Juwẹlụ 2:23 - Ika

²³ Ẹfọ ya sụọma ụnụ ụsụọ, ndị Zayọnụ; ghọghọma nị makẹ Osolobuẹ wụ Chuku ụnụ, makẹni o yegụọ ụnụ mirin-ahụa gi tụnị ụnụ ụya; o mẹgụọ mirin zue ni ụnụ ọda-ọda, kẹ mirin-ahụa kẹ mirin ikpanzụụn kẹ o dọn e mẹ mbu.

Juwẹlụ 2:23 ပူးပေါင်းရင်းမြစ်များ

Ndị-nze Nke Ibuzọ 8:36

dodo, nọ elu-igwee nụ, y'a gbagharị idibo i njọ, ndị nke i wụ Izrẹlụ, y'a kuzi wẹ ezigbo ụzọ hụ furuni wẹ k'a gha, y'e zi mirin zueye alịnị i ye ndị nke i weri.

Jobu 33:23

Kanị omẹni o nwọnghọ onyẹ-ozi rị a nsue onyẹ k'a rịọn'a Osolobuẹ, ọsụọn'a ohu imẹ nnụ ole-lẹ-ole, hụn k'a gwa onyẹ hụ ihiẹn o furu n'o mẹ,

Jobu 37:13

O zi orukpu n'o gi ẹ ye ịhịan afụnfụn mọbụ n'o gi ẹ mẹ mirin zueyen'ẹ alị mọbụ n'o gi ẹ ghọsị a ihiẹn-ọsụsụọ a.

Ẹbụ-ọma 104:34

Osolobuẹ ya dodo nị ihiẹnni m rị e ro sụọ a ụsụọ; Osolobuẹ kẹ mmẹ nwẹn gi a ghọghọ.

Ẹbụ-ọma 147:8

O gi orukpu gbama igwere, o mẹ mirin e zueye alị, e mẹ ẹfịfịa e sue elu òke ichẹn-ichẹn.

Ẹbụ-ọma 149:2

Ndị Izrẹlụ wẹ ghọghọma makẹ Onyẹ hụn keni wẹ; ẹfọ ya sụọma ndị Zayọnụ ụsụọ makẹ Eze wẹ.

Ẹbụ-ọma 28:7

Osolobuẹ wụ ikẹn m lẹ akpaịn m; Ịya k'e obi gi e ru m alị, o yeni m ẹka. Obi m hụ a tụshi elu, a ghọghọ, m hụ e gi ẹbụ a kpanmịn a.

Ẹbụ-ọma 32:11

A ghọghọ nị imẹ Osolobuẹ, e nwọn anwịnrịn, ụnụ ndị e feshi Osolobuẹ ikẹn; e yi ni oro ịghọghọ, ụnụ ile obi wẹ rị ọchan.

Ẹbụ-ọma 84:6

Wẹ ghakọnị Ọdanmgbugbu Baka, e mẹ wẹ ẹ wụrụ ebe isi-mirin jun; ngọzi wụ mirin ahụa e jun ẹ.

Itẹn 16:15

Ihun sụọ eze ẹmụ, ịhịan a rị ndụn; ọhụnma eze nọzịkwọ kẹ orukpu udu-mirin.

Azaya 30:21

Nke wụnị, ọ sụọn'a nị ụnụ kụye ẹka-nni mọbụ ẹka-ekpẹn, ụnụ k'a nụ olu rị ụnụ ibe azụụn, a sị, “Ọnwan wụ ụzọ, ghashi n'ẹ!”

Azaya 30:23

Osolobuẹ jẹnkọ d'e mẹzi mirin zueni ụnụ makẹ nkpụrụ ụnụ kụnye alị; ihiẹn-oriri alị k'e ye ụnụ k'a rịchanrịn mma, jun. Ogẹn ahụn, efin ụnụ k'a nọ ọfịa shịanị ẹfịfịa jun a kpa nni.

Azaya 41:16

Ị k'a fụchanchanrịn wẹ kẹ ọka, ufere e buru wẹ, okẹn ufere a kpọhuhu wẹ — y'e gi ufiri Osolobuẹ a ghọghọ, y'e gi Onyẹ-nsọ Izrẹlụ a ghọghọ a dụ ẹka obi.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Jerimaya 3:3

Ya haịn m gi kwọndọn mirin, mirin udu-mirin ezuezini; bụ ụnụ hụkwọ e bu isi-ikẹn nọkẹ ịgbaraja, jụ nị ifẹnrẹn emẹkọ ụnụ.

Jerimaya 5:24

W'a ra sịdẹ enwẹn wẹ, ‘Nị ẹnyi gbaye ni Osolobuẹ wụ Chuku ẹnyi, hụn e zihẹ mirin ogẹn ẹ: kẹ mirin ẹnyi gi a kụn ihiẹn-ugbo kẹ hụn ihiẹn-ugbo gi e mẹ ọhụnma; hụn e mẹ ẹnyi a hụnsọnmẹ mkpụrụ a ghọrị ogẹn ịghọ-mkpụrụ.’

Ẹkwan 4:2

Ndị Zayọnụ nwẹn te rịkẹnmẹ mkpa, ndị hụn te wụchanrịn goru, kẹ wẹ werizi nwan kẹ ite-ụrụa mmakalaka — ọrụn-ẹka ọkpụ-ite!

Izikẹlụ 34:26

M k'e mẹ uwẹ lẹ ebe ile fihunmẹ ugu m wụrụ ngọzi. M k'e zihẹ mirin udu ẹ, mirin hụn k'e wẹhẹ ngọzi.

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Lẹvitikọsụ 26:4

m k'e zihẹni ụnụ mirin, udu ẹ ru — alị e mẹ ihiẹn, osisi ụnụ kụn a mị mkpụrụ.

Emọsụ 4:7

“Mmẹ kwọndọn mirin ọrọgbọ ifọn ẹtọ nị wẹ d'a ghọma ihiẹn ugbo. M zi mirin d'e zue imẹ obodo ohu, ezikọ m'a zue imẹ hụn-ẹbọ; m zi ẹ zueye ugbo ohu, a la m hụn-ẹbọ tọ, hụn o zueyelẹni a kpọpụ nkụn.

Zẹkaraya 10:1

Rịọ nị Osolobuẹ mirin ogẹn udu-mirin, Osolobuẹ hụn e mẹ mirin e ru, e zue ọda-ọda, Onyẹ hụn e mẹ ihiẹn wẹ kụn ugbo e sue.

Zẹkaraya 10:7

Ogẹn hụ ndị Ifrem k'a nọ kẹ odogun-agha; obi k'a gha a sụọ wẹ ụsụọ nọkẹ sị wẹ ra manya. Ụmụ wẹ k'a hụn a, ghọghọma; ẹfọ k'a sụọ wẹ ụsụọ makẹ Osolobuẹ.

Zẹkaraya 9:13

Ndị Izrẹlụ rị Juda wụ ụta m — e kwọngụọ m'a; ndị Izrẹlụ rị Ifrem wụ ọbara ụta hụ e bugụọ m'a che ụta m! Zayọnụ, m k'e nu ụmụ ị d'a lụ agha; Javanị wụ Grisi, m k'e nu ụmụ Zayọnụ d'a maye ụmụ ị Filistia; gi wẹ mẹ i ihiẹn onyẹ-agha gi ọpịa-agha e mẹ.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Ọrụn Ndị-ozi 14:17

Kanị, onwọnni ogẹn o gi latọ ịshịanị enwẹn ẹ ẹri ghahanị mma ọ rị e mẹ. Ọ gha elu-igwee e mẹ mirin e zueni ụnụ, e ye ụnụ mkpụrụ a ghọrị udu wẹ, e ye ụnụ ihiẹn-oriri ụnụ gi e rijun ẹfọ, e mẹ ịghọghọ e jun ụnụ obi.”

Ditrọnọmi 11:14

Osolobuẹ sị, “M k'e zi mirin zueye alị ụnụ udu-mirin, kẹ mirin ibuzọ wụ mirin ahụa kẹ mirin ikpanzụụn, kẹni ụnụ hụn ọka, manya lẹ ofigbọn-olivu.

Ditrọnọmi 28:12

Osolobuẹ k'e kpupụ igwere, ebahụn o butọ ihiẹn bu ọda, zi mirin zueye alị ụnụ udu-mirin, gọzi ọrụn-ẹka ụnụ ile. Ụnụ k'e zinye ndị alị bu ọda, kanị ụnụ ezinnarịnkọ alị ọwụlẹ.

Ditrọnọmi 32:2

Nkuzi m jẹnkọ nwan d'e zue kẹ mirin, oku-ọnụ m jẹnkọ d'e ziẹn kẹ igirigi, nọkẹ mbụmbụ-mirin bụye elu irurue ọhụn, nọkẹ ezigbo mirin zueye elu ihiẹn pu nke ọhụn.

Ndị Filipi 3:1

Umunẹ m, igi mẹkin: m sị ụnụ, a ghọghọ nị imẹ Di-nwọnni-ẹnyi. Ndụn idezini ụnụ ihiẹn m degụnị ụnụ mbụ agụkọ m, makẹni o k'e yeni ụnụ ẹka.

Ndị Filipi 3:3

Makẹni, ẹnyi nwẹn wụ ndị hụn kwa ezigbo ugun: ẹnyi ndị rị e fe Osolobuẹ ofufe imẹ-mmọn ghahanị Mmọn-nsọ, ẹnyi ndị gi Kraịstị wụ Jizọsị e dọn ẹnya, a nyan isi, ẹnyi ndị ghalẹni e gi ihiẹn ẹnya e legha e dọn ẹnya,

Ndị Filipi 4:4

A ghọghọ nị imẹ Di-nwọnni-ẹnyi ogẹn ile! E kuzi m'ẹ: a ghọghọ nị!