Lẹvitikọsụ 1:2 - Ika

² “Gwa ndị Izrẹlụ oku, sị wẹ: onyẹ ọwụlẹ imẹ ụnụ hụn welanị Osolobuẹ oyiye ya wẹhẹ efin mọbụ ewu mọbụ atụnrụn.

Lẹvitikọsụ 1:2 ပူးပေါင်းရင်းမြစ်များ

Jẹnẹsisi 4:3

Omẹgụ, Keni nọ gha ihiẹn-ugbo ẹ wẹhẹni Osolobuẹ oyiye.

Jẹnẹsisi 4:5

Kanị, ọ nabanhannị Keni lẹ ihiẹn o ye. Ya okẹn olulu nọ bumẹ Keni, ọ nọ rọnmẹ ihun.

Ihiẹn Mẹni Nke Ibuzọ 16:29

ye ni Osolobuẹ ọghọ hụn furu ẹfan a. Weri ni oyiye bịa ihun ẹ; fe ni Osolobuẹ ofufe rị nsọ.

Ẹzra 3:5

Omẹgụ, wẹ nọ chụnye ẹjan w'a kpọ ọkụn: kẹ hụn w'a chụn ogẹn ile kẹ ẹjan Ifọn-ọhụn kẹ ndị w'a chụn ogẹn Mmẹmmẹ nsọ Osolobuẹ ile lẹzi oyiye ndị gha wẹ obi pụha hụn wẹ wẹhẹsọnmẹ d'e ye Osolobuẹ.

Ọpụpụ 20:24

“ ‘Gi ni ẹjan gbeni m ukpo w'a nọ a chụn ẹjan, ụnụ a nọ elu ẹ a chụn ẹjan ụnụ: ẹjan w'a dụn ọkụn lẹ ẹjan wẹ gi e ye ekele lẹ atụnrụn lẹ ewu lẹ efin ụnụ. Gbe n'ẹ ye ebe ọwụlẹ m jẹnkọ d'a họrị nị w'a nọ a kpọku ẹfan m; m k'a bịa ebẹhụ d'e kunrun ụnụ, gọzi ọnụ.

Ọgụngụn 15:3

omẹni ụnụ rị e ye Osolobuẹ ẹjan wẹ gi ọkụn e ye ẹ nị ishin ẹ sụọ a, ọsụọn'a efin mọbụ atụnrụn mọbụ ewu rọ, ọsụọn'a ẹjan w'a dụn ọkụn mọbụ ẹjan ọzọ rọ; kẹ hụn ụnụ gi e mẹzu nkwa pụ-ichẹn ụnụ kwe Osolobuẹ kẹ oyiye ghapụha ịhịan obi rọ kẹ oyiye ụnụ gi e mẹ mmẹmmẹ ahụa-ahụa ndị ụnụ gi e fe m rọ — hụn ọwụlẹ ọ wụ,

Ọgụngụn 5:15

Hụn okẹnnyẹ sikọ d'e we nwunyẹ ẹ jẹnni onyẹ nchụn-ẹjan. O jẹnkọnị, o weri ọka-bali wẹ gweriẹn hụn k'e jun mkpu kọstadị nta ẹbụọ hụn o k'e gi chụnnị nwunyẹ ẹ hụ ẹjan-ọka. O huyekọkwọ a ofigbọn-olivu; o buchekọ nsẹnsi elu ẹ, makẹni ẹjan-ọka onyẹ ẹnya rị a fụ rọ, ẹjan wẹ gi a nyanhan njọ ịhịan.

Ọgụngụn 7:15

okoro-efin ohu, ebulu ohu ka ẹhụ lẹ nwa-ebulu ohu rị nwa ahụa — anụ ndị wẹ sikọ d'e gi chụn ẹjan w'a dụn ọkụn;

Makị 7:11

Kanị ụnụ nwẹn sị nị onyẹ sịhụ nẹdi ẹ mọbụ nnẹ ẹ, ‘E gigụọ m ihiẹn nkẹ m'e ye i ye Osolobuẹ oyiye,’

Ndị Rom 12:1

Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ndị Rom 12:6

Ẹnyi nwọnsọnmẹ oyiye ichẹn-ichẹn, onyẹ-onyẹ lẹ hụn Osolobuẹ ye ẹ. Omẹni oyiye ịhịan wụ izi-ozi Osolobuẹ, y'a mẹ ẹ kẹ okukwe ẹ han.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.