Lẹvitikọsụ 22:18 - Ika

¹⁸ “Gwa Ẹrọnụ lẹ ụmụ a lẹ ndị Izrẹlụ ile, sị wẹ: Onyẹ welanị Osolobuẹ ẹjan w'a dụn ọkụn, kẹ onyẹ Izrẹlụ rọ kẹ abịamabịa bi imẹ Izrẹlụ rọ, oyiye wẹ gi e mẹzu nkwa mọbụ oyiye ghapụha a obi,

Lẹvitikọsụ 22:18 ပူးပေါင်းရင်းမြစ်များ

Ihiẹn Mẹni Nke Ẹbụọ 31:14

Kore nwa Imna onyẹ Livaị, hụn e che nche Ọnụ-mgbọn rị Ẹbamịn Ọwụwa ẹnyanwụn, e kwọndọn oyiye ghapụha ịhịan obi ye Chuku, ịya nwọnzi e ke ihiẹn ndị wẹ tụhanị Osolobuẹ lẹ ihiẹn ndị wẹ gi kwanị Osolobuẹ.

Ẹbụ-ọma 116:14

A nọ m idẹnya ndị nke Osolobuẹ ile mẹzu nkwa m kwe ẹ.

Ẹbụ-ọma 116:18

M k'e mẹzu nkwa m kwe Osolobuẹ, mẹ ẹ idẹnya ndị nke ẹ ile;

Ẹbụ-ọma 22:25

M k'e gi ihiẹnni i mẹni m ja ị mma imẹ ozuzu-uku ndị nke i, m k'a nọ idẹnya ndị hụn e fen'i mẹzu nkwa m kwe i.

Ẹbụ-ọma 56:12

M k'e mẹzu nkwa m kwe i, Chuku; m k'a chụnyen'i ẹjan-ekele,

Ẹbụ-ọma 61:5

Makẹni y'a nụgụọ nkwa m kwe i, Chuku; y'e yegụọ m ihiẹn y'e ye ndị a gbayeni i.

Ẹbụ-ọma 61:8

Kẹni m'a bụn'ị ẹbụ ọjịja-mma, e mẹzu nkwa m kwe i ụhụọhịn ile.

Ẹbụ-ọma 65:1

Euu Chuku, ẹnyi k'a ja ị mma imẹ obodo Zayọnụ; ẹnyi k'e mẹzu nkwa ẹnyi kwe i;

Ẹbụ-ọma 66:13

M wela ẹjan w'a dụn ọkụn iwe i; m k'e mẹzu nkwa m kwe i,

Ọpụpụ 12:5

“Anụ wẹ k'a họtọ jẹnkọ d'a wụrịrị okẹn rị ahụa ohu hụn ẹhụ a ile zu oke; wẹ nwọn ikẹn weri atụnrụn mọbụ ewu.

Ẹkịliziastisi 5:4

Omẹni y'e kwe Chuku nkwa, ebielẹ d'e mẹ ẹ. Ihiẹn ndị nzuzu ara sụọ Chuku; mẹzu nkwa ị.

Lẹvitikọsụ 1:10

“Omẹni ewu mọbụ atụnrụn k'o k'e gi ye oyiye hụ wẹ jẹnkọ d'a dụn ọkụn, o k'a wụrịrị mkpịn ẹhụ a zu oke.

Lẹvitikọsụ 1:2

“Gwa ndị Izrẹlụ oku, sị wẹ: onyẹ ọwụlẹ imẹ ụnụ hụn welanị Osolobuẹ oyiye ya wẹhẹ efin mọbụ ewu mọbụ atụnrụn.

Lẹvitikọsụ 17:10

“Onyẹ Izrẹlụ ọwụlẹ mọbụ abịamabịa bi imẹ igunrun wẹ ri ẹdeke ọwụlẹ, m k'e bu ẹnya zinmẹ ẹ, bepụ a imẹ ndị nke ẹ.

Lẹvitikọsụ 17:13

“Onyẹ Izrẹlụ ọwụlẹ mọbụ abịamabịa ọwụlẹ bi igunrun wẹ gbu anụ mọbụ nnụnụ k'a nị ẹdeke ẹ gbapụchanrịn, o gi ẹjan kpumẹ ẹ,

Lẹvitikọsụ 22:17

Osolobuẹ sị Mozizi,

Lẹvitikọsụ 23:38

Ndịnị wẹ anapụkọkwọ ụnụ Ụhụọhịn izu-ikẹn ichẹn-ichẹn ndị-ọzọ Osolobuẹ tumẹ; oyiye ndịnị anapụkọ ụnụ oyiye ndị ọzọ ụnụ e ye lẹ oyiye ụnụ gi e mẹzu nkwa lẹ oyiye ile ghapụha ụnụ obi ụnụ e yesọnmẹ Osolobuẹ.

Lẹvitikọsụ 7:16

“Kanị, omẹni nkwa o kwe Osolobuẹ k'o k'e gi oyiye hụ mẹzu mọbụ nị oyiye ghapụha a hụ obi rọ, ụhụọhịn o ye oyiye hụ kẹ wẹ k'e ri ẹ, kanị wẹ nwọn ikẹn ri hụn ọwụlẹ bọ-ọra.

Emọsụ 4:5

E wẹhẹkwọ nị brẹdi wẹ buche yisti ụnụ gi e ye ekele! E ye ni oyiye gha ụnụ obi pụha, a gwa ịhịan ile ya. E mẹchanrịnnị wẹ ile, ndị Izrẹlụ Ẹbamịn-ugu makẹni ịya wụ ihiẹn a sụọnị ụnụ!” Ya kẹ Osolobuẹ nwọn ihiẹn ile ku.

Jona 1:16

Egun Osolobuẹ nọ tụ ikẹnnyẹ ndị hụ ọda-ọda; ya wẹ nọ chụnyeni Osolobuẹ ẹjan, kwesọnmẹ ẹ nkwa.

Jona 2:9

Kanị mmẹ nwẹn k'e gi ẹbụ okele bịa d'a chụnyen'i ẹjan; m k'e mẹ ihiẹn m kwe i nkwa a. Ẹka ị Osolobuẹ sụọ kẹ nzụọpụha gha a bịa!!”

Nahum 1:15

E lee ni ụkụ onyẹ rị elu ugu gi ozi rị mma lala! Ọ hụ e yi, “Ihiẹn ile a rịgụọ mma! Ndị Juda mẹmẹzi ni mmẹmmẹ ụnụ! Mẹni ni nwan Osolobuẹ nkwa ụnụ kwe ẹ; ndị-ejẹ ahụn amayekọzị ụnụ! Wẹ k'e tikpọchanrịn wẹ!”

Malakaị 1:14

“Ọ rịkọnị onyẹ-ntụ hụ mma, onyẹ hụn nwọn ebulu rị mma imẹ anụ a, kwe nkwa nị ịya k'o k'a chụnyeni Osolobuẹ, kanị ogẹn ru ọ chụnyen'ẹ hụn ẹhụ a zulẹni! Makẹni, okẹn Eze w'a gbaye ẹfan a imẹ alị ndị ọzọ kẹ m wụ. Ya kẹ Osolobuẹ ihiẹn ile rị okpuru ẹ ku.”

Ọgụngụn 15:3

omẹni ụnụ rị e ye Osolobuẹ ẹjan wẹ gi ọkụn e ye ẹ nị ishin ẹ sụọ a, ọsụọn'a efin mọbụ atụnrụn mọbụ ewu rọ, ọsụọn'a ẹjan w'a dụn ọkụn mọbụ ẹjan ọzọ rọ; kẹ hụn ụnụ gi e mẹzu nkwa pụ-ichẹn ụnụ kwe Osolobuẹ kẹ oyiye ghapụha ịhịan obi rọ kẹ oyiye ụnụ gi e mẹ mmẹmmẹ ahụa-ahụa ndị ụnụ gi e fe m rọ — hụn ọwụlẹ ọ wụ,

Ọrụn Ndị-ozi 18:18

Ogẹn Pọlụ gi nọbiegụ Kọrẹntị, ọ nọ sị ndị kwerini Jesu rị ebẹhụ nọdị ọhụnma, ọ nọ banye ụgbọ-mirin, shi alị Siria. Ịya lẹ Prisilia lẹ Akwila wị. E ru wẹ obodo Sẹnkrẹ, ọ nọ kọ ntutu makẹni o nwọn nkwa o kwe.

Ditrọnọmi 12:17

Anọkwọlẹ ni imẹ obodo ụnụ rị ichẹn-ichẹn ri ụzọ-ohu-imẹ-ụzọ-iri ọka ụnụ lẹ manya ọhụn ụnụ lẹ ofigbọn-olivu ụnụ mọbụ nwa ibuzọ efin lẹ atụnrụn lẹ ewu ụnụ mọbụ ihiẹn ọwụlẹ ụnụ kwe Osolobuẹ nkwa a mọbụ oyiye hụn ghapụha ụnụ obi mọbụ ụtụ ụnụ.

Ditrọnọmi 12:6

ebẹhụ kẹ ụnụ k'e wejẹn oyiye ụnụ — kẹ ndị w'a dụn ọkụn kẹ ẹjan ndị ọzọ, kẹ ụzọ-ohu-imẹ-ụzọ-iri ụnụ kẹ ụtụ ụnụ kẹ oyiye ụnụ gi e mẹzu nkwa kẹ oyiye ndị ghasọnmẹ ụnụ obi pụha, kẹ oyiye nwa-ibuzọ efin lẹ atụnrụn lẹ ewu ụnụ.

Ditrọnọmi 16:10

ụnụ e mẹni Osolobuẹ wụ Chuku ụnụ Mmẹmmẹ Izuka-nke-ẹsa, ụnụ e wẹhẹsọnmẹn'ẹ oyiye ghapụha ụnụ obi k'o yehan ụnụ d'e ye ẹ ọghọ;