Lẹvitikọsụ 1:3 - Ika

³ “Omẹni ẹjan w'a dụn ọkụn rọ, nị efin k'o wela d'e gi chụn ẹjan ahụn, o sikọ d'a wụrịrị okẹn efin ẹhụ a zu oke, o wẹhẹ ẹ ọnụ-mgbọn Ọdụ-nsọ kẹni Osolobuẹ kweri narịn a.

Lẹvitikọsụ 1:3 ပူးပေါင်းရင်းမြစ်များ

Jẹnẹsisi 22:13

Ya Ebraham nọ weshi isi elu, ọ nọ hụn ebulu mpịn a fatọ akụ-ọfịa rị ebẹhụ. Ọ nọ jẹn d'e buru ẹ, gi ẹ chụnyeni Osolobuẹ ẹjan wẹ dụn ọkụn hụn o te k'e gi nwa a chụn.

Jẹnẹsisi 22:2

Osolobuẹ a sị a, “Weri nwa ị, akpụ nwa ohu ahụn ị mụ, hụn ihiẹn ẹ a sụọ ị ọda-ọda, y'e shi alị Moria, n'i gi ẹ chụnnị m ẹjan w'a dụn ọkụn elu ugu m k'a ghọsị ị ebẹhụ.”

Jẹnẹsisi 22:8

Ya Ebraham nọ sị a, “Nwa m, Chuku k'e gi ẹka a wepụha atụnrụn ahụn wẹ k'e gi chụnyen'ẹ ẹjan w'a dụn ọkụn.” Ya wẹ nọ jẹnsọnmẹ.

Jẹnẹsisi 8:20

Nụa nọ rụnnị Osolobuẹ ukpo wẹ n'a chụn ẹjan, werisọnmẹ anụ lẹ nnụnụ imẹ igunrun ndị ahụn Chuku sị wẹ asọlẹ, gi wẹ chụnnị Osolobuẹ ẹjan elu ukpo ahụn.

Ihiẹn Mẹni Nke Ẹbụọ 29:32

Ihiẹn Izrẹlụ ile zuni wẹhẹ nị wẹ gi chụn ẹjan w'a dụn ọkụn wụ okẹn-efin iri kwasị ọgụn-ẹtọ, ebulu ọgụn-isẹn lẹ ụmụ-ebulu ọgụn-iri. Ndịnị ile kẹ wẹ gi chụnyeni Osolobuẹ ẹjan w'a dụn ọkụn.

Ihiẹn Mẹni Nke Ẹbụọ 35:12

E wepụ wẹ ẹjan w'a dụn ọkụn, nị wẹ hụn ụzọ bu wẹ yesọnmẹ ndị alị kẹ wẹ dọn dọnmẹsọnmẹ wẹ ikp'ụlọ-ikp'ụlọ, nị wẹ gi chụnyeni Osolobuẹ ẹjan, kẹ wẹ dọn de ẹ imẹ Ẹkụkwọ Mozizi. Ẹrịra kẹ wẹ mẹzi efin ndị hụ.

Ẹbụ-ọma 110:3

Ndị nke i k'e wepụhachanrịn obi sọnjẹn i agha ụhụọhịn i k'a kpa ikẹn; yụ lẹ ọghọ rị nsọ rị ị ẹhụ, eki fọn ụhụọhịn hụ, ndụn-okorọbịa ị e ziẹntun'i nọkẹ igirigi.

Ẹbụ-ọma 40:8

M chọ nị m mẹ uche i, Chuku m; iwu i rị imẹ obi m.”

Ọpụpụ 12:5

“Anụ wẹ k'a họtọ jẹnkọ d'a wụrịrị okẹn rị ahụa ohu hụn ẹhụ a ile zu oke; wẹ nwọn ikẹn weri atụnrụn mọbụ ewu.

Ọpụpụ 24:5

Ya ọ nọ zi ikorọbịa Izrẹlụ, wẹ nọ chụn ẹjan w'a dụn ọkụn, gisọnmẹ okoro efin chụnyeni Osolobuẹ ẹjan-ekele.

Ọpụpụ 29:18

Ya kpọchanrịn nwan ebulu hụ ọkụn elu ukpo nchụn-ẹjan. Ẹjan wẹ kpọnị Osolobuẹ ọkụn rọ hụn ishin ẹ a sụọ Osolobuẹ ụsụọ, oyiye wẹ gi ọkụn ye Osolobuẹ.

Ọpụpụ 29:4

Y'e wẹhẹ Ẹrọnụ lẹ ụmụ a ikẹnnyẹ ọnụmụzọ Ọdụ-ozuzu, gi mirin wụ wẹ.

Ọpụpụ 29:42

“Agbọ ile lalanị, wẹ sikọ d'a gha a chụn ẹjan ndịnị w'a dụn ọkụn ogẹn ahụn wẹ kayen'ẹ, ihun Osolobuẹ ọnụmụzọ Ọdụ-ozuzu, ebẹhụ kẹ m'a nọ e kunrun i, a gwa ị oku;

Ọpụpụ 32:6

Eki e fọn, wẹ ile nọ zọtẹnhin, chụn ẹjan w'a dụn ọkụn, ye oyiye ekele. O mẹgụ, wẹ nọ dịnọ alị ri, ra; e lihi wẹ, gbama ikiri.

Ọpụpụ 35:21

Ndị ile ọ rị nị wẹ ye lẹ ndị obi wẹ gba nị wẹ ye nọ wẹhẹni Osolobuẹ oyiye wẹ k'e gi rụn Ọdụ-ozuzu lẹ ihiẹn ile wẹ gi e fe ofufe imẹ ẹ lẹ ihiẹn wẹ k'e gi kpa ẹwuru nsọ ndị hụ wẹ.

Ọpụpụ 35:29

Ndị Izrẹlụ ile chọnị, kẹ ikẹnnyẹ kẹ ikpoho, nọ wẹhẹsọnmẹni Osolobuẹ oyiye ghapụha wẹ obi, hụn w'e gi rụn ihiẹn ile Osolobuẹ sị Mozizi gwa wẹ rụn.

Ọpụpụ 35:5

Tụ nị nị Osolobuẹ ụtụ. Onyẹ ọwụlẹ obi ẹ ye n'ọ tụ, ya wẹhẹ: ihiẹn ndị wẹ sikọ d'a tụ wụ goru lẹ siliva lẹ igwe-ufie wụ bronzu;

Ọpụpụ 36:3

Wẹ nọ narịn Mozizi oyiye ile ndị Izrẹlụ wẹhẹ nị wẹ gi rụn Ọdụ-nsọ. Ụtụntụn ọwụlẹ ndị Izrẹlụ hụzịkwọ e wẹhẹ oyiye ghapụha wẹ obi d'e yecheni,

Ọpụpụ 38:1

Bẹzalẹlụ wẹ nọ gi osisi akashịa rụn ukpo nchụn-ẹjan: usue ẹ wụ ọbụkụ ẹsa lẹ nkirishi, ụshịa a ọbụkụ ẹsa lẹ nkirishi — k'o suehan k'ọ shịahan; ojijẹn-elu ẹ wụ ụbụkụ ẹnọ lẹ nkirishi.

Azaya 1:11

“Ẹjan hụ ile ụnụ a chụnyeni m, kịnị kẹ m gi wẹ e mẹ?” Ya kẹ Osolobuẹ ku. Ẹjan w'a kpọ ọkụn a gbụgụọ m, kẹ hụn wẹ gi mmụ ebulu chụn kẹ ụtọrọ anụ ndị wẹ zụntọsọnmẹ; ẹdeke okẹn-efin lẹ ebulu lẹ ewu ara sụọ m.

Izikẹlụ 20:40

Makẹni, mmẹ, Osolobuẹ Nwọn Ihiẹn Ile, rị e ku ẹ nị Izrẹlụ ile k'a nọrịrị elu-ugu nsọ m, elu ugu rị Izrẹlụ, fe m ofufe, wẹ ile k'a nọrịrị imẹ alị Izrẹlụ ebẹhụ fe m. M k'a nabanhan wẹ ebẹhụ, nọ a lemẹzi ẹnya ihiẹn ụnụ a tụhanị m lẹ oyiye ndị hụ kachanrịn mma ụnụ e ye lẹ ihiẹn ndị ọzọ ile rị nsọ ụnụ gi e fe m.

Izikẹlụ 40:39

Kanị, imẹ ẹtu-ụlọ hụ wẹ gha a banye, teburu ẹbụọ-ẹbụọ rị azụụnnị lẹ azụụnnị. Elu teburu ndị hụ kẹ wẹ nọ e gbu anụ wẹ gi a chụn ẹjan w'a dụn ọkụn, ẹjan-njọ lẹ ẹjan ndọnzi.

Lẹvitikọsụ 1:10

“Omẹni ewu mọbụ atụnrụn k'o k'e gi ye oyiye hụ wẹ jẹnkọ d'a dụn ọkụn, o k'a wụrịrị mkpịn ẹhụ a zu oke.

Lẹvitikọsụ 14:10

“Nke akp'ọhịn ẹsatọ, o k'e wẹhẹrịrị ebulu ẹbụọ lẹ onyẹnyẹ-atụnrụn ohu rị ahụa ohu ẹhụ wẹ zu oke; o we ọka wẹ gweriẹn wẹ gi ofugbọn-olivu gwọ hụn k'e jun mkpu kọstadị nta ẹsa lẹ hụn ruchanrịnlẹni mkpikpi hụn o k'e gi ye oyiye-ọka, lẹ ofugbọn-olivu ruchanrịnlẹni mkpikpi mkpu kọstadị nta.

Lẹvitikọsụ 16:7

ọ bịa d'e wẹhẹ ewu ẹbụọ hụ, we wẹ che ihun Osolobuẹ, ọnụmụzọ Ọdụ-ozuzu.

Lẹvitikọsụ 17:4

hụn nkẹ o gi wẹhẹ ẹ ọnụ-mgbọn Ọdụ-ozuzu k'o furu d'e ye Osolobuẹ ya ihun Ọdụ-nsọ, wẹ sikọ d'e weri ẹ kẹ onyẹ gbu ọchụn; ọchụn k'o gbu, wẹ k'e bepụ a imẹ ndị nke ẹ.

Lẹvitikọsụ 17:8

“Sị wẹ: Onyẹ Izrẹlụ ọwụlẹ mọbụ abịamabịa ọwụlẹ bi imẹ igunrun wẹ, hụn chụn ẹjan w'a dụn ọkụn mọbụ ẹjan ọzọ,

Lẹvitikọsụ 17:9

mmanị o wẹhẹ ẹ ọnụ-mgbọn Ọdụ-ozuzu d'a chụnyeni Osolobuẹ, wẹ k'e bepụ onyẹ hụ imẹ ndị nke ẹ.

Lẹvitikọsụ 23:12

Ụhụọhịn ụnụ finfin ọka hụ, ụnụ k'e gi atụnrụn ahụa ohu ẹhụ a zu oke chụnyeni Osolobuẹ ẹjan w'a dụn ọkụn,

Lẹvitikọsụ 23:18

We ni ebulu ẹsa rị ahụa ohu-ohu ẹhụ wẹ zu oke lẹ okoro efin ohu lẹ ebulu ẹbụọ cheni brẹdi hụ. Wẹ k'a wụrụ ẹjan wẹ gi ọkụn ye Osolobuẹ, wẹ lẹ oyiye-ọka lẹ oyiye ihiẹn-ọrịra sọnni wẹ: oyiye wẹ gi ọkụn ye, ishin hụn a sụọ Osolobuẹ ụsụọ.

Lẹvitikọsụ 3:1

“Omẹni ịhịan chọ n'o chụn ẹjan-ekele, nị efin k'o wela, ọsụọn'a okẹn, ọsụọn'a onyẹnnyẹ, anụ ẹhụ zu oke k'o k'e wẹhẹni Osolobuẹ.

Lẹvitikọsụ 4:15

Ndị-ichẹn alị k'e bu ẹka kwasị efin hụ isi ihun Osolobuẹ, e gbu wẹ ẹ.

Lẹvitikọsụ 4:23

Hụn o gihụ marịn n'o mẹgụọ njọ, o k'e wẹhẹrịrị mkpịn ẹhụ a zu oke d'e ye.

Lẹvitikọsụ 4:3

“Omẹni onyẹ-isi nchụn-ẹjan mẹ njọ, o buhẹgụọnị ịhịan ile ikpe-ọmụma. O k'e wẹhẹrịrịnị Osolobuẹ okoro okẹn-efin ẹhụ a zu oke gi chụn ẹjan makẹ njọ hụ o mẹ.

Lẹvitikọsụ 4:32

“Omẹni atụnrụn k'o wela d'a chụn ẹjan-njọ a, ya wẹhẹ onyẹnnyẹ ẹhụ a zu oke.

Lẹvitikọsụ 5:15

“Omẹni ọ rụnahịn ịhịan mẹ njọ ghahanị imẹrụ ihiẹn ọwụlẹ rị Osolobuẹ nsọ, o jẹnkọ d'a hannị Osolobuẹ ebulu ẹhụ a zu oke mọbụ ọnụ-egho ẹ wẹ gụn kẹ w'a gụn imẹ Ọdụ-nsọ, d'e gi ẹ chụn ẹjan onyẹ ikpe ma.

Lẹvitikọsụ 5:18

O sikọ d'e wẹhẹni onyẹ nchụn-ẹjan ebulu ẹhụ a zu oke mọbụ ọnụ-egho ẹ, onyẹ nchụn-ẹjan e gi ẹ gbarị isi hụnyẹ, Osolobuẹ a gbagharị a.

Lẹvitikọsụ 6:2

“Omẹni ịhịan mẹ Osolobuẹ njọ ghahanị ịtụ ibe ẹ ntụ banyeni ihiẹn wẹ ye ẹ dọnmẹ mọbụ ihiẹn wẹ gi biye ụgwọ mọbụ gbama ibe mọbụ zunarịn ibe ẹ ihiẹn mọbụ mẹgbu ibe ẹ,

Lẹvitikọsụ 6:8

Osolobuẹ nọ sị Mozizi,

Lẹvitikọsụ 7:16

“Kanị, omẹni nkwa o kwe Osolobuẹ k'o k'e gi oyiye hụ mẹzu mọbụ nị oyiye ghapụha a hụ obi rọ, ụhụọhịn o ye oyiye hụ kẹ wẹ k'e ri ẹ, kanị wẹ nwọn ikẹn ri hụn ọwụlẹ bọ-ọra.

Lẹvitikọsụ 8:18

Ya Mozizi nọzị wepụha ebulu wẹ jẹnkọ d'e gi chụn ẹjan w'a dụn ọkụn, Ẹrọnụ lẹ ụmụ a nọ kị ẹka kwasị ebulu ahụn isi.

Lẹvitikọsụ 8:21

Ọ nọ gi mirin chanchan ihiẹn ndị rị imẹ ẹ lẹ ụkụ a, nọ elu ukpo nchụn-ẹjan hụ dụnpụ ebulu ahụn ile ọkụn, o họnrin ẹnwụnrụn, ẹjan wẹ dụn ọkụn hụn e shin ọhụnma, ẹjan wẹ gi ọkụn chụnyeni Osolobuẹ. Ẹrịra kẹ Osolobuẹ gwa Mozizi ya mẹ ẹ.

Lẹvitikọsụ 9:2

Ọ nọ sị Ẹrọnụ, “Wẹhẹ okoro okẹn-efin i jẹnkọ d'e gi chụn ẹjan makẹ njọ ị lẹ atụnrụn i k'e gi chụn ẹjan w'a dụn ọkụn. O sikọ d'a wụrịrị efin lẹ atụnrụn ẹhụ wẹ zu oke; y'e wepụha wẹ ihun Osolobuẹ,

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Malakaị 1:14

“Ọ rịkọnị onyẹ-ntụ hụ mma, onyẹ hụn nwọn ebulu rị mma imẹ anụ a, kwe nkwa nị ịya k'o k'a chụnyeni Osolobuẹ, kanị ogẹn ru ọ chụnyen'ẹ hụn ẹhụ a zulẹni! Makẹni, okẹn Eze w'a gbaye ẹfan a imẹ alị ndị ọzọ kẹ m wụ. Ya kẹ Osolobuẹ ihiẹn ile rị okpuru ẹ ku.”

Ọgụngụn 15:3

omẹni ụnụ rị e ye Osolobuẹ ẹjan wẹ gi ọkụn e ye ẹ nị ishin ẹ sụọ a, ọsụọn'a efin mọbụ atụnrụn mọbụ ewu rọ, ọsụọn'a ẹjan w'a dụn ọkụn mọbụ ẹjan ọzọ rọ; kẹ hụn ụnụ gi e mẹzu nkwa pụ-ichẹn ụnụ kwe Osolobuẹ kẹ oyiye ghapụha ịhịan obi rọ kẹ oyiye ụnụ gi e mẹ mmẹmmẹ ahụa-ahụa ndị ụnụ gi e fe m rọ — hụn ọwụlẹ ọ wụ,

Ọgụngụn 15:8

“Ụnụ welanị okoro efin d'a chụnyeni Osolobuẹ ẹjan w'a dụn ọkụn mọbụ ẹjan ndị ọzọ, mọbụ ẹjan ụnụ gi e mẹzu nkwa pụ-ichẹn ụnụ kwe ẹ mọbụ ẹjan-ekele,

Ọgụngụn 19:2

“Ọnwan wụzị ihiẹn Iwu Osolobuẹ chọ: Sị nị ndị Izrẹlụ wẹhẹni ụnụ onyẹnnyẹ-efin ufie ẹhụ a zu oke, hụn nwọnlẹni ebe ọ nọ rụ, efin wẹ gitulẹni rụn ọrụn.

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Ọgụngụn 23:27

Balakị nọ sị Balaam, “Bịa nị m wejẹn i ụzọ ọzọ; ikẹnkwọ n'ọ sụọ Osolobuẹ n'ọ nị ị gha ebẹhụ bụnị m wẹ ọnụ.”

Ọgụngụn 23:3

Ya Balaam nọ sị Balakị, “Nọdị ebeni, nọkunmẹ ụsụọ anụ ndịnị ị gi chụn ẹjan wẹ dụn ọkụn, nị m jẹnzụkazị. Ikẹnkwọ Osolobuẹ a bịa d'e kunrun m. Ihiẹn ọ ghọsị m, a gwa m'ị.” Ya Balaam nọ shi ebe jẹnzi elu, nwọnlẹni ihiẹn rịn'a.

Ọgụngụn 23:30

Balakị nọ mẹ ihiẹn Balaam ku, gi efin ohu lẹ ebulu ohu chụnyesọnmẹ ẹjan elu ukpo nchụn-ẹjan ndị ahụn.

Ọgụngụn 28:11

“O ru ụhụọhịn ibuzọ imẹ ifọn ọwụlẹ, ụnụ e gi okoro-efin ẹbụọ lẹ ebulu ohu lẹ ụmụ-ebulu ẹsa rịsọnmẹ ahụa ohu-ohu chụnyeni Osolobuẹ ẹjan w'a dụn ọkụn. Ẹhụ wẹ ile sikọ d'e zuchanrịn oke.

Ọgụngụn 28:19

Ye ni Osolobuẹ oyiye wẹ gi ọkụn e ye, oyiye w'a dụn ọkụn hụn k'a wụ okoro-efin ẹbụọ, ebulu ohu ka ẹhụ lẹ ụmụ-ebulu ẹsa rịsọnmẹ ahụa ohu-ohu ẹhụ zu oke.

Ọgụngụn 28:31

Chụnyesọnmẹ ni ẹjan ndịnị lẹ oyiye manya sọnni wẹ cheni ẹjan ndị hụ w'a dụn ọkụn ụhụọhịn-ụhụọhịn lẹ oyiye-ọka sọnn'ẹ. Hụnkwọ n'a nị ẹhụ zu anụ ndị ahụn oke.

Ọgụngụn 29:13

Chụnye ni ẹjan w'a dụn ọkụn ụhụọhịn hụ, oyiye wẹ gi ọkụn ye hụn ishin ẹ a sụọ Osolobuẹ: okoro-efin mmẹtọ, ebulu ẹbụọ lẹ nwa-atụnrụn mmẹnọ rịsọnmẹ ahụa ohu-ohu. Wẹ ile k'a wụrịrị anụ ẹhụ zu oke.

Ọgụngụn 29:2

Ihiẹn ụnụ k'e gi chụn ẹjan ishin ẹ a sụọ Osolobuẹ wụ nwa-efin ohu, ebulu ohu lẹ ụmụ-atụnrụn ẹsa rịsọnmẹ ahụa ohu-ohu. Wẹ ile sikọ d'a wụchanrịn anụ ẹhụ zu oke.

Luku 1:35

Mmọn-ozi hụ nọ sị a, “Mmọn-nsọ jẹnkọ d'e hidankwasị ị; ikẹn Onyẹ Hụ Kachanrịnnị jẹnkọ d'e kpumẹ i. Ya wụ, nwa ị jẹnkọ d'a mụ k'a rị nsọ, wẹ k'a kpọ a Nwa Osolobuẹ.

Jọnụ 1:36

Jọnụ hụ e lee Jesu ebe ọ ghafekọ, ya ọ nọ sị, “Lẹhụ Nwa-ebulu Osolobuẹ!”

Jọnụ 10:7

Ya Jizọsị nọ nwan sị wẹ, “Ezioku kẹ m rị a gwa ụnụ, mmẹ wụ ọnụmụzọ atụnrụn a gha.

Jọnụ 10:9

Mmẹ wụ ọnụmụzọ. Onyẹ gha m banye sikọ d'e nwọn nzụọpụha; o k'a gha e jẹn, a lụa, a hụnsọnmẹ ẹfịfịa e ri.

Ndị Kọrẹntị Nke Ẹbụọ 8:12

Makẹni, omẹni ịhịan wepụha obi ẹ ile n'o ye, hụn o nwọn kẹ wẹ e lee ẹnya a narịn a ya, ẹlẹ hụn o nwọnlẹni.

Ndị Kọrẹntị Nke Ẹbụọ 9:7

Onyẹ-onyẹ ya ye ihiẹn rị a obi, y'e yelẹ bụ ẹlẹ obi ẹ; y'e yelẹ nọkẹ sị wẹ wa a ye ẹ olu — makẹni onyẹ a shịapụ ẹfọ e ye kẹ ihiẹn ẹ a sụọ Osolobuẹ.

Ndị Ẹfẹsọsụ 2:18

Ghahanị Kraịstị, ẹnyi ile a sa nwan ẹka a gha Mmọn-nsọ ohu a banhan ebe Nẹdi ẹnyi wụ Osolobuẹ rị, kẹ ndị Ju kẹ ndị alị ọzọ.

Ndị Ẹfẹsọsụ 5:27

kẹni o wepụha ụka ọghọ jun ẹhụ ihun ẹ, ẹlẹ ụka nwọn ntụpọ mọbụ se alịlị mọbụ ihiẹn ọwụlẹ nọ ẹrịra, kama n'ọ hụn ụzọ wụrụ ụka rị nsọ, nwọnlẹni ihiẹn wẹ gi kọrịan'a.

Ditrọnọmi 12:27

Nọ ukpo nchụn-ẹjan Osolobuẹ wụ Chuku ụnụ sụọ chụn ẹjan ị ile w'a dụn ọkụn — kẹ anụ a kẹ ẹdeke ẹ. Hu ni ẹdeke anụ ndị ụnụ gi chụn ẹjan ye ẹhụ ukpo nchụn-ẹjan Osolobuẹ wụ Chuku ụnụ; kanị, ụnụ nwọn ikẹn ri anụ wẹ.

Ditrọnọmi 15:21

Omẹni anụ nwọn nsọngbu ẹhụ, omẹni ọ wụ ngụrọ mọbụ ẹnya-ishi mọbụ n'o nwọn k'o dọnlẹni zu oke, egikwọl'a chụnyeni Osolobuẹ wụ Chuku i ẹjan.

Ditrọnọmi 17:1

Egikwọlẹ efin mọbụ atụnrụn ẹhụ zulẹni oke mọbụ nwọn nsọngbu ọwụlẹ chụnyeni Osolobuẹ wụ Chuku ụnụ ẹjan, makẹni arụ k'ọ wụ ẹnya a.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.