Lẹvitikọsụ 1:9 - Ika

⁹ Hụn wẹhẹ anụ e gi mirin chanchan ụkụ anụ hụ lẹ ihiẹn rị imẹ ẹfọ a, onyẹ nchụn-ẹjan a nọ ukpo nchụn-ẹjan dụnkwama anụ ahụn ile ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ ụsụọ.

Lẹvitikọsụ 1:9 ပူးပေါင်းရင်းမြစ်များ

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Ihiẹn Mẹni Nke Ibuzọ 6:34

nwa Ẹl'kana nwa Jẹroham nwa Ẹliẹlụ nwa Tụa

Ihiẹn Mẹni Nke Ẹbụọ 4:6

O mẹmẹ afẹrẹ iri wẹ gi a chanchan ihiẹn, bu isẹn che nkọ ẹbamịn ndịdan-mirin, buzi isẹn che ẹbamịn-ugu. Imẹ wẹ kẹ wẹ nọ a ṅanchan ihiẹn ndị wẹ gi a chụn ẹjan w'a dụn ọkụn, kanị Tankị uku hụ wụ Ohimin kẹ ndị nchụn-ẹjan gi a chanchan ẹhụ.

Ẹbụ-ọma 51:6

Ẹghẹẹ, ezioku gha akpak'alị obi pụha kẹ ị chọ; y'e mẹ m amarịn ihiẹn rị mma imẹ obi m.

Ẹbụ-ọma 66:15

M k'e gi anụ m kachanrịn mma chụnyen'i ẹjan w'a dụn ọkụn, e gi m ebulu chụnyen'i ẹjan w'a dụn ọkụn, ẹnwụnrụn a alọshin'i elu, e gizi m okẹn-efin lẹ ewu chụnyen'i ẹjan. Sẹla

Ọpụpụ 12:9

Erikwọlẹ n'a ndụn mọbụ shi ẹ eshi, ka hụnma n'a: buru n'ẹ ẹrịra dọye ọkụn hụnma — ya lẹ isi ẹ lẹ ụkụ a lẹ ihiẹn ile rị imẹ ẹ.

Ọpụpụ 29:18

Ya kpọchanrịn nwan ebulu hụ ọkụn elu ukpo nchụn-ẹjan. Ẹjan wẹ kpọnị Osolobuẹ ọkụn rọ hụn ishin ẹ a sụọ Osolobuẹ ụsụọ, oyiye wẹ gi ọkụn ye Osolobuẹ.

Ọpụpụ 29:25

Y'a gha ubẹka wẹ werizi wẹ d'a dụn wẹ lẹ ẹjan ahụn wẹ sikọ d'a dụ ọkụn ọkụn, gi ẹ họnrin ishin k'a sụọ Osolobuẹ, oyiye wẹ gi ọkụn ye Osolobuẹ.

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Izikẹlụ 20:41

M k'a nabanhan ụnụ nọkẹ nsẹnsi e kun fuẹin ogẹn m'e gi wepụha ụnụ imẹ ndị alị ichẹn-ichẹn lẹ alị ichẹn-ichẹn wẹ feyesọnmẹ nwan ụnụ, a nọ m idẹnya ndị alị ichẹn-ichẹn ghọsị ụnụ nị m rị nsọ.

Izikẹlụ 40:38

Mmughẹ w'a nọ a chanchan ẹjan w'a dụn ọkụn rịsọnmẹ ọnụ-mgbọn ndịnị shi ezi-ọgwa rị imẹ-imẹ. Ọnụmụzọ wẹ rị ẹtu-ụlọ ọnụ-mgbọn ndịnị.

Lẹvitikọsụ 1:13

Hụn wẹhẹn'ẹ e gi mirin chanchan ihiẹn ile rị imẹ ẹfọ anụ hụ lẹ ụkụ a, onyẹ nchụn-ẹjan e wẹhẹ wẹ ile d'a dụn ọkụn elu ukpo nchụn-ẹjan hụ. Oyiye wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:17

Ọ dọdọn ẹ ẹka-nku, dọwa a, kanị ọ dọwapụchanrịnkọ a, onyẹ nchụn-ẹjan a nọ elu nkụn hụ rị ukpo nchụn-ẹjan dụn a ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 2:16

Onyẹ nchụn-ẹjan k'e weri hụn o k'e gi nọkin ẹnya oyiye ọka-mirin ahụn wẹ sụkpọ lẹ ofigbọn-olivu, o werizi nsẹnsi ahụn ile, ọ mụ wẹ ile ọkụn nị wẹ họnrin ẹnwụnrụn, wụrụ oyiye wẹ gi ọkụn ye Osolobuẹ.

Lẹvitikọsụ 2:2

bu ẹ jẹnni ụmụ Ẹrọnụ ikẹnnyẹ, ndị nchụn-ẹjan. Onyẹ nchụn-ẹjan k'a nọ ọka ahụn wẹ gwe lẹ ofugbọn-olivu rịn'a bụọrị ọb'ẹka ohu, o werizi nsẹnsi hụ ile, o gi hụn ọ bụọrị lẹ nsẹnsi nọkin ẹnya ẹjan hụ ile, nọ elu ukpo nchụn-ẹjan dụn wẹ ọkụn — oyiye wẹ gi ọkụn ye rọ, hụn ishin ẹ a sụọ Osolobuẹ.

Lẹvitikọsụ 2:9

Onyẹ nchụn-ẹjan hụ k'a gha imẹ oyiye ahụn weri hụn o gi nọkin ẹnya wẹ ile d'a dụn ọkụn elu ukpo nchụn-ẹjan ahụn n'o họnrin ẹnwụnrụn, n'ọ wụrụ oyiye we gi ọkụn ye, hụn ishin ẹ a sụọ Osolobuẹ.

Lẹvitikọsụ 3:11

Onyẹ nchụn-ẹjan k'a nọ ukpo nchụn-ẹjan dụn wẹ ọkụn nị wẹ họnrin ẹnwụnrụn, wụrụ ihiẹn-oriri, oyiye wẹ gi ọkụn ye Osolobuẹ.

Lẹvitikọsụ 3:5

ụmụ Ẹrọnụ ikẹnnyẹ a nọ ukpo nchụn-ẹjan hụ dụn a ọkụn n'o họnrin ẹnwụnrụn, ya lẹ ẹjan w'a dụn ọkụn hụn rị enu nkụn rị ebẹhụ e rẹn, n'ọ wụrụ oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 4:31

wepụha ụtọrọ a ile, kẹ wẹ dọn e wepụha ụtọrọ anụ wẹ gi ye oyiye ekele; onyẹ nchụn-ẹjan a nọ ukpo hụ wẹ n'a chụn ẹjan dụn a ọkụn n'o họnrin ẹnwụnrụn, ọ wụrụ ishin ọma hụn a sụọ Osolobuẹ ụsụọ. Ẹnịna kẹ onyẹ nchụn-ẹjan k'a dọn gbarị isi onyẹ hụ, Osolobuẹ a gbagharị a njọ.

Lẹvitikọsụ 6:14

“Lee ni iwu oyiye-ọka: o ru, ụmụ Ẹrọnụ ikẹnnyẹ e wẹhẹ ọka ahụn wẹ gi chụn ẹjan ihun Osolobuẹ, ihun ukpo nchụn-ẹjan.

Lẹvitikọsụ 8:21

Ọ nọ gi mirin chanchan ihiẹn ndị rị imẹ ẹ lẹ ụkụ a, nọ elu ukpo nchụn-ẹjan hụ dụnpụ ebulu ahụn ile ọkụn, o họnrin ẹnwụnrụn, ẹjan wẹ dụn ọkụn hụn e shin ọhụnma, ẹjan wẹ gi ọkụn chụnyeni Osolobuẹ. Ẹrịra kẹ Osolobuẹ gwa Mozizi ya mẹ ẹ.

Lẹvitikọsụ 8:28

Mozizi nọ narịn wẹ ya, nọ elu ukpo wẹ n'a dụn ẹjan ọkụn dụn wẹ ọkụn, gi wẹ họnrin ẹnwụnrụn, n'ọ wụrụ ẹjan-ntumẹ, ishin hụn a sụọ ụsụọ, ẹjan wẹ gi ọkụn ye Osolobuẹ.

Lẹvitikọsụ 9:14

Ọ chanchan ihiẹn ndị rị ẹfọ anụ hụ, chanchan ụkụ a; o buzi wẹ nwẹn dụn ọkụn elu ukpo nchụn-ẹjan nọkẹ ndịnẹi.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Ọgụngụn 15:3

omẹni ụnụ rị e ye Osolobuẹ ẹjan wẹ gi ọkụn e ye ẹ nị ishin ẹ sụọ a, ọsụọn'a efin mọbụ atụnrụn mọbụ ewu rọ, ọsụọn'a ẹjan w'a dụn ọkụn mọbụ ẹjan ọzọ rọ; kẹ hụn ụnụ gi e mẹzu nkwa pụ-ichẹn ụnụ kwe Osolobuẹ kẹ oyiye ghapụha ịhịan obi rọ kẹ oyiye ụnụ gi e mẹ mmẹmmẹ ahụa-ahụa ndị ụnụ gi e fe m rọ — hụn ọwụlẹ ọ wụ,

Ọgụngụn 28:11

“O ru ụhụọhịn ibuzọ imẹ ifọn ọwụlẹ, ụnụ e gi okoro-efin ẹbụọ lẹ ebulu ohu lẹ ụmụ-ebulu ẹsa rịsọnmẹ ahụa ohu-ohu chụnyeni Osolobuẹ ẹjan w'a dụn ọkụn. Ẹhụ wẹ ile sikọ d'e zuchanrịn oke.

Ọgụngụn 28:7

Oyiye-manya e sọnn'ẹ k'a wụ manya wẹ bama hụn k'e jun mkpu kọstadị-nta ohu; ịya k'e sọn nwa-atụnrụn ohu-ohu. “Hu ni oyiye manya ahụn yeni Osolobuẹ imẹ Ebe Ahụn Rị Nsọ.

Ọgụngụn 28:8

Chụnye nị nwa-atụnrụn hụn ẹbọ ọhị gbama ṅẹnrẹn-ṅẹnrẹn, ụnụ a chụnyezi oyiye-ọka lẹ oyiye-manya ohu hụ ụnụ gi chụnye ẹjan ụtụntụn chen'ẹ. Oyiye wẹ gi ọkụn e ye hụn ishin ẹ a sụọ Osolobuẹ rọ.

Ndị Kọrẹntị Nke Ẹbụọ 2:15

Makẹni, ebe Osolobuẹ rị, ishin Kraịstị kẹ ẹnyi wụ ebe ndị rị e nwọn nzụọpụha rị lẹ ebe ndị lakọ iwi rị.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ditrọnọmi 12:27

Nọ ukpo nchụn-ẹjan Osolobuẹ wụ Chuku ụnụ sụọ chụn ẹjan ị ile w'a dụn ọkụn — kẹ anụ a kẹ ẹdeke ẹ. Hu ni ẹdeke anụ ndị ụnụ gi chụn ẹjan ye ẹhụ ukpo nchụn-ẹjan Osolobuẹ wụ Chuku ụnụ; kanị, ụnụ nwọn ikẹn ri anụ wẹ.

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.