Juwẹlụ 3:7 - Ika

⁷ Kanị, m jẹnkọ nwan d'a kpọli wẹ, mẹ wẹ gha ebe ile ụnụ rejẹn wẹ pụ; m k'e mẹ ụnụ nwẹn gi isi buru ihiẹn ụnụ mẹ.

Juwẹlụ 3:7 ပူးပေါင်းရင်းမြစ်များ

Ẹsta 7:10

Ya kẹ wẹ nọ gi ihiẹn Hamanị rụntọ n'o gi hogbu Mọdikaya, hogbu Hamanị lẹ enwẹn ẹ. Olulu eze nọ rọ.

Azaya 11:12

O k'e weshi ahịma elu zinmẹni alị ichẹn-ichẹn, gi wegbama ndị Izrẹlụ wẹ kpụnrụn, welụa wẹ; o k'a gha ẹbamịn ẹnọ ụwa wegbama ndị Juda feyịyanị.

Azaya 49:12

Lee ẹ, ndị nke m k'a ghasọnmẹ ebe teni kinhẹn: ụfọdụ k'a gha ẹbamịn-ugu kinhẹn, ụfọdụ a gha ẹbamịn ọdịdan-ẹnyanwụn, ụfọdụ a ghaha ẹgbẹrẹ Aswanị rị alị Ijiptu.

Azaya 66:6

Gọn ntịn ụzụn rị a zụn imẹ obodo; gọn ntịn ụzụn rị a pụ imẹ Ụlọ-nsọ! Osolobuẹ rọ: ọ rị e mẹgwarị ndị-iṅẹnrẹn ẹ.

Jerimaya 23:8

Wẹ k'a gha a sị, ‘Ma Osolobuẹ hụn gha alị rị ẹbamịn-ugu lẹ alị ile o te chụshi ndị Izrẹlụ wekinhẹn wẹ alị wẹ.’ Makẹni, ogẹn ahụn wẹ k'e birizi alịnị hụn wụ nke wẹ.”

Jerimaya 30:10

“Odibo m wụ Jekọpụ, atụkwọlẹ egun; ẹghẹẹ, Izrẹlụ anịlẹ ndụn gụ ị. M jẹnkọ d'a gha alị hụ teni zụọpụha ụnụ; m jẹnkọ d'a zụọpụha ụmụ ị ẹka alị hụ gini wẹ. Ẹghẹẹ, Jekọpụ jẹnkọ d'e bi udọn lẹ ndọnkwa; onwọnzini onyẹ k'e rọn ẹ egun.

Jerimaya 30:16

“Ufiri ẹ, m jẹnkọ d'e tikpọ ndị ile tikpọn'ị; wẹ k'a kpụnrụn ndị-iṅẹnrẹn i ile; ndị ile gbu i kwarị ihiẹn i, wẹ k'e gbuzikwọ wẹ kwarị ihiẹn wẹ; ndị ile zun i ohin, wẹ jẹnkọ d'e zun wẹ ohin.

Jerimaya 31:8

M jẹnkọ d'a gha alị hụ rị ẹbamịn-ugu wekinhẹn wẹ, gha ebe ile wẹ rị imẹ ụwa welụa wẹ. Ndị ẹnya-ishi lẹ ndị ngụrọ k'a rịdẹ imẹ wẹ, kẹ ikpoho rị imẹ lẹ ndị imẹ rị e mẹ, igunrun ahụn k'a lụanị k'e hi-ogbe.

Jerimaya 32:37

‘M jẹnkọ d'a gha alị ile m gi olulu m rị a dụn kẹ ọkụn lẹ okẹn-ọnụma m chụshi wẹ wepụhazị wẹ, welụa wẹ ebeni, e mẹ m wẹ biri ẹ udọn lẹ ndọnkwa.

Izikẹlụ 36:24

“M sikọ nwan d'e weri ụnụ imẹ alị ndị ọzọ, e wegbama m ụnụ welụa alị ụnụ.

Izikẹlụ 38:8

Ọ nọbe, m k'a kpọ ị ọrụn; ihun-ihun, i k'e jẹn d'a lụsọn alị ohu agha: alị wẹ dọnzigụhụ kẹ agha tikpọgụ a, ndị wẹ ghagụhụ alị bu ọda wekinhẹn alị wẹ. Alị ugu wụ Izrẹlụ rọ. Alị hụn te gbabie okpokoro, wẹ nọ gha alị ndị ọzọ rị ichẹn-ichẹn welụa wẹ, e bimẹzi wẹ udọn-lẹ-ndọnkwa.

Juwẹlụ 3:4

“Elee hụn biri mmẹ lẹ ụnụ, alị Taya-lẹ-Sidọnụ lẹ alị ile rị ẹgbẹrẹ alị Filistia? Mmẹgwarị kẹ ụnụ rịdẹ a chọ nị ụnụ mẹgwarị m ra? Omẹni mmẹgwarị rọ, m k'e hu ihiẹn ụnụ rị e mẹ kpu ụnụ isi; m k'e mẹ ẹ, mẹ ẹ ozigbo-ozigbo!

Zẹkaraya 9:13

Ndị Izrẹlụ rị Juda wụ ụta m — e kwọngụọ m'a; ndị Izrẹlụ rị Ifrem wụ ọbara ụta hụ e bugụọ m'a che ụta m! Zayọnụ, m k'e nu ụmụ ị d'a lụ agha; Javanị wụ Grisi, m k'e nu ụmụ Zayọnụ d'a maye ụmụ ị Filistia; gi wẹ mẹ i ihiẹn onyẹ-agha gi ọpịa-agha e mẹ.

Matiu 7:2

K'i dọn han eṅẹn kẹ Osolobuẹ k'a dọn hann'ị. Ẹka i gi sọn ịhịan kẹ Osolobuẹ k'e gi sọn i.

Ndị Tẹsalonika Nke Ẹbụọ 1:6

Ezioku rọ, makẹni ọ hụghọ mma ẹnya Osolobuẹ n'o mẹgwarị ndị rị e ye ụnụ afụnfụn,

Jemisi 2:13

onyẹ ghalẹni e mẹ omikẹn, emẹkọnị w'a omikẹn wẹ gha e kin ẹ ikpe. Omikẹn e mẹri ikpe-ọmụma.

Rẹvẹleshọnụ 13:10

Onyẹ wẹ k'a nwụnrụn kẹ wẹ k'a nwụnrụn; onyẹ wẹ k'e gi ọpịa-agha gbu kẹ wẹ k'e gi ọpịa-agha gbu. Ọnwan chọ ndidin lẹ okukwe ẹka ndị nke Osolobuẹ.

Rẹvẹleshọnụ 16:6

Makẹni ẹdeke ndị-nsọ lẹ ndị-amụma rị wẹ ẹka, y'e yegụọ wẹ ẹdeke ra! Ihiẹn wẹ chọ kẹ wẹ rị nwan a hụn!”

Rẹvẹleshọnụ 19:2

makẹni ọ han ezigbo eṅẹn furuni; O yeọlẹ okẹn ịgbaraja hụ afụnfụn ta ịgbaraja hụ gi ughẹrẹ ẹ wiwi ndị rị ụwa. O gbugwarịgụọ a ogbugbu o gbu idibo Osolobuẹ.”

Ndị Han Eṅẹn 1:7

Adoni-Bẹzẹki nọ sị, “Ndị-nze iri kwasị ọgụn-ẹtọ (70) hụn m japụ eze-ẹka lẹ eze-ụkụ a nọgụọ okpuru teburu m, a tụtụri ifunfun ihiẹn-oriri. Chuku a kụgụọ m nwan ụgwọ ihiẹn m mẹ wẹ.” Wẹ nọ wẹhẹ Adoni-Bẹzẹki Jerusalẹm, ọ nọ nwụntọ ebẹhụ.

Samuẹlụ Nke Ibuzọ 15:33

Kanị Samuẹlụ nọ sị a, “Kẹ ọpịa-agha ị dọn gba ikpoho ẹka nwa, ẹrịra kẹ nnẹ i k'a gba ẹka nwa.” Ya kẹ Samuẹlụ nọ nọ ihun Osolobuẹ imẹ Gil'galụ jakịka Agagị.