Lẹvitikọsụ 1:17 - Ika

¹⁷ Ọ dọdọn ẹ ẹka-nku, dọwa a, kanị ọ dọwapụchanrịnkọ a, onyẹ nchụn-ẹjan a nọ elu nkụn hụ rị ukpo nchụn-ẹjan dụn a ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:17 ပူးပေါင်းရင်းမြစ်များ

Jẹnẹsisi 15:10

Ebram nọ wẹhẹn'ẹ ihiẹn ndịnị ile, kpọwasọnmẹ wẹ ẹbụọ ahanmahan ẹbụọ ahanmahan, dọnmẹ azụụn ẹka-nni wẹ ile nkọ ohu, dọnmẹ azụụn ẹka-ekpẹn wẹ ile nkọ ohu; kanị, ọ kpọwanị nnụnụ ndị ahụn.

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Ẹbụ-ọma 16:10

makẹni y'a lakọ m tọ alị-mmọn, y'a nịkọ onyẹ nsọ ị hụn Mgbugbu hụ.

Lẹvitikọsụ 1:13

Hụn wẹhẹn'ẹ e gi mirin chanchan ihiẹn ile rị imẹ ẹfọ anụ hụ lẹ ụkụ a, onyẹ nchụn-ẹjan e wẹhẹ wẹ ile d'a dụn ọkụn elu ukpo nchụn-ẹjan hụ. Oyiye wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 2:2

bu ẹ jẹnni ụmụ Ẹrọnụ ikẹnnyẹ, ndị nchụn-ẹjan. Onyẹ nchụn-ẹjan k'a nọ ọka ahụn wẹ gwe lẹ ofugbọn-olivu rịn'a bụọrị ọb'ẹka ohu, o werizi nsẹnsi hụ ile, o gi hụn ọ bụọrị lẹ nsẹnsi nọkin ẹnya ẹjan hụ ile, nọ elu ukpo nchụn-ẹjan dụn wẹ ọkụn — oyiye wẹ gi ọkụn ye rọ, hụn ishin ẹ a sụọ Osolobuẹ.

Lẹvitikọsụ 3:5

ụmụ Ẹrọnụ ikẹnnyẹ a nọ ukpo nchụn-ẹjan hụ dụn a ọkụn n'o họnrin ẹnwụnrụn, ya lẹ ẹjan w'a dụn ọkụn hụn rị enu nkụn rị ebẹhụ e rẹn, n'ọ wụrụ oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 5:8

Ya we wẹ jẹnni onyẹ nchụn-ẹjan. Onyẹ nchụn-ẹjan sikọ d'e bu ụzọ chụnyegụ hụn wụ ẹjan-njọ ẹnịna: o k'a rụkwọn ẹ olu, kanị ọ dọbepụchanrịnkọ a isi;

Lẹvitikọsụ 6:14

“Lee ni iwu oyiye-ọka: o ru, ụmụ Ẹrọnụ ikẹnnyẹ e wẹhẹ ọka ahụn wẹ gi chụn ẹjan ihun Osolobuẹ, ihun ukpo nchụn-ẹjan.

Lẹvitikọsụ 8:21

Ọ nọ gi mirin chanchan ihiẹn ndị rị imẹ ẹ lẹ ụkụ a, nọ elu ukpo nchụn-ẹjan hụ dụnpụ ebulu ahụn ile ọkụn, o họnrin ẹnwụnrụn, ẹjan wẹ dụn ọkụn hụn e shin ọhụnma, ẹjan wẹ gi ọkụn chụnyeni Osolobuẹ. Ẹrịra kẹ Osolobuẹ gwa Mozizi ya mẹ ẹ.

Lẹvitikọsụ 9:13

Wẹ nọ kịye ẹ ọkpụrụkpụ anụ ẹjan w'a dụn ọkụn ohu-ohu, kẹ isi ẹ kẹ wẹ ile, ọ nọ dụn wẹ ọkụn elu ukpo nchụn-ẹjan ahụn.

Ọgụngụn 15:3

omẹni ụnụ rị e ye Osolobuẹ ẹjan wẹ gi ọkụn e ye ẹ nị ishin ẹ sụọ a, ọsụọn'a efin mọbụ atụnrụn mọbụ ewu rọ, ọsụọn'a ẹjan w'a dụn ọkụn mọbụ ẹjan ọzọ rọ; kẹ hụn ụnụ gi e mẹzu nkwa pụ-ichẹn ụnụ kwe Osolobuẹ kẹ oyiye ghapụha ịhịan obi rọ kẹ oyiye ụnụ gi e mẹ mmẹmmẹ ahụa-ahụa ndị ụnụ gi e fe m rọ — hụn ọwụlẹ ọ wụ,

Ọgụngụn 28:8

Chụnye nị nwa-atụnrụn hụn ẹbọ ọhị gbama ṅẹnrẹn-ṅẹnrẹn, ụnụ a chụnyezi oyiye-ọka lẹ oyiye-manya ohu hụ ụnụ gi chụnye ẹjan ụtụntụn chen'ẹ. Oyiye wẹ gi ọkụn e ye hụn ishin ẹ a sụọ Osolobuẹ rọ.

Matiu 27:50

Jizọsị nọ gi okẹn olu yizi oro, kwọnbepụ, nwụnhụn.

Jọnụ 19:30

Manyanị a bangụ Jizọsị ọnụ, ọ nọ sị, “Ọ gụgụọ!” Ya ọ nọ bu isi kọma alị, nwụnhụn.

Ndị Rom 4:25

Osolobuẹ gi ufiri njọ ẹnyi we Jesu ye n'ọ nwụnhụn, ghazị ọnwụn weli Jesu kẹni o gi ifiri Jesu kuni ẹnyi ọhụnma.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,