Lẹvitikọsụ 17:6 - Ika

⁶ Onyẹ nchụn-ẹjan e fe ẹdeke anụ hụ ye elu ukpo nchụn-ẹjan Osolobuẹ ọnụmụzọ Ọdụ-nsọ, dụn ụtọrọ a ọkụn n'ọ wụrụ ẹjan hụn ishin ẹ a sụọ Osolobuẹ ụsụọ.

Lẹvitikọsụ 17:6 ပူးပေါင်းရင်းမြစ်များ

Ọpụpụ 29:13

Y'a bụọ a, werichanrịn ụtọrọ ahụn ile kpumẹ ihiẹn ile rị a ẹfọ, weri mpịnpịn ahụn a rị a imegi, werizi akụnrụn a ẹbụbụọ lẹ ụtọrọ nyanhunmẹni wẹ; y'a dụn wẹ ọkụn elu ukpo nchụn-ẹjan hụ, e họnrin wẹ ẹnwụnrụn.

Ọpụpụ 29:18

Ya kpọchanrịn nwan ebulu hụ ọkụn elu ukpo nchụn-ẹjan. Ẹjan wẹ kpọnị Osolobuẹ ọkụn rọ hụn ishin ẹ a sụọ Osolobuẹ ụsụọ, oyiye wẹ gi ọkụn ye Osolobuẹ.

Izikẹlụ 44:15

“ ‘Kanị ndị nchụn-ẹjan, ndị Livaị ebọn Zadọkụ, kwọnkẹnmẹ ofufe ụlọ-nsọ m ogẹn ndị Izrẹlụ gi la m tọ, kpahu. Uwẹ k'a nọkunmẹ m, rụnnị m ọrụn ịchụn-ẹjan. Uwẹ k'e wuzo ihun m, e wẹhẹni m ụtọrọ lẹ ẹdeke anụ wẹ gi chụn ẹjan. Ya kẹ Osolobuẹ Nwọn Ihiẹn Ile ku.

Lẹvitikọsụ 17:5

O sikọ d'e mẹ ndị Izrẹlụ e wẹhẹni Osolobuẹ ẹjan wẹ rị nwan a chụnsọnmẹ ogbe, e wẹhẹni Osolobuẹ ya ọnụ-mgbọn Ọdụ-ozuzu, e ye onyẹ nchụn-ẹjan ebẹhụ, e gi wẹ ẹ a chụnyeni Osolobuẹ ẹjan-ekele.

Lẹvitikọsụ 3:11

Onyẹ nchụn-ẹjan k'a nọ ukpo nchụn-ẹjan dụn wẹ ọkụn nị wẹ họnrin ẹnwụnrụn, wụrụ ihiẹn-oriri, oyiye wẹ gi ọkụn ye Osolobuẹ.

Lẹvitikọsụ 3:13

O k'e bu ẹka kwasị a isi, ọ nọ ihun Ọdụ-nsọ gbu ẹ; ụmụ Ẹrọnụ ikẹnnyẹ a bịa d'e fe ẹdeke ẹ kpu ukpo nchụn-ẹjan ụsụọ ile.

Lẹvitikọsụ 3:16

Onyẹ nchụn-ẹjan k'a nọ ukpo nchụn-ẹjan dụn wẹ ọkụn nị wẹ họnrin ẹnwụnrụn, wụrụ ihiẹn-oriri, oyiye wẹ gi ọkụn ye, hụn ishin ẹ a sụọ Osolobuẹ. Ụtọrọ ile wụ nke Osolobuẹ.

Lẹvitikọsụ 3:2

O k'e bu ẹka kwasị anụ ahụn o jẹnkọ d'e ye isi, gbu ẹ ọnụmụzọ Ọdụ-nsọ, ụmụ Ẹrọnụ ikẹnnyẹ ndị nchụn-ẹjan e fe ẹdeke ẹ kpu ukpo nchụn-ẹjan hụ ụsụọ ile.

Lẹvitikọsụ 3:5

ụmụ Ẹrọnụ ikẹnnyẹ a nọ ukpo nchụn-ẹjan hụ dụn a ọkụn n'o họnrin ẹnwụnrụn, ya lẹ ẹjan w'a dụn ọkụn hụn rị enu nkụn rị ebẹhụ e rẹn, n'ọ wụrụ oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 3:8

O k'e bu ẹka kwasị a isi, nọ ihun Ọdụ-ozuzu gbu ẹ, ụmụ Ẹrọnụ ikẹnnyẹ ndị nchụn-ẹjan a bịa d'e fe ẹdeke ẹ kpu ukpo nchụn-ẹjan ụsụọ ile.

Lẹvitikọsụ 4:31

wepụha ụtọrọ a ile, kẹ wẹ dọn e wepụha ụtọrọ anụ wẹ gi ye oyiye ekele; onyẹ nchụn-ẹjan a nọ ukpo hụ wẹ n'a chụn ẹjan dụn a ọkụn n'o họnrin ẹnwụnrụn, ọ wụrụ ishin ọma hụn a sụọ Osolobuẹ ụsụọ. Ẹnịna kẹ onyẹ nchụn-ẹjan k'a dọn gbarị isi onyẹ hụ, Osolobuẹ a gbagharị a njọ.

Ọgụngụn 18:17

K'a gbarịkwọlẹ ni nwa-ibuzọ efin, atụnrụn mọbụ ewu; wẹ rị nsọ. Gi nị wẹ chụnyeni m ẹjan: Fe ni ẹdeke wẹ ye elu ukpo nchụn-ẹjan, ụnụ a dụn ụtọrọ a ọkụn, n'ọ wụrụ oyiye wẹ gi ọkụn ye, ishin hụn a sụọ Osolobuẹ ụsụọ.