Juwẹlụ 2:26 - Ika

²⁶ Ụnụ k'a hụn ihiẹn-oriri ri ọhụnma-ọhụnma, ẹfọ e jun ụnụ, ụnụ a ja ẹfan Osolobuẹ wụ Chuku ụnụ mma, onyẹ hụn rụn nị ụnụ okẹn ọrụn atụmẹnya. Onwọnzini ogẹn ụya e gi ri ndị nke m.

Juwẹlụ 2:26 ပူးပေါင်းရင်းမြစ်များ

Jẹnẹsisi 33:11

Dodo, narịn ihiẹn wẹ wẹhẹn'i, makẹni Osolobuẹ e mẹọlẹ ni m ọhụnma; onwọnni ihiẹn rị a kọnị m.” Makẹni Jekọpụ tọ a rịọ a, Isọ nọ kweri narịn a ihiẹn ndị ahụn.

Nehemiah 9:25

Wẹ nọ mẹri obodo ichẹn-ichẹn wẹ tụnhunmẹ mgbọn, weri wẹ, lẹ alị bu ọda e mẹ ihiẹn-ugbo; e werisọnmẹ wẹ ụlọ ihiẹn ichẹn-ichẹn rị mma jun lẹ ọmị ndị hụ gutọ lẹ ugbo-vaịnị rịsọnmẹ alị hụ lẹ ugbo-olivu lẹ osisi bu ọda hụn a mị mkpụrụ. E rijun wẹ ẹfọ, ẹhụ wẹ a pụha; okẹn-ọhụnma ị rị e mẹni wẹ hụ a sụọ wẹ ụsụọ ẹfọ.

Ẹbụ-ọma 103:5

O gi ihiẹn rị mma e yejun i ẹfọ, hụn ndụn gi a rịsọnmẹ ị nọkẹ ugọn.

Ẹbụ-ọma 116:7

Obi m, zumẹzi nwan ikẹn, nị Osolobuẹ e mẹkẹmẹkẹni m.

Ẹbụ-ọma 13:6

M k'a bụnị Osolobuẹ ẹbụ, makẹni o mẹgụọnị m ọhụnma ọda-ọda.

Ẹbụ-ọma 22:26

Ndị igbẹnnyẹ k'e ri, rijun ẹfọ; ndị ile e fe Osolobuẹ k'a ja a mma. Obi ụnụ ya rị ndụn jẹnrin ejẹn!

Ẹbụ-ọma 37:19

Eshinwụnkọ wẹ ogẹn nsọngbu; wẹ k'e nwọn ihiẹn-oriri ọda ogẹn ụnwụn.

Ẹbụ-ọma 67:5

Alị ichẹn-ichẹn wẹ ja ị mma, Chuku; alị ile wẹ ja ị mma!

Ẹbụ-ọma 72:18

Ọjịja-mma ya rịnị Osolobuẹ wụ Chuku, Chuku ndị Izrẹlụ — hụn ịya sụọ a rụn ọrụn atụmẹnya.

Itẹn 13:25

Ndị ezi-omumẹ a hụn ihiẹn a gụnnị wẹ e ri; kanị ẹfọ onyẹ eje-omumẹ a ra hụn ihiẹn-oriri.

Ẹbụ Solomọnụ 5:1

A banhangụọ m imẹ ugbo-obobo m, nwẹnẹ m, nwunyẹ m; a kparịgụọ m maa m lẹ ihiẹn m ndị-ọzọ e kun ọhụnma. E rigụọ m ọgba-ẹnwụn m lẹ mirin-ẹnwụn m; a ragụọ m manya m lẹ mirin-ẹran m. E ri ni-o ndị ọwụ ẹnyi; a ra nị-o; ndị rị a sụọnị, rajun ni ẹfọ-o!

Azaya 25:1

Euu Osolobuẹ, ịyụ wụ Chuku m; m k'e ye i ọghọ, ja ẹfan ị mma, makẹni y'e mẹgụọ kẹ onyẹ wẹ gi e dọn ẹnya, mẹ okẹn-ihiẹn ichẹn-ichẹn a tụ ẹnya, ihiẹn ndị hụn ị rotọ mbụ-mbụ.

Azaya 29:22

Ufiri ẹ kẹ Osolobuẹ, hụn gbapụha Ebraham, gi nwan rị a sị ikpụlọ Jekọpụ, “Ifẹnrẹn emẹkọzị ebọn Jekọpụ; ekpumẹkọ wẹ ihun yeni ifẹnrẹn.

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Azaya 54:4

Atụlẹ egun, ifẹnrẹn emẹkọ ị. Atụlẹ egun ịfa — y'a fakọ. I k'a zọdẹ ifẹnrẹn hụn mẹn'i kẹ ị rị nwagbọọ; y'a nyanhankọzị ụya i ri kẹ m la ị tọ rịkẹ onyẹ di nwụnnahịn.

Azaya 55:2

Kị ụnụ rị e tuhuni egho e ṅọn ihiẹn wụlẹni ihiẹn-oriri, a rụngbu enwẹn ụnụ yeni ihiẹn ghalẹni e jun ẹfọ? Gọn m ntịn ọhụnma-ọhụnma, n'ị hụn ụzọ ri ihiẹn rị mma, ezigbo ihiẹn-oriri hụn jẹnkọ d'a rịchanrịn ị mma.

Lẹvitikọsụ 25:19

alị e mẹni ụnụ ihiẹn ọhụnma-ọhụnma, ụnụ e ri, rijun ẹfọ, bi alị hụ, onwọnni ihiẹn k'e mẹ ụnụ.

Lẹvitikọsụ 26:26

Ogẹn m'e gi gbukin ụzọ ụnụ gha e nwọnhẹn ihiẹn-oriri, ikpoho iri sikọ d'e gi ite ohu sụọ shi ihiẹn-oriri ụnụ ile k'e ri. Wẹ k'a ghadẹ e keye ịhịan ya ẹkẹrẹ-ẹkẹrẹ; ụnụ k'e ri, ẹfọ ejunkọ ụnụ.

Lẹvitikọsụ 26:5

Ọ kẹrẹkọnị ụnụ ghọgụ ọka ụnụ, ogẹn vaịnị e ru; ọ kẹrẹkọnị ụnụ ghọgụ vaịnị, ogẹn ịkụnzị ihiẹn e ru; ụnụ k'e ri, ri, rijunchanrịn ẹfọ, bi alị ụnụ, onwọnni ihiẹn k'e mẹ ụnụ.

Maịka 6:14

Ụnụ jẹnkọ d'e ri ihiẹn-oriri, kanị ẹfọ ejunkọ ụnụ; ẹgụn k'a rị a ta ụnụ ẹfọ! Ụnụ k'a kpatọ, kanị ọ tọkọ; m k'e we ihiẹn ụnụ kpatọ ye agha ripụ.

Zẹfanaya 3:11

O ru ogẹn hụ e wepụ m'ị ifẹnrẹn ihun, Jerusalẹm — ifẹnrẹn ihiẹn ile ụnụ gi nupụnị m isi. Makẹni, m k'e wepụ ndị mpache lẹ ndị e mẹkarị enwẹn wẹ, ụnụ emẹkarịkọzị enwẹn ụnụ elu Ugu nsọ m.

Zẹkaraya 9:15

Osolobuẹ ihiẹn ile rị okpuru ẹ k'e che wẹ nche, e mẹri wẹ ndị-iṅẹnrẹn wẹ: a zọgbu wẹ ndị a gba araba, bu wẹ ri, e yi oro-agha nọkẹ ndị manya nwunye ẹnya, ẹdeke e jun k'o jun afẹrẹ nchụn-ẹjan, jun wẹ ẹhụ nọkẹ mpịn ukpo nchụn-ẹjan.

Zẹkaraya 9:17

Alị wẹ k'a rịchanrịn mma, a la ẹnya! Ọka k'e jun, ikorọbịa hụ e gi ẹ a ban ihiẹn; manya-vaịnị e jun, ịgbagba hụ e gi ẹ a ban ihiẹn.

Ndị Rom 10:11

Makẹni, Ẹkụkwọ-nsọ sị, “O kpuyekọ onyẹ kwerinin'ẹ.”

Ndị Rom 5:5

bụ olilẹnyanị ekpuyekọ ẹnyi, makẹni Osolobuẹ nwọn ihiẹn-ọsụsụọ ẹnyi ọda-ọda — o hugụọd'a ye ẹnyi imẹ obi ghahanị Mmọn-nsọ a o ye ẹnyi.

Ndị Rom 9:33

kẹ Ẹkụkwọ-nsọ dọn ku ẹ, sị, “Lee ẹnya, e butọgụọ m ọmụma imẹ Zayọnụ, ọmụma ịhịan a kpọgburu a dan, nkumẹ hụn k'e mẹ wẹ dan. Kanị, o kpuyekọ onyẹ kwerinin'ẹ.”

Ditrọnọmi 11:15

M k'e mẹ ẹfịfịa rujun ọfịa kẹni anụ ụnụ hụn ri. Ụnụ sikọ d'e ri, rijun ẹfọ.”

Ditrọnọmi 12:12

ụnụ a nọzị ihun Osolobuẹ wụ Chuku ụnụ ebẹhụ mẹ mmẹmmẹ rịn'a, ụnụ lẹ ụmụ ụnụ ikẹnnyẹ lẹ ikpoho, idibo ụnụ ikẹnnyẹ lẹ ikpoho lẹzi ndị Livaị rị obodo ụnụ makẹni ekeyeni wẹ ndị Livaị alị mọbụ ukuu nke ẹka wẹ.

Ditrọnọmi 12:18

Kaka! Ihun Osolobuẹ wụ Chuku ụnụ sụọ, ebahụn o k'a họrị, kẹ ụnụ a nọ ri wẹ, ụnụ lẹ ụmụ ụnụ ikẹnnyẹ lẹ ikpoho, idibo ụnụ ikẹnnyẹ lẹ ikpoho lẹ ndị Livaị rịsọnmẹ obodo ụnụ; ụnụ a nọ ihun Osolobuẹ wụ Chuku ụnụ ebẹhụ ghọghọ makẹ ihiẹn ụnụ rụnpụha.

Ditrọnọmi 12:7

Ihun Osolobuẹ wụ Chuku ụnụ ebahụn kẹ ụnụ lẹ ikpụlọ ụnụ k'a nọrịrị ri oriri, mẹ mmẹmmẹ ya lẹ wẹ wị hụn ụnụ gi a ghọsị nị Osolobuẹ wụ Chuku ụnụ a gọzigụọ ihiẹn ụnụ buche ẹka.

Ditrọnọmi 8:10

Ụnụ jẹnkọ d'e ri ihiẹn-oriri rijun ẹfọ, ụnụ a kpanmịn Osolobuẹ wụ Chuku ụnụ makẹ alị-ọma o ye ụnụ.

Timoti Ibuzọ 6:17

Nke ndị wụ ọdanfịn elu ụwanị, gba wẹ mkpịnsịn-ẹka, sị wẹ apachelẹ mọbụ gi ẹfe (akụ-lẹ-ụba) ụwanị ghalẹni a tọ dọn ẹnya. Kama, wẹ gi Osolobuẹ dọn ẹnya, onyẹ hụn e yechanrịn ẹnyi ihiẹn ile e yekwasị kẹni ẹfọ a sụọ ẹnyi ụsụọ.

Jọnụ Ibuzọ 2:28

Ẹghẹẹ ụmụẹka, nọdị nị imẹ ẹ, kẹni obi ru ẹnyi ile alị ogẹn o gi bịa, amamgbe ifẹnrẹn e mẹ ẹnyi ihun ẹ Ụhụọhịn o k'a bịa.