Lẹvitikọsụ 24:11 - Ika

¹¹ Hụn nnẹ ẹ wụ onyẹ Izrẹlụ nọ kpọlịa Ẹfan hụ rị nsọ, kpọ iyi. Wẹ nọ wẹhẹni Mozizi ya. (Ẹfan nnẹ ẹ wụ Shẹlomiti nwa Dibiri onyẹ ebọn Danị.)

Lẹvitikọsụ 24:11 ပူးပေါင်းရင်းမြစ်များ

Samuẹlụ Nke Ẹbụọ 12:14

Kanị, makẹni y'e yegụọ ndị-iṅẹnrẹn Osolobuẹ ihiẹn w'e gi kpari ẹ, nwata-okẹnnyẹ ahụn okpohoni mụn'ị k'a nwụnhụn.”

Ndị-nze Nke Ibuzọ 21:10

Ụnụ e bu ndị eje-ịhịan ẹbụọ che ihun ẹ, sị wẹ shịa ẹri nị Nabọtụ kpọ Chuku lẹ eze iyi. Wepụ n'a d'e gi ọmụma magbu ẹ.”

Ndị-nze Nke Ibuzọ 21:13

Ya ndị eje-ịhịan ẹbụọ nọ pụha, nọdị alị ihun ẹ, buokinmẹ ẹ ọnụ idẹnya ndị alị, a sị, “Nabọtụ a kpọgụọ Chuku lẹ eze iyi.” Ya kẹ ndị alị nọ gha imẹ obodo wepụ Nabọtụ, gi ọmụma magbu ẹ.

Ndị-nze Nke Ẹbụọ 18:30

Anịkwọlẹ ni Hezikaya mẹ ọnụ gi Osolobuẹ dọn ẹnya, ebe ọ nọ a sị, ‘Osolobuẹ k'a gbapụharịrị ẹnyi; ewekọ wẹ obodoni ye eze Asiria.’

Ndị-nze Nke Ẹbụọ 18:35

Elee hụn imẹ mmọn ndịnị ile satu ẹka gbapụha ndị alị a ẹka m? Nanị kẹ Osolobuẹ a dọn nwan s'ẹka gbapụha Jerusalẹm ẹka m?”

Ndị-nze Nke Ẹbụọ 18:37

Ya kẹ nwa Hil'kia wụ Ẹliakim hụn e lepụ obi-eze ẹnya, Shẹbụna hụn wụ akanwe lẹ Jụa nwa Asafụ hụn e dọnmẹ ẹkụkwọ nọ kin azụụn d'e kunrun Hezikaya, wẹ lẹ ẹkwa wẹ dọka ye enwẹn wẹ olu, wẹ nọ gwachanrịn a ihiẹn ile Ọnụ-eze Asiria ahụn ku.

Ndị-nze Nke Ẹbụọ 19:10

sị, “Sị nị eze Juda wụ Hezikaya: Anịkwọlẹ Chuku ahụn ị rị e fe hụn i gi dọn ẹnya dufie i, ebe ọ rị a sị, ‘Jerusalẹm abankọ eze Asiria ẹka.’

Ndị-nze Nke Ẹbụọ 19:22

Onyẹ k'i rị a kpari, e kuja oku ẹ? Onyẹ k'i gandẹ ọgịngan hụ, e leshi elu e leshi alị? Onyẹ nsọ Izrẹlụ rọ!

Ndị-nze Nke Ẹbụọ 19:6

Azaya nọ sị wẹ, “D'a gwa nị di-nwọnni ụnụ, sị: Osolobuẹ sị, ‘Atụlẹ egun ihiẹn ị nụ hụn ụmụẹka eze Asiria gi kpari m.

Jobu 1:11

Tịnpụ nwan ẹka mẹtụ ihiẹnni ile o nwọn — omẹni ọ kpọkọ ị iyi ihun i.”

Jobu 1:22

Ihiẹnni ile mẹni emẹni Jobu mẹ njọ — ọ kọrịanịnị Chuku.

Jobu 1:5

Ụmụ Jobu rigụ oriri ndị ahụn, Jobu e zi ozi kpọ wẹ, fepụ wẹ ẹhụ kẹ Osolobuẹ dọn ku. Ụz'ụtụntụn biribiri ọ chụnnị onyẹ-onyẹ imẹ wẹ ẹjan w'a dụn ọkụn — makẹni, o ru ọ sị enwẹn ẹ, “Onyẹ maị kẹ ụmụ m e mẹgụọ njọ, kpọ Chuku iyi imẹ obi wẹ.” Ẹnịna kẹ Jobu e mẹ ogẹn ile.

Jobu 2:5

Tịnpụlele nwan ẹka mẹ ẹhụ a ihiẹn hụn o k'a nụ ukwere ẹ, omẹni ọ kpọkọ ị iyi ihun i.”

Ẹbụ-ọma 74:18

Euu Osolobuẹ, nyanhankwọ ẹmụ ndị-iṅẹnrẹn rị a mụ ị, lẹ ọkpọlịa ndị marịnlẹni ihiẹn rị a kpọlịa ẹfan ị.

Ẹbụ-ọma 74:22

Chuku dodo, lihi nwan, n'i kinrin ọnụ ị! Nyanhan kẹ ndịnị marịnlẹni ihiẹn dọn rị a mụ ị ẹmụ uhinhin lẹ efinaị!

Ọpụpụ 18:22

Sị wẹ dọnzimẹni wẹ ụmụ-oku a pụha ogẹn ile, ka sị wẹ e wẹhẹsọnmẹn'i oku karị wẹ ẹka. Omẹni oku mẹ ẹkẹrẹ rọ, wẹ gi ẹka wẹ hannị wẹ eṅẹn, ibu i e belụa, makẹni ịyụ lẹ wẹ gba e bu ẹ.

Ọpụpụ 18:26

Wẹ nọ wụrụ ndị e dọnzini wẹ oku ogẹn ile, e buhẹn'i Mozizi oku ndị hụn zeni — kanị w'e gi ẹka wẹ e dọnzi ụmụ-oku zelẹni.

Ọpụpụ 20:7

“Egikwọlẹ ni ẹfan Osolobuẹ wụ Chuku ụnụ mẹ ihiẹn furulẹni; makẹni, Osolobuẹ ahatukọkwọ onyẹ ọwụlẹ gi ẹfan a mẹ ihiẹn furulẹni.

Ọpụpụ 22:28

“Ekujakwọlẹ oku Osolobuẹ mọbụ kpọ onyẹ-ndu ndị nke ụnụ iyi.

Ọpụpụ 3:15

Chuku nọzị sị a, “Gwa ndị Izrẹlụ, ‘Osolobuẹ hụn wụ Chuku ndị nẹdi ụnụ, Chuku Ebraham, Chuku Aziki, Chuku Jekọpụ zihẹ m d'e kunrun ụnụ.’ Ọnwan wụ ẹfan m jẹnrin ejẹn, ẹfan agbọ ile jẹnkọ d'e gi a nyanhan m.

Azaya 8:21

Wẹ k'a rị imẹ afụnfụn lẹ ẹgụn, a wahunmẹ imẹ alịnị; ẹgụn gụnbe wẹ, e weshi wẹ ẹnya elu, kpọ eze wẹ lẹ Chuku wẹ iyi.

Lẹvitikọsụ 24:10

O nwọn okẹnnyẹ ohu nnẹ ẹ wụ onyẹ Izrẹlụ, nẹdi ẹ onyẹ Ijiptu; ụhụọhịn ohu, ebe ya lẹ ndị Izrẹlụ rị, ọgụn nọ suni ya lẹ okẹnnyẹ onyẹ Izrẹlụ ebẹhụ wẹ ile ziẹntọ.

Matiu 26:65

Ya onyẹ-isi nchụn-ẹjan nọ tika ẹwuru ye enwẹn olu, yi, “O kuọlẹ arụ! Kị ẹnyi rị a chọzịnị ndị ọshẹri? Ụnụ a nụgụọ nwan arụnị o ku!

Ndị Rom 2:24

Ẹkụkwọ-nsọ sị, “Ụnụ ndị Ju haịn alị ndị ọzọ gi e kuja oku Osolobuẹ.”

Timoti Ibuzọ 1:13

ọsụọn'a nị m te kuja oku ẹ, kpokpo ndị nke ẹ, ye wẹ ụya ri. Kanị o mẹkwọnị m omikẹn, makẹni amarịn m ihiẹn m rị e mẹ ogẹn ahụn makẹni m'e ke kweri.

Rẹvẹleshọnụ 16:11

wẹ nọ kpọma Chuku rị elu-igwee iyi makẹ ụfụ lẹ ẹtẹ rị wẹ ẹhụ; ebihutọnị wẹ ẹka.

Rẹvẹleshọnụ 16:21

Ẹregede ẹkwan-igwere nyịn kẹ ẹkpa simẹnti hụ a gha elu igwere a dankwasị ịhịan — ya wẹ nọ bụma Osolobuẹ ọnụ yeni ihiẹn ẹkwan-igwere ahụn rị e mẹ wẹ, makẹni o mẹshigụọ wẹ ikẹn ọda-ọda!