Lẹvitikọsụ 23:34 - Ika

³⁴ “Gwa ndị Izrẹlụ, sị: Nke akp'ọhịn mmisẹn imẹ ifọn nke ẹsa, Mmẹmmẹ Osolobuẹ hụn wẹ gi e bi imẹ Ọdụ k'e bidọn; wẹ k'e mẹ ẹ akp'ọhịn ẹsa.

Lẹvitikọsụ 23:34 ပူးပေါင်းရင်းမြစ်များ

Ndị-nze Nke Ibuzọ 12:32

Eze wụ Jerobụam nọ tumẹ mmẹmmẹ wẹ jẹnkọ d'a gha e mẹ nke akp'ọhịn mmisẹn imẹ ifọn nke ẹsatọ, nọkẹ mmẹmmẹ hụ w'e mẹ azụụn hụn ẹbọ wụ Juda. Ọ chụnsọnmẹ ẹjan elu ukpo nchụn-ẹjan hụ. Ihiẹnni k'o mẹ imẹ obodo Bẹtẹlụ, ọ chụnyeni ụmụ-efin ndị hụ ọ kpụ ẹjan. O tumẹsọnmẹzikwọ ndị o tumẹ ohẹn mmọn buche ụlọ-mmọn ndị hụ ọ rụnsọnmẹ ebe rị ichẹn-ichẹn jẹn elu imẹ Bẹtẹlụ.

Ndị-nze Nke Ibuzọ 8:2

Ya ndị Izrẹlụ ile nọ bịa d'e kunrun Eze wụ Solomọnụ; ogẹn Mmẹmmẹ Ibi-imẹ-ọdụ hụn wẹ e mẹ imẹ ifọn nke ẹsa, ifọn Etanim.

Ndị-nze Nke Ibuzọ 8:65

Ya Solomọnụ nọ gi ẹrịra mẹ Mmẹmmẹ Ibi-imẹ-ọdụ nke ahụa hụ, ya lẹ ndị Izrẹlụ hụ ile; igunrun ahụn bugbu enwẹn ẹ ọda. Wẹ ghasọnmẹ alị Izrẹlụ ile bịa — ghakwọrị Lebo-Hamatị d'e ru Iyi Udu-mirin rị okẹn Izrẹlụ lẹ alị Ijiptu. Wẹ gi ọrọgbọ akpọhịn ẹsa mẹ mmẹmmẹ hụ ihun Osolobuẹ ebẹhụ, wezi akp'ọhịn ẹsa chen'ẹ — ọrọgbọ akp'ọhịn mmẹnọ gbegbegbe!

Ẹzra 3:4

Wẹ nọ mẹ Mmẹmmẹ Ibi-imẹ-ọdụ kẹ wẹ dọn de ẹ imẹ Iwu, a chụn wẹ ẹjan w'a kpọ ọkụn ole w'a chụ ụhụọhịn-ụhụọhịn imẹ Mmẹmmẹ hụ.

Nehemiah 8:14

Wẹ nọ hụn a nị wẹ deye ẹ imẹ Iwu ahụn Osolobuẹ gha ẹka Mozizi ye Izrẹlụ nị ndị Izrẹlụ sikọ d'a gha e bi imẹ ọdụ ogẹn Mmẹmmẹ hụ w'e mẹ ifọn nke ẹsa,

Ọpụpụ 23:16

“E mẹzikwọ nị Mmẹmmẹ Mkpụrụ-ibuzọ: ihiẹn ibuzọ ụnụ ghọ imẹ ugbo ụnụ kẹ ụnụ e gi e mẹ ẹ. “E mẹ ni Mmẹmmẹ Ịghọkwanma Ihiẹn-ugbo: njẹndemẹ ahụa kẹ ụnụ e gi e mẹ ẹ, ụnụ ghọchanrịngụ ihiẹn ugbo ụnụ.

Ọpụpụ 34:22

“E mẹ ni Mmẹmmẹ Izuka-nke-ẹsa hụn wụ Mmẹmmẹ Mkpụrụ-ibuzọ. Gi ni ọka-witi ibuzọ ụnụ ghọ mẹ ẹ; o ru njẹndemẹ ahụa ụnụ e mẹzikwọ Mmẹmmẹ Ịghọkwanma Ihiẹn-ugbo.

Izikẹlụ 45:25

“ ‘O ru ifọn nke ẹsa, nke akpọhịn mmisẹn, onyẹ-ọkịkị sikọ d'e wẹhẹsọnmẹ ihiẹn ohu ahụn ụhụọhịn-ụhụọhịn, ọrọgbọ akpọhịn ẹsa, makẹ ẹjan-njọ, ẹjan w'a dụn ọkụn, ẹjan-ọka lẹ ẹjan wẹ gi ofugbọn-olivu a chụn.

Lẹvitikọsụ 23:33

Osolobuẹ sị Mozizi,

Lẹvitikọsụ 23:42

Bi ni imẹ ọdụ akp'ọhịn ẹsa. Ụmụ di-alị Izrẹlụ ile k'e bi imẹ ọdụ,

Lẹvitikọsụ 23:43

kẹni ụmụ ụnụ marịn nị m mẹ ndị Izrẹlụ bisọnmẹ imẹ ọdụ ogẹn m gi gha alị Ijiptu wepụha wẹ. Mmẹ wụ Osolobuẹ hụn wụ Chuku ụnụ.”

Ọgụngụn 29:12

“Ifọn nke ẹsa rị akp'ọhịn mmisẹn, ụnụ e zu ozuzu rị nsọ. Arụnlẹ ni ọrụn ụnụ ụhụọhịn hụ. Ụnụ sikọ d'e mẹni Osolobuẹ mmẹmmẹ akpọhịn ẹsa gha ụhụọhịn hụ jẹnmẹ.

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 7:2

Ogẹn hụ, mmẹmmẹ ndị Ju gi a nọdịsọnmẹ imẹ Ọdụ w'a kpụkpọrị e rugụọ.

Ditrọnọmi 16:16

Ya wụ, mgbe ẹtọ ahụa kẹ ikẹnnyẹ ụnụ k'a gha a bịa ihun Osolobuẹ wụ Chuku ụnụ ebahụn o k'a họrị; ogẹn Mmẹmmẹ brẹdi yisti rịlẹni, ogẹn Mmẹmmẹ Izuka-nke-ẹsa lẹ ogẹn Mmẹmmẹ Ibi-imẹ-ọdụ. Y'e nwọnkwọlẹ onyẹ k'a gba ẹka bịa ihun Osolobuẹ:

Ditrọnọmi 31:10

Mozizi nọ sị wẹ, “Njẹndemẹ ahụa ẹsa ọwụlẹ, ahụa hụ wẹ gi a kagbu ụgwọ, o ru ogẹn Mmẹmmẹ Ibi imẹ Ọdụ ahụa hụ,

Hibru 11:13

Ndịnị ile kwọndọn okukwe nwụnhụn bụ enwọnhẹnni wẹ ihiẹn Osolobuẹ kwe nkwa a, kanị, e lechegụọnị wẹ wẹ, nabanhan wẹ, ku ẹ nị wẹ wụ itumunyẹ imẹ ụwanị.

Hibru 11:9

Okukwe k'o gi kwashi alị hụ Osolobuẹ kwe ẹ nkwa d'e biri rịkẹ otumunyẹ, a kwahunmẹ — bikọ ụlọ w'a kpụkpọrị, kẹ ya kẹ Aziki lẹ Jekọpụ, ndị Osolobuẹ kwe ya lẹ wẹ nkwa hụ.