Lẹvitikọsụ 16:22 - Ika

²² Ewu hụ k'e buru njọ wẹ ile shi ebe ịhịan bilẹni; onyẹ hụ dun'ẹ a hatu ẹ ye imẹ atụ ebẹhụ.

Lẹvitikọsụ 16:22 ပူးပေါင်းရင်းမြစ်များ

Ẹbụ-ọma 103:10

Onwọnni ogẹn o gi mẹ ẹnyi ihiẹn hankẹ njọ ẹnyi, mọbụ mẹgwarị ẹnyi kẹ njọ ẹnyi han.

Ẹbụ-ọma 103:12

Kẹ ọwụwa ẹnyanwụn tehan ebe ọdịdan ẹnyanwụn rị, ẹrịra k'o wetehan njọ ẹnyi.

Izikẹlụ 18:22

Njọ hụ ile o mẹ mbụ, onwọnni hụn m k'a nyanhan mọbụ gi ẹ sọn ẹ. O k'a rị ndụn makẹni ọ rị nwan e mẹ ihiẹn furuni.

Izikẹlụ 4:4

“Gi nwan nkọ ẹka-ekpẹn i dinẹ, y'e bu njọ ikpụlọ Izrẹlụ Ẹbamịn-ugu che nkọ hụ; i k'e bu njọ wẹ ọrọgbọ akpọhịn ole hụ i k'e gi nkọ hụ dinẹ.

Lẹvitikọsụ 14:7

o fe ẹ mgbe ẹsa kpu onyẹ hụ wẹ rị e mẹ n'ọ rịzị ọchan yeni eje-emu akpụkpọ-ẹhụ hụn kụn'a, ku ẹ n'ọ rịgụọ ọchan. O mẹgụọ a, ọ hapụ nnụnụ ahụn rị ndụn ye, n'o fepụ.

Lẹvitikọsụ 16:21

O bu ẹka a ẹbụbụọ kwasị ewu hụ rị ndụn isi, kuchanrịn eje-obibi lẹ nnupụ-isi ndị Izrẹlụ, njọ ile wẹ mẹ, bugụ wẹ che ewu hụ isi, o we ewu hụ ye onyẹ wẹ tumẹ k'e dupụn'a, o du ẹ shi imẹ atụ.

Lẹvitikọsụ 16:23

“Ẹrọnụ sikọ nwan d'a kinhẹn Ọdụ-ozuzu d'a gbụpụ ẹkwa onyẹ-isi nchụn-ẹjan ndị hụ o yiri n'o d'a banye Ebẹhụ Kachanrịn-nsọ, ọ la wẹ tọ ebahụn.

Maịka 7:19

O jẹnkọ d'e mẹzi omikẹn ẹnyi; o jẹnkọ d'a zọ njọ ẹnyi ụkụ. O k'a ma njọ ile ndị nke ẹ mẹ ye imẹ-imẹ ohimin.

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Ndị Galeshịa 3:13

Kraịstị gbapụha ẹnyi imẹ abụmọnụ rị imẹ Iwu ghahanị igi ufiri ẹnyi wụrụ onyẹ wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ wẹ hogbu elu osisi a wụrụọlẹ onyẹ wẹ bụ ọnụ.”

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.