Juwẹlụ 3:17 - Ika

¹⁷ Ogẹn hụ, ụnụ a marịn nị mmẹ, Osolobuẹ hụn wụ Chuku ụnụ, bi Ugu Zayọnụ, ugu nsọ m. Jerusalẹm k'a wụ obodo rị nsọ, abịamabịa emẹrikọzị a.

Juwẹlụ 3:17 ပူးပေါင်းရင်းမြစ်များ

Jobu 15:19

ndị hụn o mẹni uwẹ sụọ te nwọn alị, kẹ itumunyẹ kelẹni bịa d'e buchesọnmẹ nke wẹ:

Ẹbụ-ọma 76:2

Imẹ Salẹm k'o bi; Imẹ Ugu Zayọnụ k'o bi.

Ẹbụ-ọma 9:11

Bụnị nị Osolobuẹ ẹbụ ịja mma, Osolobuẹ hụn nọ Zayọnụ rị Jerusalẹm a kị! D'a gwasọnmẹ ni alị ichẹn-ichẹn ihiẹn o mẹ!

Ọpụpụ 16:12

“A nụgụọ m kẹ ndị Izrẹlụ rị e dẹnnwịnwịn. Sị wẹ, ‘Ọhị gbama ṅẹnrẹn-ṅẹnrẹn, ụnụ k'e ri anụ; o ru ụtụntụn, ụnụ k'e ri brẹdi, rijun ẹfọ. Ogẹn ahụn kẹ ụnụ e gi marịn nị m wụ Osolobuẹ, Chuku ụnụ.’ ”

Azaya 11:9

Ịrụ-ẹhụ lẹ ntikpọ arịkọzị elu ugu nsọ m ile — makẹni ịmarịn-Osolobuẹ k'e jun elu-ụwa ile kẹ mirin dọn jun ohimin.

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 35:8

Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ.

Azaya 4:3

Wẹ k'a kpọ ndị k'a họdụ imẹ Zayọnụ, imẹ Jerusalẹm, “Ndị rị nsọ”, ndị hụ ile Osolobuẹ detu ẹfan wẹ nị wẹ k'a rị ndụn imẹ Jerusalẹm.

Azaya 46:13

M wela nwan ihiẹn ahụn rị mma; ọ rịgụọ nsue; nzụọpụha m rọ, o biekọ d'a bịa. M k'e ye Zayọnụ nzụọpụha; bu ọghọ m che Izrẹlụ ẹhụ.

Azaya 52:1

Tẹnhin! Tẹnhin! Zayọnụ, tẹnhin! Jeri ikẹn lekẹ ẹkwa. Obodo nsọ wụ Jerusalẹm, yiri ẹwuru ọma ị; ndị ahụn wẹ kwalẹni ugun, ndị ahụn rịlẹni ụchan, abanhankọzị imẹ i.

Azaya 56:7

m k'e wẹhẹ wẹ Ugu nsọ m, ye wẹ ịghọghọ imẹ Ụlọ m wẹ nọ e mẹ ekpere. M k'a narịn kẹ oyiye wẹ kpọ ọkụn kẹ ẹjan ndị ọzọ ile hụn wẹ k'e wẹhẹ elu ukpo nchụn-ẹjan m; makẹni wẹ k'a kpọ Ụlọ m Ụlọ alị ile a nọ e mẹ ekpere.’ ”

Jerimaya 31:23

Osolobuẹ ihiẹn ile rị okpuru ẹ, hụn wụ Chuku Izrẹlụ sị, “Ogẹn m'e gi gha imẹ ẹgbụn igbọn wẹ rị welụa wẹ, ndị bi alị Juda lẹ obodo rịsọnmẹ imẹ ẹ k'e kumẹzi okuni, ‘Osolobuẹ ya gọzi yụ wụ alị ezi-omumẹ, yụ wụ ugu nsọ!’

Jerimaya 31:40

Ọdanmgbugbu hụ rị ebẹhụ hụn w'a tụye ozun lẹ ntụn anụ ndị nchụn-ẹjan kpọ ọkụn lẹ alị ugbo ile rị mkpẹnrẹn Ọdanmgbugbu hụ k'a rịchanrịn imẹ ẹ, rudẹ Ọdanmgbugbu Kidrọnụ hụn rị ẹbamịn ọwụwa-ẹnyanwụn, pụhazị Ọnụ-mgbọn Ẹshin rị ẹbamịn-ugu. Wẹ ile jẹnkọ d'a wụ ihiẹn rị nsọ ẹnya Osolobuẹ. Ehuepụkọzị wẹ obodoni mọbụ tikpọzị a.”

Izikẹlụ 20:40

Makẹni, mmẹ, Osolobuẹ Nwọn Ihiẹn Ile, rị e ku ẹ nị Izrẹlụ ile k'a nọrịrị elu-ugu nsọ m, elu ugu rị Izrẹlụ, fe m ofufe, wẹ ile k'a nọrịrị imẹ alị Izrẹlụ ebẹhụ fe m. M k'a nabanhan wẹ ebẹhụ, nọ a lemẹzi ẹnya ihiẹn ụnụ a tụhanị m lẹ oyiye ndị hụ kachanrịn mma ụnụ e ye lẹ ihiẹn ndị ọzọ ile rị nsọ ụnụ gi e fe m.

Izikẹlụ 37:6

M k'e bu akwanran ẹhụ che ụnụ, mẹ uru pụha, mẹ akpụkpọ-ẹhụ kpumẹ ụnụ, e bu m uzun che imẹ ụnụ, ụnụ a rị ndụn. Ogẹn ahụn, ụnụ a marịn nị mmẹ wụ Osolobuẹ.’ ”

Izikẹlụ 43:12

“Ọnwan wụ iwu Ụlọ-nsọnị: ebe ile fihunmẹn'ẹ elu ugu ahụn ọ rị k'a rịchanrịn nsọ. Ịya wụ iwu Ụlọ-nsọnị.

Izikẹlụ 44:9

Osolobuẹ Nwọn Ihiẹn Ile sị: Onyẹ alị ọzọ kwalẹni ugun ẹhụ lẹ obi abanyekọ imẹ ụlọ-nsọ m; onyẹ alị ọzọ bidẹ imẹ igunrun ndị Izrẹlụ abanyekọd'a kaka.

Izikẹlụ 48:35

“Azụụn ẹnịnọ obodo hụ k'a wụ maịlị isin. Gha ogẹn ahụn jẹnmẹ, ẹfan obodo hụ k'a wụ ‘Osolobuẹ Rị Ebẹhụ.’ ”

Daniẹlụ 11:45

O k'a rụn obi-eze o k'e bi ẹkẹrẹ ogẹn ye ẹgbata Ohimin lẹ Ugu nsọ hụ ma mma. Kanị ọnwụn k'e gbu ẹ, onwọnni onyẹ k'e yen'ẹ ẹka.

Daniẹlụ 9:16

Euu Osolobuẹ, gi ufiri ezi-omumẹ i mẹ nwan kẹ i dọn e mẹ — y'a latọ olulu lẹ ọnụma i gi nwan rị e sọn Jerusalẹm, hụn wụ obodo i, ugu nsọ ị, makẹni njọ ẹnyi lẹ ụrụ ndị nẹdi ẹnyi e mẹgụọ Jerusalẹm lẹ ndị nke i wụrụ ihiẹn ndị nọkunmẹni ẹnyi gi a mụ ẹmụ.”

Juwẹlụ 2:27

Ogẹn ahụn kẹ ụnụ e gi marịn nị m rị imẹ Izrẹlụ lẹni mmẹ Osolobuẹ sụọ wụ Chuku ụnụ — onyẹ ọzọ arịa. Onwọnzini ogẹn ụya e gi ri ndị nke m.

Juwẹlụ 3:21

M k'a gbagharị wẹ ogbugbu wẹ gbu hụn m kelẹni gbagharị wẹ; makẹni imẹ Zayọnụ kẹ mmẹ wụ Osolobuẹ bi!”

Maịka 4:7

E gi m ndị te wụ ngụrọ pumẹzi alị wẹ, gi ndị nwẹn m te jụ họnrin okẹn alị; mmẹ wụ Osolobuẹ a nọ Ugu Zayọnụ kị wẹ jẹnrin ejẹn.”

Nahum 1:15

E lee ni ụkụ onyẹ rị elu ugu gi ozi rị mma lala! Ọ hụ e yi, “Ihiẹn ile a rịgụọ mma! Ndị Juda mẹmẹzi ni mmẹmmẹ ụnụ! Mẹni ni nwan Osolobuẹ nkwa ụnụ kwe ẹ; ndị-ejẹ ahụn amayekọzị ụnụ! Wẹ k'e tikpọchanrịn wẹ!”

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’

Rẹvẹleshọnụ 21:27

Kanị onwọnni ihiẹn ọwụlẹ rụnị mọbụ onyẹ e mẹ ihiẹn Osolobuẹ a sọ mọbụ onyẹ e mẹ ihiẹn ọwụlẹ ya lẹ ntụ wị k'a banyen'ẹ. Ndị wẹ de ẹfan wẹ imẹ ẹkụkwọ ndụn-itẹbitẹ Nwa-ebulu hụ sụọ k'a banye ẹ.