Lẹvitikọsụ 22:22 - Ika

²² Eyelẹ ni Osolobuẹ anụ ẹnya kpu ishi mọbụ hụn rụ ẹhụ mọbụ hụn ẹhụ a zulẹni oke mọbụ hụn ẹhihi mọbụ hụn ẹkpẹn rị ẹhụ mọbụ hụn ẹtẹ rị a ẹhụ rị e ru ẹbụn mọbụ a mụ mirin. Ebukwọlẹ ni ihiẹn ọwụlẹ nọ ẹrịra che elu ukpo nchụn-ẹjan n'ọ wụ ẹjan wẹ gi ọkụn ye Osolobuẹ.

Lẹvitikọsụ 22:22 ပူးပေါင်းရင်းမြစ်များ

Lẹvitikọsụ 1:13

Hụn wẹhẹn'ẹ e gi mirin chanchan ihiẹn ile rị imẹ ẹfọ anụ hụ lẹ ụkụ a, onyẹ nchụn-ẹjan e wẹhẹ wẹ ile d'a dụn ọkụn elu ukpo nchụn-ẹjan hụ. Oyiye wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:9

Hụn wẹhẹ anụ e gi mirin chanchan ụkụ anụ hụ lẹ ihiẹn rị imẹ ẹfọ a, onyẹ nchụn-ẹjan a nọ ukpo nchụn-ẹjan dụnkwama anụ ahụn ile ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ ụsụọ.

Lẹvitikọsụ 22:20

Ewẹhẹkwọlẹ ni anụ ọwụlẹ ẹhụ a zulẹni oke, makẹni anarịnkọ m ụnụ ya.

Lẹvitikọsụ 22:21

Omẹni ẹjan-ekele kẹ ịhịan welanị Osolobuẹ, hụn wẹ gi e mẹzu nkwa wẹ kwe ẹ mọbụ oyiye ghapụha a obi, o sikọ d'a wụrịrị anụ ẹhụ zu oke. Ẹhụ a k'e zurịrị oke, kẹni m narịn a.

Lẹvitikọsụ 22:23

“Ụnụ nwọn ikẹn gi efin mọbụ atụnrụn hụn ẹhụ a nwọn k'ọ nọ mọbụ hụn mẹ kakpọị ye oyiye ghapụha ịhịan obi, kanị, anarịnkọ m'a omẹni oyiye wẹ gi e mẹzu nkwa rọ.

Lẹvitikọsụ 3:3

O k'a gha anụ ẹjan-ekele hụ wepụha ndịnị wẹ k'e gi ọkụn chụnyeni Osolobuẹ — ya wụ, ụtọrọ ile kpumẹ ihiẹn rị imẹ ẹ lẹ hụn nyanrịnnị wẹ,

Lẹvitikọsụ 3:5

ụmụ Ẹrọnụ ikẹnnyẹ a nọ ukpo nchụn-ẹjan hụ dụn a ọkụn n'o họnrin ẹnwụnrụn, ya lẹ ẹjan w'a dụn ọkụn hụn rị enu nkụn rị ebẹhụ e rẹn, n'ọ wụrụ oyiye wẹ gi ọkụn ye, hụn ishin ẹ a sụọ Osolobuẹ.

Malakaị 1:8

“Hụn ahụn ụnụ gi anụ ẹnya kpọhị a chụnyeni m ẹjan — ẹlẹ eje-ihiẹn rọ? Hụn ahụn ụnụ a chụnyeni m anụ dan ngụrọ lẹ anụ rịlẹni ikẹn — ẹlẹ eje-ihiẹn rọ? Welele ni anụ nọ ẹrịra ye Gọvanọ ụnụ. Nị ihiẹn ụnụ sụọ a? N'o mẹni ụnụ ihiẹn ụnụ rịọ a? Ya kẹ Osolobuẹ ihiẹn ile rị okpuru ẹ ku.