Lẹvitikọsụ 11:44 - Ika

⁴⁴ Mmẹ wụ Osolobuẹ hụn wụ Chuku ụnụ; dọnmẹ ni nwan enwẹn ụnụ ichẹn, a rị nị nsọ, makẹni m rị nsọ. Egikwọlẹ ni ihiẹn ọwụlẹ a rịhunmẹ alị mẹrụ enwẹn ụnụ.

Lẹvitikọsụ 11:44 ပူးပေါင်းရင်းမြစ်များ

Ẹbụ-ọma 99:5

Bushi ni Osolobuẹ wụ Chuku ẹnyi elu; kụ nị isi alị ebe ọ tụkwasị ụkụ! Onyẹ rị nsọ k'ọ wụ!

Ẹbụ-ọma 99:9

Bushi ni Osolobuẹ wụ Chuku ẹnyi elu; fe n'ẹ ofufe elu Ugu nsọ a makẹni Osolobuẹ wụ Chuku ẹnyi rị nsọ.

Ọpụpụ 16:12

“A nụgụọ m kẹ ndị Izrẹlụ rị e dẹnnwịnwịn. Sị wẹ, ‘Ọhị gbama ṅẹnrẹn-ṅẹnrẹn, ụnụ k'e ri anụ; o ru ụtụntụn, ụnụ k'e ri brẹdi, rijun ẹfọ. Ogẹn ahụn kẹ ụnụ e gi marịn nị m wụ Osolobuẹ, Chuku ụnụ.’ ”

Ọpụpụ 19:10

Osolobuẹ nọ sị Mozizi, “D'e kunrun wẹ, n'ị dọn wẹ nsọ tannị lẹ eki. Sị wẹ sụ ẹkwa wẹ,

Ọpụpụ 19:6

Ụnụ a wụrụnị m alị-eze ndị nchụn-ẹjan lẹ alị rị nsọ.’ Ya k'i k'a gwa ndị Izrẹlụ.”

Ọpụpụ 20:2

“Mmẹ wụ Osolobuẹ, Chuku ụnụ, hụn wepụha ụnụ imẹ alị Ijiptu, alị ụnụ nọ wụ igbọn.

Ọpụpụ 22:30

Ẹrịra k'i k'e mẹzikwọ efin i lẹ atụnrụn ị. Hatu wẹ nị wẹ sọn nnẹ wẹ nọdị akpọhịn ẹsa, kanị hụn mẹ ẹ akpọhịn ẹsatọ y'e wẹhẹni m wẹ.

Ọpụpụ 22:31

“Ụnụ k'a wụrịrị ndị nke m hụn rị nsọ. Erikwọlẹ ni anụ anụ-ọfịa gbu; tụn'a yeni nkitẹ.

Ọpụpụ 23:25

Fe ni Osolobuẹ wụ Chuku ụnụ, nị ngọzi ẹ hụn ụzọ rị imẹ ihiẹn-oriri lẹ mirin ụnụ. M k'e wepụ emu imẹ igunrun ụnụ,

Ọpụpụ 6:7

M k'e weri ụnụ che ẹhụ m nọkẹ ndị nke m, e mẹ m ụnụ kẹ Chuku ụnụ. Ogẹn hụ, ụnụ a marịn nị mmẹ wụ Osolobuẹ, Chuku ụnụ, hụn tọpụ ẹgbụn ndị Ijiptu kẹn ụnụ.

Azaya 43:3

makẹni mmẹ wụ Osolobuẹ, hụn wụ Chuku ụnụ, Onyẹ-nsọ Izrẹlụ, Onyẹ Azụọpụhanị ụnụ; mmẹ gi Ijiptu gbarị isi ụnụ, gizikwọ Ẹtiopịa lẹ Sẹba gbarị ụnụ.

Azaya 51:15

Makẹni mmẹ wụ Osolobuẹ, Chuku ụnụ, hụn e mẹhunmẹ ohimin hụn mirin ẹ gi a tụhunmẹ; Osolobuẹ ihiẹn ile rị okpuru ẹ wụ ẹfan a.

Lẹvitikọsụ 10:3

Mozizi nọ sị Ẹrọnụ, “Ọnwan wụ ihiẹn ahụn Osolobuẹ ku ogẹn o gi sị; ‘M k'e gi ndị a nọkunmẹni m ghọsị nị m rị nsọ; m k'a hụn a nị ịhịan ile e ye m ọghọ m.’ ” Ẹrọnụ ekuni oku.

Lẹvitikọsụ 11:43

Egikwọlẹ ni hụn ọwụlẹ imẹ anụ ndịnị mẹrụ enwẹn ụnụ. Egilẹ ni wẹ mẹrụ enwẹn ụnụ; anịlẹ ni wẹ gi wẹ mẹrụ ụnụ.

Lẹvitikọsụ 18:2

“Gwa ndị Izrẹlụ oku, sị wẹ: Mmẹ wụ Osolobuẹ hụn wụ Chuku ụnụ.

Lẹvitikọsụ 19:10

Aghọgụlẹ ni vaịnị ụnụ ghọdọnzi mọbụ tụtụ ogbe grepu dannị. La nị wẹ tọnị ndị igbẹnnyẹ lẹ abịamabịa. Mmẹ wụ Osolobuẹ, Chuku ụnụ.

Lẹvitikọsụ 19:2

“Gwa ndị Izrẹlụ ile oku, sị wẹ: Rị nị nsọ makẹni mmẹ Osolobuẹ hụn wụ Chuku ụnụ, m rị nsọ.

Lẹvitikọsụ 19:3

“Onyẹ-onyẹ imẹ ụnụ k'a gbayerịrị nnẹ ẹ lẹ nẹdi ẹ. Ụnụ k'e girịrị ụhụọhịn Ezumikẹn ndị hụ m kayesọnmẹ zu ikẹn. Mmẹ wụ Osolobuẹ hụn wụ Chuku ụnụ.

Lẹvitikọsụ 19:4

Egbehutọkwọlẹ ni femẹ mmọn mọbụ gi igwe kpụrụ mmọn. Mmẹ wụ Osolobuẹ hụn wụ Chuku ụnụ.

Lẹvitikọsụ 20:26

Ọnụ k'a rịnị m nsọ, makẹni mmẹ hụn wụ Osolobuẹ, m rị nsọ, m họpụhazịkwọ ụnụ imẹ alị ndị ọzọ ile nị ụnụ wụrụ nke m.

Lẹvitikọsụ 20:7

“E dọnmẹ ni enwẹn ụnụ ichẹn, a rị nị nsọ; makẹni mmẹ wụ Osolobuẹ, Chuku ụnụ.

Lẹvitikọsụ 21:8

Weri ni wẹ kẹ ndị rị nsọ, makẹni uwẹ nwọn e bu ihiẹn-oriri Chuku ụnụ e ye ẹ. Weri ni wẹ kẹ ndị rị nsọ, makẹni Mmẹ hụn wụ Osolobuẹ, m rị nsọ — mmẹ hụn mẹ ụnụ a rị nsọ.

Emọsụ 3:3

Nị madụ ẹbụọ sa ẹka jẹngbama ijẹn bụ ekutọnị wẹ ebe wẹ jẹnkọ?

Ọgụngụn 15:40

Kẹni ụnụ a nyanhan e mẹ ihiẹn ndị m sị ụnụ e mẹ, bu enwẹn ụnụ tọnị Osolobuẹ ụnụ.

Matiu 5:48

Zu ni nwan oke kẹ Nẹdi ụnụ hụn rị elu-igwee dọn zu oke.

Ditrọnọmi 14:2

makẹni ụnụ wụ ndị Osolobuẹ wụ Chuku ụnụ họpụha, dọn ụnụ nsọ. Imẹ alị ile rị ichẹn-ichẹn rị elu-ụwa, Osolobuẹ a họrịgụọ ụnụ nị ụnụ wụrụ ndị nke ẹ pụ-ichẹn.

Ndị Tẹsalonika Ibuzọ 4:7

Makẹni, ẹlẹ obibi ru unyin kẹ Osolobuẹ kpọ ẹnyi d'e bi, kanị obibi rị ọchan.

Joshụa 24:19

Kanị Joshụa nọ sị wẹ, “Ụnụ asakọ ẹka fe Osolobuẹ, n'ọ wụkwọ Chuku rị nsọ; Chuku ẹnya a fụ ụfụ k'ọ wụ; ọ gbagharịkọkwọ ụnụ nnupụ-isi lẹ njọ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Rẹvẹleshọnụ 22:11

Onyẹ e mẹ njọ ya mẹsọnmẹ; onyẹ e bi eje-obibi ya bisọnmẹ; onyẹ ezi-omumẹ ya mẹsọnmẹ; onyẹ rị nsọ ya rịsọnmẹ.”

Samuẹlụ Nke Ibuzọ 2:2

Onwọnni onyẹ rị nsọ nọkẹ Osolobuẹ! Onwọnni onyẹ ọzọ rịnị mmanị yụ; onwọnni ọmụma nọ kẹ Chuku ẹnyi.

Samuẹlụ Nke Ibuzọ 6:20

Ya ndị Bẹt-Shẹmẹshi nọ sị, “Onyẹ jẹnkọ d'a s'ẹka turu ihun Osolobuẹ, Chukuni rị nsọ? Onyẹ kẹ ẹnyi e bu nwan Ẹkpẹtini jẹnni n'ọ gha ẹnyi ẹka pụ?”