Lẹvitikọsụ 23:3 - Ika

³ “Akp'ọhịn isin rị a hụn ụnụ e gi rụn ọrụn, kanị nke akp'ọhịn ẹsa rịn'a wụ Ụhụọhịn Ezumikẹn wẹ jẹnkọlẹni d'a rụn ọrụn, ụhụọhịn ụnụ k'e gi kpọ iko rị nsọ. Ụnụ arụnkọ ọrụn ọwụlẹ; ebe-lẹ-ebe ụnụ bi, Ezumikẹn wẹ gi e ye Osolobuẹ ọghọ rọ.

Lẹvitikọsụ 23:3 ပူးပေါင်းရင်းမြစ်များ

Ọpụpụ 16:23

Ọ nọ sị wẹ, “Lee ni ihiẹn Osolobuẹ ku: ‘Eki wụ ụhụọhịn izu-ikẹn, Ezumikẹn hụn rị nsọ wẹ gi e ye Osolobuẹ ọghọ. Shiri ni nwan ihiẹn ụnụ chọ nị ụnụ shi tannị, gheri ni ihiẹn ọwụlẹ ụnụ k'e ghe, ụnụ e bu hụn họdụnị tọ nị eki fọn.’ ”

Ọpụpụ 16:29

Lee n'ẹ: makẹni Osolobuẹ e yeọlẹ ụnụ Ụhụọhịn ụnụ k'a gha e zu ikẹn haịn o gi mẹ ni nke akpọhịn isin o ye ụnụ mana akpọhịn ẹbụọ. Nke akpọhịn ẹsa, onyẹ ọwụlẹ ya nọdị ebe ọ rị. Onyẹ ọwụlẹ apụkwọlẹ ezi.”

Ọpụpụ 16:30

Ya wẹ nọ nwan zu ikẹn nke akpọhịn ẹsa.

Ọpụpụ 23:12

“Gi akpọhịn isin rụn ọrụn ị, ka arụnkwọlẹ ọrụn nke akp'ọhịn ẹsa — kẹni efin i lẹ jaki i hụn ụzọ zu ikẹn, kẹ igbọn rị iwe i kẹ onyẹ ọrụn ị a kụ ndụn.

Ọpụpụ 34:21

“Akpọhịn isin kẹ ụnụ e gi a rụn ọrụn, kanị nke akpọhịn ẹsa, ụnụ k'e zurịrị ikẹn, kẹ ogẹn ikụn-ihiẹn ugbo kẹ ogẹn ịghọ ihiẹn-ugbo.

Azaya 56:2

O jẹnkọ d'a rịnị onyẹ e mẹ ihiẹnni mma — onyẹ hụn e mẹ ẹ e mẹsọnmẹ: onyẹ hụn e dọnmẹ Ụhụọhịn Ezumikẹn nsọ, rịlẹni e mẹrụ a; onyẹ hụn ghalẹni e bu ẹka e che eje-ihiẹn.

Azaya 56:6

O mẹ nke ndị alị ọzọ hụn we enwẹn wẹ kwanị Osolobuẹ — kẹni wẹ hụn ụzọ a rụnn'a ọrụn, a wụ ndị ẹfan Osolobuẹ a sụọ ụsụọ, e fe ẹ ofufe, ndị ile hụn e dọnmẹchanrịn Ụhụọhịn Ezumikẹn nsọ, e kwọnkẹnmẹ iwu m,

Azaya 58:13

Omẹni y'a latọnị idọnmẹ Ụhụọhịn Ezumikẹn m nsọ, omẹni y'e gizini Ụhụọhịn-nsọ m mẹ ihiẹn sụọnị ị; omẹni y'e kumẹ oku Ụhụọhịn Ezumikẹn ọhụnma, e ye Ụhụọhịn hụ rị Osolobuẹ nsọ ọghọ, omẹni y'e mẹbehi ihiẹn rị ị obi kẹni i ye Ụhụọhịn-nsọ a ọghọ, mẹbehi k'ọ sụọ ị, kubehi oku nwọnlẹni isi.

Lẹvitikọsụ 19:3

“Onyẹ-onyẹ imẹ ụnụ k'a gbayerịrị nnẹ ẹ lẹ nẹdi ẹ. Ụnụ k'e girịrị ụhụọhịn Ezumikẹn ndị hụ m kayesọnmẹ zu ikẹn. Mmẹ wụ Osolobuẹ hụn wụ Chuku ụnụ.

Luku 13:14

Kanị iwe nọ we onyẹ-isi ụlọ-ofufe nị Jizọsị zụọ ịhịan Ụhụọhịn Ezumikẹn. Ọ nọ gwama ndị rị ebẹhụ oku, “Akpọhịn isin rị a hụn furu ẹnyi e gi rụn ọrụn. Bịa nị ogẹn hụ d'a zụọ isi, ẹlẹ Ụhụọhịn Ezumikẹn!”

Luku 23:56

Ya wẹ nọ lama d'a chọtọ udẹn lẹ ihiẹn ndị ọzọ wẹ gi a kwama ozun. O ru Ụhụọhịn Ezumikẹn, wẹ nọ zu ikẹn kẹ Iwu dọn ku.

Ọrụn Ndị-ozi 15:21

Makẹni, ndị a kuzi Iwu Mozizi arịọlẹ imẹ obodo ọwụlẹ kete-kete, gha agbọ d'e ru agbọ; wẹ hụ a gụnnị ịhịan ile ya imẹ ụlọ-ofufe ndị Ju rị obodo ichẹn-ichẹn Ụhụọhịn Ezumikẹn ile.”

Rẹvẹleshọnụ 1:10

O ru ụhụọhịn ohu, Ụhụọhịn Di-nwọnni-ẹnyi, ebe m rị imẹ-mmọn, m nọ nụ okẹn olu nọ kẹ opi azụụn m.