Lẹvitikọsụ 18:3 - Ika

³ Emẹkwọlẹ ni kẹ w'e mẹ imẹ alị Ijiptu, hụn ụnụ te bi; emẹzikwọlẹ ni kẹ w'e mẹ imẹ alị Kenaanị hụn m wekọ ọnụ — elerilẹ ni wẹ.

Lẹvitikọsụ 18:3 ပူးပေါင်းရင်းမြစ်များ

Ndị-nze Nke Ẹbụọ 17:8

wẹ hụ e mẹ omẹnalị alị ndị ahụn Osolobuẹ chụpụ buche wẹ, e fezi eje-ofufe ahụn ndị-nze Izrẹlụ Ẹbamịn-ugu bidọn.

Ẹbụ-ọma 106:35

Kama, e sọn wẹ alị ndị ahụn e mẹgbama, mụnarịn wẹ ihiẹn wẹ e mẹ.

Ọpụpụ 23:24

Akụkwọlẹni mmọn wẹ isi alị mọbụ fe mmọn ndị ahụn mọbụ mẹ kẹ ndị alị wẹ e mẹ. I sikọkwọ d'a kụtuchanrịn wẹ, tigungwọn ọmụma-nsọ wẹ.

Izikẹlụ 23:8

Ohola ahapụnị ịgbaraja hụ ọ gbama imẹ alị Ijiptu, ebẹhụ ikẹnnyẹ nọ sọn ẹ ranhịn, wa a ụkụ, pịn a ẹka ọnụnụ ẹran, gba a k'ọ dọn gụn wẹ.

Lẹvitikọsụ 20:23

Esọnkwọlẹ ni omẹnalị alị ndị hụ m jẹnkọ d'a chụpụnị ụnụ. E mẹghọ wẹ ihiẹn ndịnị ile haịn m gi jụ wẹ.

Ndị Rom 12:2

Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.

Ditrọnọmi 12:4

Efekwọlẹ ni Osolobuẹ wụ Chuku ụnụ kẹ ndịnị dọn e fe mmọn-lẹ-iyi wẹ.

Ditrọnọmi 29:17

Ụnụ a hụnghọ ihiẹn ndị ahụn e ze ize wẹ kpụtọsọnmẹ lẹ mmọn ndị ahụn wẹ gi osisi pịn lẹ ndị wẹ gi ọmụma tụ, ndị wẹ gi siliva kpụ lẹ ndị wẹ gi goru kpụ.

Ditrọnọmi 9:4

Osolobuẹ wụ Chuku ụnụ chụpụgụn'ị wẹ, asịkwọlẹ enwẹn i, “M wụ onyẹ ezi-omumẹ haịn Osolobuẹ gi wẹhẹ m ebeni d'e weri alịnị.” Ẹlẹkwọ ya! Njọ ndị alị ndịnị haịn Osolobuẹ gi a chụpụnị ụnụ wẹ.