Lẹvitikọsụ 19:3 - Ika

³ “Onyẹ-onyẹ imẹ ụnụ k'a gbayerịrị nnẹ ẹ lẹ nẹdi ẹ. Ụnụ k'e girịrị ụhụọhịn Ezumikẹn ndị hụ m kayesọnmẹ zu ikẹn. Mmẹ wụ Osolobuẹ hụn wụ Chuku ụnụ.

Lẹvitikọsụ 19:3 ပူးပေါင်းရင်းမြစ်များ

Jẹnẹsisi 48:12

Ya Josẹfụ nọ wepụ wẹ ebe wẹ te rị ọgbọdọgbọ nẹdi ẹ, ọ nọ hulụanị nẹdi ẹ isi.

Nehemiah 9:14

Ị nọ mẹ wẹ marịn Ụhụọhịn Ezumikẹn i hụn rị nsọ, gwasọnmẹ wẹ ihiẹn wẹ sikọ d'e mẹ, yini wẹ uhi lẹ ụmụ-iwu ghahanị odibo i wụ Mozizi.

Ọpụpụ 16:29

Lee n'ẹ: makẹni Osolobuẹ e yeọlẹ ụnụ Ụhụọhịn ụnụ k'a gha e zu ikẹn haịn o gi mẹ ni nke akpọhịn isin o ye ụnụ mana akpọhịn ẹbụọ. Nke akpọhịn ẹsa, onyẹ ọwụlẹ ya nọdị ebe ọ rị. Onyẹ ọwụlẹ apụkwọlẹ ezi.”

Ọpụpụ 20:12

“Gbaye nẹdi i lẹ nnẹ i, kẹn'i tọ imẹ anị ahụn Osolobuẹ wụ Chuku i rị e ye i.

Ọpụpụ 20:8

“A nyanhan nị Ụhụọhịn Ezumikẹn kẹni ụnụ e dọnmẹ ẹ nsọ.

Ọpụpụ 21:15

“Onyẹ maye nẹdi ẹ mọbụ nnẹ ẹ, wẹ k'e gburịrị a.

Ọpụpụ 21:17

“Onyẹ kpọ nẹdi ẹ mọbụ nnẹ ẹ iyi, wẹ k'e gburịrị a.

Itẹn 1:8

Nwa m, welụa isi alị ebe nẹdi i rị a zụn ị; alatọkwọlẹ ihiẹn nnẹ i kuzi i;

Itẹn 23:22

Gi oku nẹdi i dọn, nị ịya mụ ị; elegberikwọlẹ nnẹ i ọ kagụ ẹgẹdi.

Itẹn 30:11

O nwọnghọ ndị a kpọ nẹdi wẹ iyi, agbọ ghalẹni a gwa nnẹ wẹ oku rị mma.

Itẹn 30:17

“Ẹnya hụn a mụ nẹdi ẹ ẹmụ, e legberi oku nnẹ ẹ, nnụnụ rị ọdanmgbugbu k'a gụpụha a, ụmụ udele e ri ẹ.

Azaya 58:13

Omẹni y'a latọnị idọnmẹ Ụhụọhịn Ezumikẹn m nsọ, omẹni y'e gizini Ụhụọhịn-nsọ m mẹ ihiẹn sụọnị ị; omẹni y'e kumẹ oku Ụhụọhịn Ezumikẹn ọhụnma, e ye Ụhụọhịn hụ rị Osolobuẹ nsọ ọghọ, omẹni y'e mẹbehi ihiẹn rị ị obi kẹni i ye Ụhụọhịn-nsọ a ọghọ, mẹbehi k'ọ sụọ ị, kubehi oku nwọnlẹni isi.

Izikẹlụ 20:12

M nọzị tumẹsọnmẹni wẹ Ogẹn Ezumikẹn m rị ichẹn-ichẹn n'ọ hụn ụzọ wụrụ ahịma rị ẹgbata mmẹ lẹ wẹ, kẹni wẹ marịn nị mmẹ wụ Osolobuẹ wepụha wẹ, dọn wẹ nsọ.

Lẹvitikọsụ 11:44

Mmẹ wụ Osolobuẹ hụn wụ Chuku ụnụ; dọnmẹ ni nwan enwẹn ụnụ ichẹn, a rị nị nsọ, makẹni m rị nsọ. Egikwọlẹ ni ihiẹn ọwụlẹ a rịhunmẹ alị mẹrụ enwẹn ụnụ.

Lẹvitikọsụ 19:25

Kanị o ru ahụa nke isẹn, ụnụ k'a s'ẹka ri mkpụrụ-osisi hụ. Ụnụ mẹ ihiẹnni m sị ụnụ mẹ, ihiẹn akụnkụn ụnụ a mịkẹnmẹ. Mmẹ wụ Osolobuẹ hụn wụ Chuku ụnụ.

Lẹvitikọsụ 19:30

“E gi ni ụhụọhịn Ezumikẹn ndị hụ m kayesọnmẹ e zu ikẹn, ụnụ a gbaye Ọdụ-nsọ m. Mmẹ wụ Osolobuẹ.

Lẹvitikọsụ 19:31

Eburukwọlẹ ni ndị a gba ẹfa, a ma ozun mọbụ chọburu ndị a gwọ ọgụn, gi ẹ mẹrụ enwẹn ọnụ. Mmẹ wụ Osolobuẹ, Chuku ụnụ.

Lẹvitikọsụ 19:34

I k'e mẹrịrị abịamabịa yụ lẹ ya bi kẹ onyẹ nke ụnụ. Ihiẹn ẹ ya sụọ ị kẹ ihiẹn enwẹn i dọn a sụọ ị, makẹni ụnụ nwẹn nkẹ te wụ abịamabịa imẹ alị Ijiptu. Mmẹ wụ Osolobuẹ, Chuku ụnụ.

Lẹvitikọsụ 23:3

“Akp'ọhịn isin rị a hụn ụnụ e gi rụn ọrụn, kanị nke akp'ọhịn ẹsa rịn'a wụ Ụhụọhịn Ezumikẹn wẹ jẹnkọlẹni d'a rụn ọrụn, ụhụọhịn ụnụ k'e gi kpọ iko rị nsọ. Ụnụ arụnkọ ọrụn ọwụlẹ; ebe-lẹ-ebe ụnụ bi, Ezumikẹn wẹ gi e ye Osolobuẹ ọghọ rọ.

Lẹvitikọsụ 26:2

“Zu ni ikẹn Ụhụọhịn ndị hụ m sị ụnụ zụ ikẹn, ụnụ a gbaye ebe wẹ a nọ e fe m. Mmẹ wụ Osolobuẹ.

Malakaị 1:6

“Nwa a gbaye nẹdi ẹ; odibo a gbaye di-nwọnn'ẹ. Omẹni nẹdi kẹ m wụ, mgbaye m? Omẹni di-nwọnni ụnụ kẹ m wụ, mgbaye m? Ya kẹ Osolobuẹ ihiẹn ile rị okpuru ẹ rị a jụ ụnụ ndị nchụn-ẹjan rị e budan ẹfan m. Ụnụ hụ a sị kẹ nanị ụnụ dọn budan ẹfan m?

Ditrọnọmi 27:16

“Ịbụ-ọnụ ya rịnị onyẹ ghalẹni a gbaye nẹdi ẹ mọbụ nnẹ ẹ.” Wẹ kugụ a, ịhịan ile sị, “Isẹẹ!”

Ditrọnọmi 5:16

“Gbaye nẹdi i lẹ nnẹ i, kẹ Osolobuẹ wụ Chuku ụnụ dọn gwa ụnụ, n'ị hụn ụzọ tọ lẹ n'ọ hụn ụzọ masịn'ị imẹ alị ahụn Osolobuẹ wụ Chuku ụnụ rị e ye ụnụ.

Hibru 12:9

Ndị nẹdi ẹnyi rị elu ụwanị e mẹzi ẹnyi ihiẹn wẹ gha a zụn ẹnyi, ẹnyi e humẹni wẹ isi. Ẹnyi ehumẹkọnị nwan nẹdi ẹnyi imẹ Mmọn wụ Osolobuẹ isi, kẹni ẹnyi rị ndụn?