”

Ndị Rom 10:18

Nị m jụ nwan: ndị Izrẹlụ anụnị nwan ozi hụ ra? Eziẹ, a nụgụọ w'a. Ọ nọhụ kẹ Ẹkụkwọ-nsọ dọn ku, sị, “Olu wẹ a pụọlẹ; ọ ghagbarịgụọ ụwa ile; ihiẹn wẹ rị e ku e rugụọ ebe ụwa ru.”

Ndị Rom 15:19

lẹ ihiẹn ile o gi ihiẹn-nghọsị lẹ ọrụn-atụmẹnya lẹ ikẹn Mmọn Osolobuẹ rụn; nke wụ nị e zigbarịgụọ m oziọma Kraịstị ghakwọrị Jerusalẹm d'e ru Ilaịrịkọm.

Ndị Tẹsalonika Ibuzọ 1:8

Oku Onyẹ-nwọnni-ẹnyi a ghagụọ nwan ẹka ụnụ ghagbarị, ẹlẹdẹ imẹ Masẹdonia lẹ Akaya sụọ, kanị ndị rị ebe ile a nụgbarịgụọ kẹ ụnụ dọn nwọn okukwe imẹ Osolobuẹ, nke wụ nị ọrịzịnị mkpa nị ẹnyi kumẹ ẹ.

Joshụa 6:4

Sị ndị nchụn-ẹjan ẹsa burusọnmẹ opi (ọdụ) mpịn-ebulu ohu-ohu, e buruni wẹ Ẹkpẹti-nsọ ụzọ. Nke akp'ọhịn ẹsa rịn'a, ụnụ a ghahunmẹ ẹ mgbe ẹsa, ndị nchụn-ẹjan ahụn hụ e gbu opi (ọdụ) ndị ahụn.