Lẹvitikọsụ 10:6 - Ika

⁶ Mozizi nọ sị Ẹrọnụ lẹ ụmụ Ẹrọnụ wụ Ẹliẹza lẹ Itama, “Ahapụkwọlẹ ni isi ụnụ ya-ya-ya nị ụnụ rị a kwan ndị hụ Osolobuẹ gi ọkụn dụngbu mọbụ dọka ẹkwa ụnụ, amamgbe ụnụ a nwụnhụn, ize ndị Izrẹlụ ile a ban Osolobuẹ. Kanị, umunẹ ụnụ, ikpụnọ Izrẹlụ ile, nwọn ikẹn kwan ndị hụ Osolobuẹ gi ọkụn dụngbu.

Lẹvitikọsụ 10:6 ပူးပေါင်းရင်းမြစ်များ

Samuẹlụ Nke Ẹbụọ 24:1

O nwọn ogẹn Osolobuẹ gi weni ndị Izrẹlụ iwe, ọ nọ nu Defidi n'o mẹ wẹ ihiẹn; ọ sị “Jẹn d'a gụn ndị Izrẹlụ lẹ ndị Juda.”

Ẹzra 7:5

nwa Abishụa nwa Finẹhasị nwa Ẹliẹza. Ẹliẹza wụ nwa Ẹrọnụ onyẹ-isi nchụn-ẹjan ibuzọ.

Ọpụpụ 33:5

makẹni Osolobuẹ a gwagụọ Mozizi, “Sị ndị Izrẹlụ, ‘Ndị isi-ikẹn kẹ ụnụ wụ. M ma-ama sọnjẹn ụnụ, o ru ẹ e gbupụ m ụnụ. Gbụpụchanrịngụdẹ ni ihiẹn-mma ụnụ yi, nị m marịn ihiẹn m k'e mẹ ọnụ.’ ”

Ọpụpụ 6:23

Ẹrọnụ lụ Ẹlishẹba nwa Aminadabụ; Ẹlishẹba-nị wụ nwẹnẹ Nashọnụ. Ọ nọ mụnị Ẹrọnụ Nadabụ lẹ Abihu lẹ Ẹliẹza lẹ Itama.

Jerimaya 7:29

“Kpụnpụ nwan ntutu i tuhu, Juda, y'a nọdị elu-òke w'a nọ legha ị kwanma ụya, makẹni Osolobuẹ a jụgụọ agbọnị ọ rị e buni ọnụma.

Lẹvitikọsụ 13:45

“Onyẹ bu eje-emu akpụkpọ-ẹhụ k'e yirirịrị nkanka ẹkwa, na isi ẹ tọ ya-ya-ya, kpumẹ ihun — gha imi lụa alị, e yi ‘Onyẹ rụnị rọ! Onyẹ rụnị rọ!’

Maịka 1:16

Kọ nị nwan ntutu, kwanma makẹ ụmụ ụnụ hụn ụnụ e mẹni nwa; kpụnchanpụ nị ntutu nọkẹ udele makẹni wẹ lala d'a dọkpụnrụn ụmụ ụnụ we wẹ shi alị ọzọ!

Ọgụngụn 1:53

Kanị ndị Livaị k'e zumẹsọnmẹ ọdụ nke wẹ ghahunmẹ Ọdụ Ashịa-ẹri amamgbe ọnụma Osolobuẹ e kunrun ndị Izrẹlụ. Ndị Livaị nwọn e lepụ Ọdụ Ashịa-ẹri ẹnya.”

Ọgụngụn 14:6

Joshụa nwa Nọnụ lẹ Kalẹbụ nwa Jefunẹ, ndị rị imẹ ndị ahụn jẹn d'e lele alị ahụn, nọ dọka ẹkwa ye enwẹn wẹ olu gi ghọsị nị ihiẹn rị e mẹni a jọka,

Ọgụngụn 16:22

Kanị Mozizi lẹ Ẹrọnụ nọ tụha enwẹn wẹ alị bu ihun kpumẹ alị, kwanma ẹkwan, sị, “Euu Osolobuẹ, Chuku hụn gi ndụn ịhịan ile, n'i busọn ịhịan ile olulu bụ onyẹ ohu sụọ mẹ njọ?”

Ọgụngụn 18:5

“Ụnụ nwọn e lepụ Ọdụ-nsọ lẹ ukpo nchụn-ẹjan ẹnya, makẹ m ghazị e gi ọnụma e sọn ndị Izrẹlụ.

Ọgụngụn 20:25

Kpọ Ẹrọnụ lẹ Ẹliẹza nwa a, y'e we wẹ shi elu Ugu Họ.

Ọgụngụn 5:18

O mẹgụ okpoho hụ e wuzo ihun Osolobuẹ, ọ tọpụ a ihiẹn o gi fụma isi, bu oyiye hụ w'e gi a nyanhan njọ ịhịan, oyiye-ọka ẹnya-ụfụ hụ, che ẹ ẹka, ya nwẹn wụ onyẹ nchụn-ẹjan e kwọndọn mirin hụ hụn e buhẹ ọnụ-ẹsọn.

Ditrọnọmi 33:9

Ọ nọ ku oku nẹdi ẹ lẹ nnẹ ẹ, sị, ‘Etukọ m wẹ.’ O tukwọnị umunẹ ẹ, o ledẹni ụmụ a ẹnya ihun; kama e kwọnkẹnmẹ wẹ oku-ọnụ ị, e chemẹ wẹ Iwu i, nkwerigbama ị.

Joshụa 22:18

ụnụ a gbakitọmazị nwan Osolobuẹ azụụn? Ụnụ nupụ nị Osolobuẹ isi tannị, o ru ekile o gi iwe sọn Izrẹlụ ile.

Joshụa 22:20

Ogẹn hụ Ekanị nwa Zẹra gi latọ ihiẹn Osolobuẹ ku, weri ihiẹn wẹ gichanrịn kwanị Osolobuẹ, ẹlẹ ọnụma lẹ afụnfụn kẹ Osolobuẹ gi sọn Izrẹlụ ile? Ndị ọzọ e gizighọ ufiri njọ a nwụn.’ ”

Joshụa 7:1

Kanị ndị Izrẹlụ gi ẹka-ẹbụọ sọn ihiẹn ndị ahụn wẹ gi kwanị Osolobuẹ wẹ sị wẹ ewelẹ; Ekanị nwa Kami nwa Zimri nwa Zẹra, onyẹ ebọn Juda, gha imẹ ihiẹn ndị ahụn wẹ gi kwanị Osolobuẹ weri, Osolobuẹ nọ gi olulu mẹ ndị Izrẹlụ ihiẹn.

Joshụa 7:11

Izrẹlụ e mẹgụọ njọ; e tikpọlẹ wẹ Iwu m gi kwọngbama mmẹ lẹ wẹ. E buchegụọ wẹ ẹka ihiẹn ndị ahụn wẹ gi kwanị m weri; e zunọlẹ wẹ ohin; a tụọlẹ wẹ ntụ; e bugụọ wẹ ihiẹn ndị ahụn che imẹ ihiẹn wẹ.