Juwẹlụ 2:3 - Ika

³ Ihun wẹ, ọkụn hụ e bu e ri, azụụn wẹ, ọkụn hụzị e nwun. Nị wẹ d'a bịa, alị mẹ wokowoko nọkẹ ugbo ahụn rị alị Idẹni, wẹ ghafegụ, o họnrin atụ, ugbo wẹ yi ọkụn; onwọnni akpụ ihiẹn ohu w'a latọ.

Juwẹlụ 2:3 ပူးပေါင်းရင်းမြစ်များ

Jẹnẹsisi 13:10

Lọtụ e lee ẹnya, hụn a nị alị-aradan Jọdanị, ibe sikọ Zụa, e nwọnhẹn mirin ọhụnma-ọhụnma nọkẹ ugbo-nta Osolobuẹ, nọkẹ alị Ijiptu. (Osolobuẹ eke tikpọ alị Sodọm lẹ Gomora ogẹn ahụn.)

Jẹnẹsisi 2:8

Ya kẹ Osolobuẹ wụ Chuku nọ rụntọ ugbo imẹ alị Idẹni hụn rị ibẹka ọwụwa-ẹnyanwụn ụwa. Ọ nọ bu ịhịan ahụn o mẹmẹ che ebẹhụ.

Ẹbụ-ọma 50:3

Osolobuẹ ẹnyi lala, kanị o tukọ udọn: ọkụn e bu ihiẹn e ri rị a ihun, okẹn ẹbi rị a kpọnị fihunmẹ ẹ!

Ẹbụ-ọma 97:3

Ọkụn e burun'ẹ ụzọ o jẹnkọnị, a dụngbu ndị-iṅẹnrẹn ẹ.

Ọpụpụ 10:15

A kpụjun wẹ alị d'e ru nị alị e gimẹ ngi; wẹ nọ ripụ ihiẹn ile ẹkwan-igwere gbuhọdụ, ihiẹn ile rị ugbo lẹ mkpụrụ-osisi rị elu osisi. O nwọnni ẹhụhụọ-oyiyi họdụ enu osisi mọbụ elu ihiẹn-akụnkụn imẹ alị Ijiptu ile.

Ọpụpụ 10:5

Wẹ k'e jun alị, kpumẹchanrịn a, nke wụnị eleghakọzị wẹ akpakalị. Wẹ k'e ripụ hụn nta ẹkwan-igwere gbuhọdụnị ụnụ — kẹ osisi ọwụlẹ rịzị imẹ ugbo ụnụ.

Azaya 14:17

Onyẹ nwẹn mẹ ụwa gba okpokoro, tikpọsọnmẹ obodo ndị shịa ẹfọ rịn'a, jụ n'ọ hatukọ ndị ọ nwụn nị wẹ la?”

Azaya 15:6

Mirin wẹ wụ Nimrim a tahị, ẹfịfịa wẹ e shinwụn; ihiẹn-akụnkụn a la, onwọnzini ẹhụhụọ-oyiyi họdụnị.

Azaya 33:4

Ihiẹn ile ụnụ bulụa agha a la, e mẹ w'ẹ ihiẹn igurube lẹ ọwụwụ mẹ mkp'ẹhụhụọ.

Azaya 51:3

Osolobuẹ k'a rọkọrịrị Zayọnụ obi, mẹ omikẹn dọnzi ebe ile rịn'a wiwini. O k'e mẹ alị a te kpọgụ nkụn mẹmẹ ihiẹn ọhụnma nọkẹ Idẹni; o k'e mẹ alị a te wiwini n'ọ nọ kẹ ugbo-nta Osolobuẹ. Ịghọghọ lẹ obi-ụsụọ k'a rị alị a, Ịkpanmịn Osolobuẹ lẹ ịbụ-ẹbụ.

Azaya 9:18

Eziẹ, eje-obibi rị a dụn kẹ ọkụn; ọ dụnpụ ogun-lẹ-ọkịnkan; ọ mụdẹ ọkụn e ye ẹgboko kin ẹnya, hụn ẹnwụnrụn a gidẹ a lọshi elu.

Azaya 9:19

Ọnụma Osolobuẹ ihiẹn ile rị okpuru ẹ e mẹgụọ alịnị kpọpụ nkụn, ndị alịnị e họnrin nkụn; onwọnni onyẹ e dọnmẹ ibe ẹ ndụn.

Jerimaya 5:17

Wẹ k'e ripụ ihiẹn-ugbo lẹ ihiẹn-oriri ụnụ, gbupụ ụmụ ikẹnnyẹ lẹ ikpoho ụnụ; wẹ k'e ripụ atụnrụn lẹ ewu lẹ efin ụnụ, ripụ alị vaịnị lẹ alị figi ụnụ. Wẹ k'e gi ọpịa-agha tikpọchanrịn obodo ụnụ ile zegbu enwẹn ẹ ụnụ gi e dọn ẹnya.

Izikẹlụ 36:35

Wẹ k'a sị, “Alịnị wẹ te lagụ iwi a nọgụọ nwan kẹ ugbo Idẹni! Obodo ndị nwẹn te lagụ iwi, gba okpokoro, dankpọchanrịn, kẹ wẹ tụnhunmẹgụ nwan mgbọn, biri!”

Emọsụ 7:4

Ọnwan wụ ihiẹn Di-nwọnni-ẹnyi wụ Osolobuẹ ghọsị m: M hụn Di-nwọnni-ẹnyi wụ Osolobuẹ k'ọ rị a hị wẹ wẹhẹ ọkụn d'e ye ndị nke ẹ afụnfụn. Ọkụn nọ rapụ okẹn ohimin, rimẹ akpakalị.

Habakọkụ 1:6

M rị nwan a kpọli ndị Kal'di alị Babilọnụ, ndị hụ ẹfọ jọ, hụn e mẹ ikẹn-ikẹn; hụn rị a kpa ikẹn elu ụwa ile, e werisọnmẹ obodo wụlẹni nke wẹ.

Zẹkaraya 7:14

E gi m ndị-iṅẹnrẹn feyịya wẹ kẹ okẹn ufere dọn e feyịya ihiẹn, fe wẹ ye alị ndị ọzọ wẹ marịnlẹni. Ẹrịra kẹ alị wẹ dọn gba okpokoro, onwọnzini onyẹ a gha a e jẹn, onwọnzini onyẹ a gha a a la; alị ọma nwẹn nọ gba okpokoro.