Lẹvitikọsụ 10:15 - Ika

¹⁵ Wẹ k'e weri ọrụ a wẹ gi a kwadọn ọrụn Osolobuẹ imẹ ẹjan wẹ gi ọkụn ye lẹ ẹran a hụ wẹ finfin lẹ ụtọrọ a, finfin ihun Osolobuẹ, n'ọ wụrụ ẹjan wẹ finfin, ọ wụrụ nke yụ lẹ ụmụ ị; hụn e ru ụnụ ẹka rọ jẹnrin ejẹn, kẹ Osolobuẹ dọn ku.”

Lẹvitikọsụ 10:15 ပူးပေါင်းရင်းမြစ်များ

Lẹvitikọsụ 7:34

Imẹ anụ ndị Izrẹlụ gi chụn ẹjan-ekele, e werigụọ m ẹran a hụ w'e finfinghọsị m lẹ ọrụ a hụ wẹ gi a kwadọn ọrụn m, e wegụọ m wẹ ye Ẹrọnụ onyẹ nchụn-ẹjan lẹ ụmụ a, n'ọ wụrụ ihiẹn k'a gha e ru wẹ ẹka.’ ”

Jẹnẹsisi 17:17

Ebraham nọ tụha enwẹn ẹ ye alị, bu ihun kpumẹ alị, mụ ẹmụ, sị enwẹn ẹ, “Nị okẹnnyẹ rị nwa ahụa ọgụn-isẹn saẹka mụ nwa? Nị Sẹra hụn rị nwa ahụa iri kwasị ọgụn-ẹnọ saẹka mụ nwa?”

Jẹnẹsisi 17:13

Ẹghẹẹ, kẹ igbọn wẹ nọ iwe i mụ kẹ igbọn i gi egho ṅọnrin k'a kwarịrị ugun. Ẹrịra kẹ ụnụ k'e bu ahịma nkwerigbama m ẹhụ ụnụ jẹnrin ejẹn.

Jẹnẹsisi 17:8

M sikọ d'e ye yụ lẹ mmụ ị alịnị ị wụ nwan abịamabịa; ebe ile alị Kenaanị gha k'a wụrụ nke ụnụ jẹnrin ejẹn. Mmẹ k'a wụrụ Chuku ụmụ ị.”

Jẹnẹsisi 13:15

M k'e we alịnị ile ị rị e legha ye yụ lẹ mmụ ị werichanrịn.

Ọpụpụ 29:27

“Imẹ anụ ebulu hụ wẹ gi tumẹ wẹ, wepụha ẹrannị i finfinghọsị Osolobuẹ lẹ ọrụ-ụkụ a hụ wẹ weshin'ẹ elu n'ọ wụrụ ihiẹn rị nsọ imẹ ihiẹn wụ nke Ẹrọnụ lẹ ụmụ a ikẹnnyẹ.

Lẹvitikọsụ 3:17

“Dọnmẹsọnmẹ ni iwuni agbọ ile lalanị, ebe ọwụlẹ ụnụ bi. Erikwọlẹ ni ụtọrọ mọbụ ẹdeke kaka.”

Ọgụngụn 5:9

Oyiye ile rị nsọ ẹnịna hụn ndị Izrẹlụ e wẹhẹni onyẹ nchụn-ẹjan wụ nke onyẹ nchụn-ẹjan hụ.

Ọpụpụ 29:28

Ndị Izrẹlụ k'a gha e ye Ẹrọnụ lẹ ụmụ a ikẹnnyẹ ihiẹnni jẹnrin ejẹn. Ya wụrụnị ndị Izrẹlụ hụn w'e gi a kwadọn ọrụn Osolobuẹ imẹ ẹjan-ekele ọwụlẹ wẹ ye Osolobuẹ.

Lẹvitikọsụ 2:3

Oyiye-ọka ahụn họdụnị wụ nke Ẹrọnụ lẹ ụmụ a ikẹnnyẹ. Ẹjan rịkẹnmẹkẹ nsọ k'ọ wụ imẹ ẹjan ndị hụ w'e gi ọkụn a chụnyeni Osolobuẹ.