Lẹvitikọsụ 14:14 - Ika

¹⁴ Onyẹ nchụn-ẹjan hụ sikọ d'e weriberi ẹdeke anụ hụ wẹ gi chụn ẹjan onyẹ ikpe ma, deye ibe alị ntịn ẹka-nni onyẹ hụ wẹ rị e mẹ n'ọ rịzị ọchan, deyezi ẹ eze-ẹka ẹka-nni ẹ lẹ eze mkpịnsịn-ụkụ ẹka-nni ẹ.

Lẹvitikọsụ 14:14 ပူးပေါင်းရင်းမြစ်များ

Ọpụpụ 29:20

Y'e gbu ẹ, weri ẹdeke ẹ te Ẹrọnụ lẹ ụmụ a ikẹnnyẹ ibe alị ntịn ẹka-ihiẹn lẹ eze-ẹka ẹka-ihiẹn lẹ eze-ụkụ ẹka-ihiẹn. Y'e fe ẹdeke ye ụsụọ ukpo nchụn-ẹjan hụ ile.

Azaya 1:5

Kị wẹ k'e gbumẹzini ụnụ ili? Kị ụnụ tọnị e nupụ isi? A rụgụọ wẹ ụnụ ẹhụ isi ile, onwọnzini akpụ obi ohu ndụn rị.

Lẹvitikọsụ 14:19

“Onyẹ nchụn-ẹjan hụ a bịa d'a chụn ẹjan-njọ hụ, gbarị isi onyẹ hụ wẹ rị e mẹ n'ọ rịzị ọchan yeni ihiẹn hụ mẹrụn'a. O mẹgụ ọhụn, o gbu anụ ẹjan w'a dụn ọkụn,

Lẹvitikọsụ 14:25

O k'e gbu ebulu ẹjan onyẹ ikpe ma, weriberi ẹdeke ẹ deye ibe alị ntịn ẹka-nni onyẹ hụ wẹ rị e mẹ n'ọ rịzị ọchan, deyezi ẹ eze mkpịnsịn-ẹka ẹka-nni ẹ lẹ eze mkpịnsịn-ụkụ ẹka-nni ẹ.

Ndị Rom 12:1

Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ndị Rom 6:13

ewelẹ ni mkpamkpa ẹhụ ụnụ ye njọ gi họnrin ihiẹn-ọrụn o gi e mẹ eje-ihiẹn. Ka wechanrịn nị enwẹn ụnụ ye Osolobuẹ nọkẹ ndị wẹ ghagụ ọnwụn weli hụn rị ndụn; ụnụ e wechanrịn mkpamkpa ẹhụ ụnụ ile ye Osolobuẹ n'o gi họnrin ihiẹn-ọrụn ezi-omumẹ.

Ndị Rom 6:19

(M rị e ku ẹ hụ kẹ ịhịan e ku kẹni ọ nị ụnụ ghọha.) Kẹ ụnụ te dọn we mkpamkpa ẹhụ ụnụ ye ihiẹn-ụrụ lẹ eje-obibi nọkẹ igbọn — hụn ụnụ gi rị e bi eje-obibi, e biwaye, gizi ni nwan ẹrịra we mkpamkpa ẹhụ ụnụ ye ezi-omumẹ, kẹni ụnụ rị nsọ.

Ndị Kọrẹntị Ibuzọ 6:20

Wẹ ṅọn ụnụ e ṅọn; e gi ni nwan ẹhụ ụnụ e ye Osolobuẹ ọghọ.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Ditrọnọmi 24:8

Emu akpụkpọ-ẹhụ gha a kụ ịhịan, dọnrin ni ẹnya mẹchanrịn kẹ ndị Livaị ndị nchụn-ẹjan dọn gwa ụnụ. Ụnụ k'e dọnrin ẹnya mẹrịrị ihiẹn ndịnị m gwa wẹ mẹ.

Ndị Filipi 1:20

M nwọn olilẹnya ọda-ọda nị egikọ m egun mẹ ihiẹn ifẹnrẹn e gi mẹ m; kama, nị m k'e kuzi oku Kraịstị kikẹnni, kushi ẹ ikẹn kẹ m dọn e ku ẹ mbụ, gi ẹhụ m buli Kraịstị elu, omẹni ịrịn'a ndụn rọ, omẹni ịnwụnn'a ọnwụn rọ.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.