Juwẹlụ 3:5 - Ika

⁵ “Ụnụ e werigụọ siliva m lẹ goru m, kwarịsọnmẹ ihiẹn bu ọda rị mkpa m butọ, bushi ụlọ-mmọn lẹ ọgwa ụnụ rị ichẹn-ichẹn.

Juwẹlụ 3:5 ပူးပေါင်းရင်းမြစ်များ

Ndị-nze Nke Ẹbụọ 12:18

Jụashị wụ eze Juda nọ kpọnrin ihiẹn ile rị nsọ hụn Jehoshẹfatị, Jehoram lẹ Ahazia — ndị nẹdi ẹ bu ẹ ụzọ kị Juda — gisọnmẹ kwanị Osolobuẹ lẹ oyiye ile ya nwẹn gi kwanị Osolobuẹ lẹ goru ile rị ebe w'e dọnmẹ ihiẹn imẹ Ụnọ-nsọ Osolobuẹ kẹ ndị ile rị imẹ obi-eze. Ọ nọ bu wẹ ile zijẹnni Hazaẹlụ eze Aram. Ya Hazaẹlụ nọ ha Jerusalẹm ye.

Ndị-nze Nke Ẹbụọ 16:8

Ahazị e buru siliva lẹ goru wẹ hụn weri imẹ Ụlọ-nsọ Osolobuẹ lẹ ebe w'e dọnmẹ ihiẹn imẹ obi-eze buye wẹ jẹnni eze Asiria.

Ndị-nze Nke Ẹbụọ 24:13

Kẹ Osolobuẹ dọn ku ẹ mbụ-mbụ, Nebukadineza nọ buruchanrịn ihiẹn ile wẹ dọnmẹ imẹ Ụlọ-NSỌ Osolobuẹ lẹ imẹ obi-eze, ọ kwarị ihiẹn goru ile Solomọnụ eze Izrẹlụ mbụ-mbụ mẹmẹ wẹ gi e mẹ ihiẹn imẹ Ụlọ-nsọ Osolobuẹ.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Jerimaya 23:7

“Mmẹ wụ Osolobuẹ rị nwan e ku ẹ nị ogẹn lala, asịkọzị wẹ, ‘Ma Osolobuẹ hụn gha alị Ijiptu wepụha ndị Izrẹlụ.’

Jerimaya 50:28

Gọn ni ntịn, ihiẹn ndị hụn isi gha Babilọnụ gbapụha rị e ku imẹ Zayọnụ: wẹ rị e ku kẹ Osolobuẹ wụ Chuku ẹnyi dọn mẹgwarị ndị Babilọnụ, mẹgwarị wẹ ihiẹn wẹ mẹ Ụlọ-NSỌ a.

Jerimaya 51:11

Osolobuẹ sị, “Pịn nị ọbara-ụta! Buru ni akpaịn ụnụ! Osolobuẹ a kpọligụọ ndị-nze alị Mẹdịa, makẹni Osolobuẹ chọ n'o tikpọ alị Babilọnụ. Osolobuẹ k'e mẹgwarị — o k'e mẹgwarị wẹ ihiẹn wẹ mẹ Ụnọ-NSỌ a.

Izikẹlụ 37:12

Bu nwan amụma sị wẹ, ‘Osolobuẹ Nwọn Ihiẹn Ile sị: Ndị nke m, lee ẹ, m jẹnkọ d'e kpupụ ili ụnụ, wepụha ụnụ imẹ wẹ, e welụa m ụnụ alị Izrẹlụ.

Daniẹlụ 11:38

Hụn nke o gi gbaye wẹ, ọ gbaye mmọn obodo ndị w'a gbaban ogẹn agha — mmọn hụn ndị nẹdi ẹ wẹ marịnlẹni, gi goru lẹ siliva lẹ ọmụma ndị rị mkpa lẹ ihiẹn ndị a ṅanrannị ye ẹ ọghọ.

Obadaya 1:17

Kanị, elu Ugu Zayọnụ wụ Izrẹlụ, o k'e nwọn ndị k'a wanahịnnị; wẹ k'a rịzịkwọ nsọ; uwẹ ndị ikpụlọ Jekọpụ k'e weri alị wẹ.