Lẹvitikọsụ 1:11 - Ika

¹¹ O k'a nọ ẹbamịn-ugu ukpo nchụn-ẹjan gbu ẹ ihun Osolobuẹ; ụmụ Ẹrọnụ ikẹnnyẹ ndị nchụn-ẹjan e fesọnmẹ ẹdeke ẹ kpu ukpo nchụn-ẹjan hụ ụsụọ ile.

Lẹvitikọsụ 1:11 ပူးပေါင်းရင်းမြစ်များ

Ọpụpụ 24:6

Mozizi nọ kebe ẹdeke efin ndị ahụn ẹbụọ, hu azụụn ohu ye imẹ afẹrẹ, fe hụn họdụnị ye ukpo nchụn-ẹjan ahụn ọ rụn.

Ọpụpụ 40:22

O bu teburu-nsọ che ẹbamịn-ugu imẹ Ọdụ-ozuzu, o wen'ẹ ghafe Ẹkwa-Ọtankin hụ;

Izikẹlụ 43:18

Olu hụ rị a gwa m oku nọ sị m, “Nwa-ịhịan, Osolobuẹ Nwọn Ihiẹn Ile sị: Ọnwan wụ usọnrọn w'e gi ha ukpo nchụn-ẹjannị ye ẹka Osolobuẹ ogẹn wẹ k'e gi tụn a, kẹni w'e gi ẹ a chụn ẹjan, e fekpu ẹ ẹdeke:

Izikẹlụ 8:5

Ya kẹ Osolobuẹ nọ sị m, “Nwa-ịhịan, lee ẹnya ẹbamịn-ugu.” M nọ lee ẹnya ẹbamịn-ugu: e lee mmọn hụ wẹ kọma hụn ẹnya gi rị a fụ Osolobuẹ! Ọnụ-mgbọnni rị ẹbamịn-ugu ukpo wẹ nọ a chụnyeni Osolobuẹ ẹjan kẹ wẹ kọma a.

Lẹvitikọsụ 1:5

Ọ nọ ihun Osolobuẹ gbu agbanaị-efin ahụn; ụmụ Ẹrọnụ ndị ikẹnnyẹ, ndị nchụn-ẹjan, e wẹhẹ ẹdeke anụ hụ d'e feye ukpo nchụn-ẹjan hụ rị ọnụmụzọ Ọdụ-nsọ ụsụọ a ile.

Lẹvitikọsụ 14:13

O k'a nọ ebẹhụ rị nsọ w'a nọ e gbu anụ wẹ gi a chụn ẹjan-njọ lẹ ẹjan w'a dụn ọkụn gbu ebulu hụ. Ẹjannị onyẹ ikpe ma chụ k'a wụrụ nke onyẹ nchụn-ẹjan kẹ ẹjan-njọ dọn a wụ nke ẹ. Ẹjannị rị okẹn nsọ.

Lẹvitikọsụ 4:29

O k'e bu ẹka kwasị anụ ẹjan njọ hụ isi, nọ ebẹhụ wẹ nọ a chụn ẹjan w'a dụn ọkụn gbu ẹ.

Lẹvitikọsụ 6:25

“Sị Ẹrọnụ lẹ ụmụ a: Lee ni iwu ẹjan-njọ: ebe wẹ nọ e gbu anụ wẹ gi a chụn ẹjan w'a dụn ọkụn kẹ wẹ k'a nọzị e gbu anụ wẹ gi a chụn ẹjan-njọ; ẹjan rị okẹn nsọ k'ọ wụ.

Lẹvitikọsụ 7:2

Ebẹhụ wẹ nọ e gbu anụ wẹ k'e gi chụn ẹjan w'a dụn ọkụn kẹ w'a nọ e gbu anụ wẹ gi chụn ẹjan onyẹ ikpe ma, e fe wẹ ẹdeke ẹ kpu ukpo nchụn-ẹjan ụsụọ ile.

Lẹvitikọsụ 8:19

Mozizi nọ gbu ebulu ahụn, fe ẹdeke ẹ kpu ukpo nchụn-ẹjan hụ ụsụọ ile.