Lẹvitikọsụ 2:9 - Ika

⁹ Onyẹ nchụn-ẹjan hụ k'a gha imẹ oyiye ahụn weri hụn o gi nọkin ẹnya wẹ ile d'a dụn ọkụn elu ukpo nchụn-ẹjan ahụn n'o họnrin ẹnwụnrụn, n'ọ wụrụ oyiye we gi ọkụn ye, hụn ishin ẹ a sụọ Osolobuẹ.

Lẹvitikọsụ 2:9 ပူးပေါင်းရင်းမြစ်များ

Ọpụpụ 29:18

Ya kpọchanrịn nwan ebulu hụ ọkụn elu ukpo nchụn-ẹjan. Ẹjan wẹ kpọnị Osolobuẹ ọkụn rọ hụn ishin ẹ a sụọ Osolobuẹ ụsụọ, oyiye wẹ gi ọkụn ye Osolobuẹ.

Azaya 53:10

kanị ọ sụọ Osolobuẹ n'o mẹshi ẹ ikẹn, mẹ ẹ ta afụnfụn. Ọsụọn'a n'o gi ndụn a chụn ẹjan-njọ, ọ k'a hụn ụmụ a; o k'a tọ. Uche Osolobuẹ k'a nọ ẹka a gha ihun.

Lẹvitikọsụ 1:9

Hụn wẹhẹ anụ e gi mirin chanchan ụkụ anụ hụ lẹ ihiẹn rị imẹ ẹfọ a, onyẹ nchụn-ẹjan a nọ ukpo nchụn-ẹjan dụnkwama anụ ahụn ile ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ ụsụọ.

Lẹvitikọsụ 2:16

Onyẹ nchụn-ẹjan k'e weri hụn o k'e gi nọkin ẹnya oyiye ọka-mirin ahụn wẹ sụkpọ lẹ ofigbọn-olivu, o werizi nsẹnsi ahụn ile, ọ mụ wẹ ile ọkụn nị wẹ họnrin ẹnwụnrụn, wụrụ oyiye wẹ gi ọkụn ye Osolobuẹ.

Lẹvitikọsụ 2:2

bu ẹ jẹnni ụmụ Ẹrọnụ ikẹnnyẹ, ndị nchụn-ẹjan. Onyẹ nchụn-ẹjan k'a nọ ọka ahụn wẹ gwe lẹ ofugbọn-olivu rịn'a bụọrị ọb'ẹka ohu, o werizi nsẹnsi hụ ile, o gi hụn ọ bụọrị lẹ nsẹnsi nọkin ẹnya ẹjan hụ ile, nọ elu ukpo nchụn-ẹjan dụn wẹ ọkụn — oyiye wẹ gi ọkụn ye rọ, hụn ishin ẹ a sụọ Osolobuẹ.

Lẹvitikọsụ 2:8

“Oyiye-ọka wẹ gi ihiẹn ndịnị mẹmẹ k'i jẹnkọ d'e wẹhẹni Osolobuẹ; y'e w'ẹ ye onyẹ nchụn-ẹjan, o we ẹ jẹn ukpo nchụn-ẹjan.

Lẹvitikọsụ 24:7

Bu nsẹnsi wẹ buchelẹni ihiẹn ọzọ che ogele brẹdi ẹbụọ hụ n'ọ hụn ụzọ wụrụ ihiẹn wẹ gi a nọkin ẹnya brẹdi hụ, ọ wụrụ ihiẹn wẹ ye Osolobuẹ.

Lẹvitikọsụ 4:31

wepụha ụtọrọ a ile, kẹ wẹ dọn e wepụha ụtọrọ anụ wẹ gi ye oyiye ekele; onyẹ nchụn-ẹjan a nọ ukpo hụ wẹ n'a chụn ẹjan dụn a ọkụn n'o họnrin ẹnwụnrụn, ọ wụrụ ishin ọma hụn a sụọ Osolobuẹ ụsụọ. Ẹnịna kẹ onyẹ nchụn-ẹjan k'a dọn gbarị isi onyẹ hụ, Osolobuẹ a gbagharị a njọ.

Lẹvitikọsụ 5:12

O k'e wẹhẹni onyẹ nchụn-ẹjan ya, onyẹ nchụn-ẹjan a bụọrị hụn jun ọb'ẹka gi nọkin ẹnya ọka hụ ile o wẹhẹ, dụn a ọkụn elu ukpo nchụn-ẹjan elu oyiye wẹ gi ọkụn ye Osolobuẹ, o họnrin ẹnwụnrụn. Ẹjan njọ rọ.

Lẹvitikọsụ 6:15

Onyẹ nchụn-ẹjan k'a gha ọka hụ wẹ gweriẹn lẹ ofigbọn-olivu sọnn'ẹ kpọnrin ọb'ẹka ohu, o wezi nsẹnsi ile wẹ buche elu ẹjan-ọka hụ chen'ẹ, o gi wẹ nọkin ẹnya oyiye hụ ile, nọ elu ukpo nchụn-ẹjan dụn wẹ ọkụn, o họnrin ẹnwụnrụn, wụrụ ishin a sụọ Osolobuẹ ụsụọ.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Ọgụngụn 5:26

Onyẹ nchụn-ẹjan hụ k'a bụọrị ubẹka ohu imẹ oyiye-ọka hụ wẹ gi chụn ẹjan, gi ẹ nọkin ẹnya oyiye-ọka hụ ile, nọ elu ukpo nchụn-ẹjan ahụn dụn hụn ahụn o kpọnrin ọkụn; ọ dụngụ a ọkụn, o mẹ okpoho hụ ra mirin hụ.

Ndị Rom 12:1

Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ndị Rom 15:16

hụn o gi tumẹ m onyẹ-ọrụn Kraịstị wụ Jizọsị imẹ igunrun ndị wụlẹni ndị Ju. M rị nwan a rụn kẹ onyẹ nchụn-ẹjan ghahanị izisọnmẹ oziọma Osolobuẹ, kẹni wẹ wẹhẹ ndị alị ndị ọzọ d'a wụrụ oyiye Osolobuẹ a nabanhan, oyiye hụn Mmọn-nsọ dọn nsọ.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Filipi 2:17

Ọsụọn'a nwan nị wẹ rị nwan e hupụ ndụn m nọkẹ manya e cheni okukwe ụnụ nọkẹ ẹjan wẹ rị a chụnyeni Osolobuẹ, ẹfọ rị a sụọ m ụsụọ; m rị e sọn ụnụ a ghọghọ!

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.