Lẹvitikọsụ 16:13 - Ika

¹³ O kpọn nsẹnsi hụ ye imẹ ọkụn hụ rị ihun Osolobuẹ; ẹnwụnrụn nsẹnsi hụ a lọkpumẹ okun hụ wẹ nọ a gbarị isi, okun Ẹkpẹti Ashịa-ẹri, makẹ ọ gha a nwụn.

Lẹvitikọsụ 16:13 ပူးပေါင်းရင်းမြစ်များ

Ọpụpụ 25:21

“Bu okun ahụn che elu ẹkpẹti hụ, y'e bu Ọshẹri hụn m k'e ye i che imẹ ẹkpẹti.

Ọpụpụ 28:43

Ẹrọnụ lẹ ụmụ a ikẹnnyẹ k'e yirịrị a ogẹn ile wẹ sikọ d'a banye Ọdụ-ozuzu mọbụ nọkunmẹ ukpo-nsẹnsị imẹ Ebe Rị Nsọ d'a rụn ọrụn ofufe, makẹ ikpe gha a ma wẹ, a nwụnhụn wẹ. Ẹrọnụ lẹ ụmụ a k'e dọnmẹ iwuni jẹnrin-ejẹn.

Ọpụpụ 30:1

“Gi osisi zeni wụ akashịa mẹmẹ ukpo w'a nọ a mụ nsẹnsi.

Lẹvitikọsụ 22:9

“Ndị nchụn-ẹjan wẹ mẹ ihiẹn ile kẹ m dọn ku ẹ amamgbe w'e mẹ ihiẹn ikpe e gi ma wẹ, a nwụnhụn wẹ makẹni wẹ lelịa oku m. Mmẹ wụ Osolobuẹ hụn e mẹ wẹ a rị nsọ.

Ọgụngụn 16:18

Ya onyẹ-onyẹ nọ werisọnmẹ sẹnsa o k'e gi mụ nsẹnsi, bu ọkụn lẹ nsẹnsi che imẹ ẹ, sọn Mozizi lẹ Ẹrọnụ wuzo ọnụmụzọ Ọdụ-nsọ.

Ọgụngụn 16:46

Mozizi nọ sị Ẹrọnụ, “Weri sẹnsa ị, n'i kpọn nsẹnsi ye imẹ ẹ; nọ ukpo nchụn-ẹjan bụọrị ikeke ọkụn buche imẹ ẹ, y'e buru ẹ gbaban imẹ igunrunni ozigbo d'a gbarị isi wẹ. Osolobuẹ e giọlẹ ọnụma mẹmẹ wẹ ihiẹn; ọnwụn e gbumẹgụọ wẹ.”

Ọgụngụn 16:7

o ru eki ụnụ e bu ọkụn lẹ nsẹnsi cheni Osolobuẹ imẹ wẹ: onyẹ hụn Osolobuẹ sikọ d'a họrị ịya wụ onyẹ hụn rị nsọ. Nke ụnụ ndị Livaị a karị ẹka!”

Ọgụngụn 4:15

“Ẹrọnụ lẹ ụmụ a kpumẹchanrịngụ Ebẹhụ rị nsọ lẹ ihiẹn ile rị imẹ ẹ, nị ndị Izrẹlụ a kwademẹgụ hụn w'e gi buli, ndị Kohatị a bịa nwan d'e buru ihiẹn ndị hụ. Kanị ẹka wẹ a hụarịkọkwọ ihiẹn ndị hụ rị nsọ, kaka, amamgbe w'a nwụn. Ndị Kohatị nwọn e bu ihiẹn ndị hụ ile rị imẹ Ọdụ-nsọ lẹ enwẹn ẹ.

Ọgụngụn 4:20

Kanị ndị Kohatị abanyekọkwọ d'e gi ẹnya hụn ihiẹn ndị hụ rị nsọ, kaka — ọsụọn'a njube-ẹnya ohu, amamgbe w'a nwụn.”

Ditrọnọmi 33:10

Ọ rị nwan a kuzi ebọn Jekọpụ ụzọ ị, a kuzi Izrẹlụ iwu i. Ọ chụnyesọnmẹ n'i ẹjan nsẹnsi, a chụnyen'i ẹjan w'a dụn ọkụn elu ukpo nchụn-ẹjan ị.

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Hibru 9:24

Makẹni, ẹlẹ ebe rị nsọ wẹ gi ẹka rụn hụn wụhụ onyinyọn nke ezigbo ẹ kẹ Kraịstị banye; elu-igwee lẹ enwẹn ẹ k'ọ banye, weri ọnọdị ebe Osolobuẹ rị makẹ ọrịrịmma ẹnyi.