1 Osolobuẹ sị Mozizi,
Ya Mozizi nọ gwa Ẹrọnụ lẹ ụmụ a lẹ ndị Izrẹlụ ile okuni.
“Gwa Ẹrọnụ lẹ ụmụ a wẹ gbayekwọ oyiye ndị hụ rị nsọ ndị Izrẹlụ e wẹhẹni m, amamgbe w'e budan ẹfan nsọ m. Mmẹ wụ Osolobuẹ.
“Omẹni ọ rụnahịn ịhịan mẹ njọ ghahanị imẹrụ ihiẹn ọwụlẹ rị Osolobuẹ nsọ, o jẹnkọ d'a hannị Osolobuẹ ebulu ẹhụ a zu oke mọbụ ọnụ-egho ẹ wẹ gụn kẹ w'a gụn imẹ Ọdụ-nsọ, d'e gi ẹ chụn ẹjan onyẹ ikpe ma.
“Ọnwan wụzịkwọ nke ụnụ: ihiẹn ọwụlẹ wẹ wepụ che ụsụọ imẹ oyiye ile ndị Izrẹlụ finfinghọsị m. M rị e we wẹ e ye ịyụ lẹ ụmụ ị ikẹnnyẹ lẹ ikpoho, n'ọ wụrụ ihiẹn e ru ụnụ ẹka ogẹn ile. Onyẹ ọwụlẹ hụn rị ikpụlọ ị hụn rụlẹni nwọn ikẹn rị ẹ.
