Lẹvitikọsụ 16:12 - Ika

¹² O k'a gha elu ukpo-nsẹnsị rị ihun Osolobuẹ weri mkpu nsẹnsi ikeke ọkụn jun, o weri nsẹnsi e shin ọhụnma wẹ gweriẹn hụn jun ọb'ẹka ẹbụọ, o we wẹ ile ghafe Ẹkwa-mgbọnkin, shi imẹ Ebẹhụ Kachanrịn-nsọ.

Lẹvitikọsụ 16:12 ပူးပေါင်းရင်းမြစ်များ

Ọpụpụ 31:11

kẹ udẹn-nsọ kẹ nsẹnsị-nsọ hụ e shin ọhụnma wẹ k'e buche Ebe rị Nsọ. Wẹ mẹmẹchanrịn wẹ kẹ m dọn gwa ị.”

Ọpụpụ 37:29

Wẹ nọ mẹmẹ udẹn-nsọ ntumẹ hụ lẹ nsẹnsi hụ e shin ọhụnma; ndị e mẹmẹ udẹn e shin ọhụnma mẹmẹ wẹ.

Lẹvitikọsụ 10:1

Ụmụ Ẹrọnụ ikẹnnyẹ ẹbụọ wụ Nadabụ lẹ Abihu werisọnmẹ mkpu wẹ gi a mụ nsẹnsi, bu ọkụn che ẹ, kpọn nsẹnsi che ẹ; ya wẹ nọ mụyeni Osolobuẹ ọkụn ọ gwalẹni wẹ mụye.

Ọgụngụn 16:18

Ya onyẹ-onyẹ nọ werisọnmẹ sẹnsa o k'e gi mụ nsẹnsi, bu ọkụn lẹ nsẹnsi che imẹ ẹ, sọn Mozizi lẹ Ẹrọnụ wuzo ọnụmụzọ Ọdụ-nsọ.

Ọgụngụn 16:46

Mozizi nọ sị Ẹrọnụ, “Weri sẹnsa ị, n'i kpọn nsẹnsi ye imẹ ẹ; nọ ukpo nchụn-ẹjan bụọrị ikeke ọkụn buche imẹ ẹ, y'e buru ẹ gbaban imẹ igunrunni ozigbo d'a gbarị isi wẹ. Osolobuẹ e giọlẹ ọnụma mẹmẹ wẹ ihiẹn; ọnwụn e gbumẹgụọ wẹ.”

Ditrọnọmi 33:10

Ọ rị nwan a kuzi ebọn Jekọpụ ụzọ ị, a kuzi Izrẹlụ iwu i. Ọ chụnyesọnmẹ n'i ẹjan nsẹnsi, a chụnyen'i ẹjan w'a dụn ọkụn elu ukpo nchụn-ẹjan ị.

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Hibru 9:7

kanị, onyẹ-isi nchụn-ẹjan sụọ a banye mmughẹ nke ẹbụọ, mgbe ohu ahụa. Ọ banyekọnị, o k'e girịrị ẹdeke o gi chụnye ẹjan njọ a lẹ njọ ndị Izrẹlụ kpachanpụlẹni ẹnya mẹ.

Jọnụ Ibuzọ 1:7

Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.

Rẹvẹleshọnụ 8:5

Ya kẹ mmọn-ozi hụ nọ weri sẹnsa hụ o gi rị a dụn nsẹnsi ọkụn, weri ọkụn ukpo nchụn-ẹjan hujun ẹ, tụ a ye elu-ụwa. Ya kẹ akpara nọ han, igwere e dẹn, amụma e be, alị e zinzin.