Lẹvitikọsụ 17:10 - Ika

¹⁰ “Onyẹ Izrẹlụ ọwụlẹ mọbụ abịamabịa bi imẹ igunrun wẹ ri ẹdeke ọwụlẹ, m k'e bu ẹnya zinmẹ ẹ, bepụ a imẹ ndị nke ẹ.

Lẹvitikọsụ 17:10 ပူးပေါင်းရင်းမြစ်များ

Jẹnẹsisi 9:4

“Kanị, erikwọlẹ ni anụ lẹ ẹdeke ẹ hụn wụ ndụn a.

Samuẹlụ Nke Ẹbụọ 23:17

Ọ sị, “Ẹlẹ mmẹ! Osolobuẹ! Ẹlẹ ẹdeke ndịnị bu isi wẹ che ọb'ẹka wụ ihiẹnni?” Defidi a jụ n'ọ rakọ a. Ihiẹn ndị nọ ẹrịra kẹ Ndị odogun-agha Ẹtọ ahụn e mẹ.

Ẹbụ-ọma 34:16

kanị o bu a nụmanị ndị e mẹ eje-ihiẹn, kẹn'o fichanpụ ẹfan wẹ enu-ụwa.

Ọpụpụ 30:33

Onyẹ mẹmẹ ihiẹn nọ kẹ ya mọbụ te onyẹ rị ogbe ya, wẹ k'e bepụ a imẹ ndị nke ẹ, ndị Izrẹlụ.’ ”

Jerimaya 21:10

A kwademẹgụọ m nị m jẹnkọ d'e mẹ obodoni eje-ihiẹn, ẹlẹ ihiẹn rị mma — mmẹ wụ Osolobuẹ ku ẹ. M k'e bu obodoni che ẹka eze ndị Babilọnụ, o yi ẹ ọkụn!’

Jerimaya 44:11

“Osolobuẹ ihiẹn ile rị okpuru ẹ, hụn wụ Chuku Izrẹlụ, sị nwan: A kwademẹgụọ m nị m jẹnkọ d'e mẹshi ụnụ ikẹn, tikpọzịkwọ ndị Juda ile.

Izikẹlụ 14:8

“M k'e bu ẹnya zinmẹ onyẹ hụ, gi ẹ họnrin ihiẹn-nghọsị lẹ ihiẹn w'e kuja oku ẹ. M k'e bepụ a imẹ ndị nke m, ụnụ e gi ẹ marịn nị mmẹ wụ Osolobuẹ.

Izikẹlụ 15:7

“M k'e bunụmanị wẹ; ọsụọn'a nị a wanahịngụọ wẹ ọkụn, ọkụn jẹnkọ d'e bu wẹ ri — ogẹn hụ, ụnụ a marịn nị mmẹ wụ Osolobuẹ.

Izikẹlụ 33:25

Sị wẹ nwan nị Osolobuẹ Nwọn Ihiẹn Ile sị, ‘Ụnụ hụ e ri ẹdeke anụ, e fe mmọn, e gbu ịhịan, nanị ụnụ e dọn nwan nwọnrin alị hụ?

Izikẹlụ 44:7

ndị alị ọzọ hụn kwalẹni ugun ẹhụ lẹ obi ụnụ webanhan ụlọ-nsọ m, gi ẹ mẹrụ ebe rị m nsọ ebe ụnụ rị a chụnyeni m ẹjan, ebe ụnụ rị e buye m ihiẹn-oriri m lẹ ụtọrọ lẹ ẹdeke. Ụnụ e tikpọgụọ nkwerigbama m rị ẹgbata mmẹ lẹ ụnụ ghahanị arụ ile ụnụ rị e mẹ.

Lẹvitikọsụ 17:11

Makẹni ndụn ihiẹn ọwụlẹ rị imẹ ẹdeke ẹ; e yegụọ m ụnụ ya nị ụnụ gi ẹ a chụn ẹjan ụnụ gi a gbarị isi elu-ukpo nchụn-ẹjan. Ẹdeke kẹ wẹ gi a gbarị isi ịhịan.

Lẹvitikọsụ 19:26

“Erilẹ ni anụ gbalẹni ẹdeke. “Agbalẹ ni ẹfa; agwọlẹni ọgụn.

Lẹvitikọsụ 26:17

M k'e bu ẹnya zinmẹ ụnụ hụn ndị iṅẹnrẹn ụnụ e gi mẹri ụnụ; ndị rị e we iwe ụnụ k'a kị ụnụ; ụnụ k'a a gbadẹ ọsọ bụ onwọnni onyẹ chụkọnị ụnụ.

Lẹvitikọsụ 3:17

“Dọnmẹsọnmẹ ni iwuni agbọ ile lalanị, ebe ọwụlẹ ụnụ bi. Erikwọlẹ ni ụtọrọ mọbụ ẹdeke kaka.”

Emọsụ 9:4

Ọsụọn'a nị ndị iṅẹnrẹn e mẹri wẹ kpụnshi wẹ alị ọzọ, m k'a sị ọpịa-agha gbu wẹ ebẹhụ; m k'e bu ẹnya zinmẹ wẹ, elekọ m ẹnya hụn m'e gi mẹyeni wẹ, kanị hụn m'e gi mẹshi wẹ ikẹn.”

Ọrụn Ndị-ozi 15:20

Kama, ẹnyi k'e dejẹnni wẹ ẹkụkwọ, sị wẹ hụ erilẹ ihiẹn ọwụlẹ wẹ gi rụa mmọn, makẹni ọ rụ arụ; w'a ghẹrẹlẹ; w'e rilẹ anụ ọwụlẹ wẹ rụkwọn olu; w'e rilẹ ẹdeke.

Ọrụn Ndị-ozi 15:29

erilẹ ni ihiẹn-oriri wẹ gi rụa mmọn lẹzi ẹdeke lẹzi anụ wẹ rụkwọn olu; aghẹrẹlẹ ni. Ụnụ la ihiẹn ndịnị wẹ tọ, o k'a rịnị ụnụ mma. Nọdị nị ọhụnma.”

Ditrọnọmi 12:16

ka erikwọlẹ ni ẹdeke ẹ — hu n'ẹ ye alị rịkẹ mirin.

Ditrọnọmi 12:23

Ka hụnkwọ n'a nị ụnụ erini ẹdeke ẹ, makẹni ẹdeke ẹ wụ ndụn a: erilẹni anụ lẹ ndụn a.

Ditrọnọmi 15:23

Ka erikwọlẹ ẹdeke ẹ: hu ẹ ye alị nọkẹ mirin.

Hibru 10:29

elee ụdị afụnfụn k'i ro nị wẹ k'e ye onyẹ hụn legberi Nwa Osolobuẹ, lelịa ẹdeke nkwerigbama hụ wẹ gi dọn ẹ nsọ, kpasu Mmọn-nsọ wẹ gha mẹn'ẹ ẹfọma iwe?

Samuẹlụ Nke Ibuzọ 14:32

Wẹ nọ gi ẹnya ẹgụn sọn ihiẹn ndị ahụn wẹ nwọnhẹn imẹ agha, werisọnmẹ atụnrụn lẹ efin lẹ ụmụ-efin gbu, ja wẹ tọ alị, rigbama wẹ lẹ ẹdeke.

Samuẹlụ Nke Ibuzọ 14:33

Ya onyẹ ohu nọ sị Sọlụ, “Lee ẹ, ndị-agha ẹnyi rị e mẹkwọ Osolobuẹ njọ-o, wẹ rị e ri anụ lẹ ẹdeke ẹ!” Sọlụ nọ sị, “Mbubu-azụụn kẹ ụnụ rị e bu Osolobuẹ!” Ọ nọ sị “Chọ nị ọmụma hi-ogbe kperehẹ ebeni ozigbo.”