Juwẹlụ 2:32 - Ika

³² Onyẹ ọwụlẹ hụn k'a kpọku ẹfan Osolobuẹ k'a wanahịn makẹni Osolobuẹ e kuọl'a n'o k'e nwọnrịrị ndị k'a wanahịnnị — imẹ ndị rị ugu Zayọnụ lẹ ndị rị Jerusalẹm; ndị hụ k'a wanahịnnị k'a wụ ndị m họrị.

Juwẹlụ 2:32 ပူးပေါင်းရင်းမြစ်များ

Jẹnẹsisi 4:26

Sẹtị nkẹ mụzịkwọ okẹnnyẹ, kpọ a “Ẹnọshị”. Ogẹn hụ kẹ ịhịan gi kpọkumẹ ẹfan Osolobuẹ.

Ẹbụ-ọma 50:15

kpọku m ogẹn nsọngbu, m k'a zụọpụha ị, y'a ja m mma.

Azaya 10:22

Izrẹlụ, ọsụọn'a nị ụnụ bu nwan ọda kẹ ẹjan rị mkpẹnrẹn ohimin, ndị bulẹni ọda sụọ k'a họdụ kinhẹn. Osolobuẹ e kutọgụọ oku ntikpọ o k'e tikpọ ụnụ, ntikpọ hụn jọgbu enwẹn ẹ kanị o furu efuru.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 11:16

Ụzọ shịanị k'a rịnị ndị nke ẹ họdụnị — hụn wẹ k'e gi gha Asiria pụha, k'o dọn rịnị ndị Izrẹlụ ogẹn wẹ gi gha alị Ijiptu pụha.

Azaya 4:2

O ru ogẹn ahụn, agalaba Osolobuẹ k'e mẹ n'o suepụha jẹnkọ d'a ma mma, nwọn ọghọ; alị ugbo k'e mẹ ihiẹn ọda-ọda, ndị Izrẹlụ họdụnị k'a rị e gi ẹ a dụ ẹka obi, gi ẹ nwọn ọghọ.

Azaya 46:13

M wela nwan ihiẹn ahụn rị mma; ọ rịgụọ nsue; nzụọpụha m rọ, o biekọ d'a bịa. M k'e ye Zayọnụ nzụọpụha; bu ọghọ m che Izrẹlụ ẹhụ.

Jerimaya 31:7

Osolobuẹ sịzị, “Bụnị nị Jekọpụ ẹbụ ịghọghọ; yini ni alịnị ka alị ndị-ọzọ ile oro ịghọghọ. Weshi ni olu elu ye ekele, a sị, ‘Euu, Osolobuẹ, dodo zụọpụha ndị nke i, ndị Izrẹlụ họdụnị.’

Jerimaya 33:3

‘Kpọku m, m k'a za ị, gwa ị okẹn-ihiẹn zuerini, hụn ị marịnlẹni.

Emọsụ 9:8

“Ile kẹ Di-nwọnni-ẹnyi Osolobuẹ e lee alị-ezeni rị e mẹ njọ. M k'e tikpọ a, wepụ a elu ụwa, kanị, etikpọchanrịnkọ m ikpụlọ Jekọpụ ile.” Osolobuẹ e kugụọ a!

Obadaya 1:17

Kanị, elu Ugu Zayọnụ wụ Izrẹlụ, o k'e nwọn ndị k'a wanahịnnị; wẹ k'a rịzịkwọ nsọ; uwẹ ndị ikpụlọ Jekọpụ k'e weri alị wẹ.

Obadaya 1:21

Ndị mgbapụha jẹnkọ e shi Ugu Zayọnụ d'a nọ a kị Ugu-Ịsọ wụ alị Ẹdọm. Ogẹn ahụn, Osolobuẹ lẹ enwẹn ẹ k'a wụ eze.

Maịka 5:3

O jẹnkọ nwan d'a lagụ wẹ tọ d'e ru mgbe okpoho hụ imẹ rị e mẹ mụ, umunẹ ẹ họdụnị a lụaburu ndị Izrẹlụ.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Jọnụ 10:16

M nwọn atụnrụn ndị ọzọ rịlẹni igunrunni. M jẹnkọ d'e wẹhẹzi wẹ; wẹ k'e gọn m ntịn. Wẹ ile a wụrụ igunrun ohu lẹ onyẹ-ndu ohu.

Jọnụ 4:22

Ụnụ amarịn onyẹ ụnụ rị e fe; kanị, ẹnyi nwẹn a marịnghọ onyẹ ẹnyi rị e fe, makẹni ẹka ndị Ju kẹ nzụọpụha gha lala.

Ọrụn Ndị-ozi 15:17

kẹni ndị ile họdụnị hụn ụzọ bịa d'e kunrun Di-nwọnni-ẹnyi — kẹ ndị alị ọzọ ile m k'a kpọ d'a za ẹfan m. Ya kẹ Di-nwọnni-ẹnyi hụn mẹ wẹ

Ọrụn Ndị-ozi 2:39

Makẹni ụnụ kẹ Osolobuẹ kwe nkwanị n'o k'e zihẹ Mmọn-nsọ — ụnụ lẹ ụmụ ụnụ lẹ ndị rị ebe teni — onyẹ ọwụlẹ Di-nwọnni-ẹnyi wụ Osolobuẹ ẹnyi k'a kpọ oku.”

Ndị Rom 11:26

Ya wụ, ndị Izrẹlụ ile jẹnkọ d'e nwọn nzụọpụha, nọkẹ kẹ Ẹkụkwọ-nsọ dọn ku, sị, “Onyẹ-nzụọpụha k'a gha obodo Zayọnụ bịa; o k'e wepụ eje-obibi imẹ igunrun ụmụ Jekọpụ.”

Ndị Rom 11:5

Ẹrịra k'ọ rịkwọ nwan; o nwọnzighọ ndị bulẹni ọda họdụnị, ndị Osolobuẹ gi ẹfọma a họtọ.

Ndị Rom 11:7

Ya wụ nwan nị ndị Izrẹlụ ahụnnị ihiẹn wẹ rị a lụgbuni enwẹn wẹ, ndị ahụn Osolobuẹ họrị sụọ hụn a, Osolobuẹ a kpọkin ndị họdụnị obi:

Ndị Rom 9:24

ya wụ ẹnyi ndị hụn ọ kpọ — kẹ ndị rị imẹ ẹnyi wụ ndị Ju ndị wụlẹni ndị Ju.

Ndị Rom 9:27

Nke ndị Izrẹlụ, Azaya gi wẹ yi oro, sị, “Ọsụọn'a nị ndị Izrẹlụ bu ọda kẹ ẹjan rị mkpẹnrẹn ohimin, ndị Osolobuẹ k'a zụọpụha imẹ wẹ ebukọ ọda;

Ndị Kọrẹntị Ibuzọ 1:2

Ẹnyi rị e dejẹnni ndị ụka Osolobuẹ rị obodo Kọrẹntị, ndị ahụn Osolobuẹ dọn nsọ imẹ Kraịstị wụ Jizọsị, ndị ahụn wẹ kpọ d'a wụrụ ndị-nsọ. Ẹnyi rị e dejẹnni uwẹ lẹ ndị ile rị ebe ọwụlẹ hụn a kpọku ẹfan Di-nwọnni-ẹnyi wụ Jesu Kristi hụn Nwọn ẹnyi lẹ wẹ.

Hibru 12:22

Kanị, Ugu Zayọnụ kẹ ụnụ bịa, obodo uku Osolobuẹ rị ndụn, Jerusalẹm hụn rị elu-igwee; ụnụ bịa d'e kunrun ndị mmọn-ozi oripiti-oripiti rị e mẹ mmẹmmẹ.