Juwẹlụ 2:21 - Ika

²¹ “Euu alị, atụlẹ egun; ka ghọghọma, e nwọn anwịnrịn — makẹni Osolobuẹ e mẹọlẹ okẹn ihiẹn!

Juwẹlụ 2:21 ပူးပေါင်းရင်းမြစ်များ

Jẹnẹsisi 15:1

Ihiẹn ndịnị e mẹgụ, Ebram nọ hụn ọhụn ebe Osolobuẹ nọ sị a, “Ebram, atụlẹ egun; mmẹ wụ akpaịn ị hụn e che i nche; m k'a kụ ị ụgwọ higbu enwẹn ẹ ogbe.”

Ẹbụ-ọma 71:19

Chuku, ezi-omumẹ i jẹnkarị igwere elu! Y'e mẹ okẹn-ihiẹn! Chuku, onyẹ nọ kẹ yụ?!

Ẹbụ-ọma 98:8

Iyi ile wẹ kpọma ẹka; ugu ile wẹ yimẹ oro ịghọghọ;

Azaya 35:1

Kẹ atụ kẹ alị ọkpọ-nkụn jẹnkọ d'a ghọghọ ogẹn hụ! Ẹghẹẹ, alị ọkpọ-nkụn jẹnkọ d'a ghọghọ, ihiẹn e pujun ẹ nọkẹ kẹ ẹfịfịa wụ krokusu dọn e pujun udu-mirin!

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 44:23

Igwere, bụma ẹbụ ịghọghọ, makẹni Osolobuẹ e mẹgụọ ihiẹnni! Alị, yi oro! Ugu ichẹn-ichẹn, bụye ni ẹbụ — kẹ ọfịa lẹ osisi ile rịn'a! Makẹni Osolobuẹ a gbapụhagụọ ebọn Jekọpụ, o giọlẹ ụmụ Izrẹlụ ghọsị ọghọ a.

Azaya 54:4

Atụlẹ egun, ifẹnrẹn emẹkọ ị. Atụlẹ egun ịfa — y'a fakọ. I k'a zọdẹ ifẹnrẹn hụn mẹn'i kẹ ị rị nwagbọọ; y'a nyanhankọzị ụya i ri kẹ m la ị tọ rịkẹ onyẹ di nwụnnahịn.

Azaya 55:12

Ịghọghọ kẹ y'e gi pụ, udọn kẹ w'e gi dupụha ị; ugu lẹ òke hụn ị a bụma wẹ ẹbụ; osisi ile rị ọfịa k'a hụn ị kpọma ẹka.

Jerimaya 33:3

‘Kpọku m, m k'a za ị, gwa ị okẹn-ihiẹn zuerini, hụn ị marịnlẹni.

Hosia 2:21

O ru ogẹn ahụn, m k'a za: m k'a za igwere oku, igwere e gi mirin za alị,

Juwẹlụ 2:20

M k'e chụpụ nị ụnụ ndị-agha ahụn gha ẹbamịn-ugu bịa; m k'a chụ wẹ shi atụ, alị ọkpọ-nkụn nwọnlẹni onyẹ bin'ẹ. M k'a chụ ndị rị ihun shi ohimin rị ẹbamịn ọwụwa-ẹnyanwụn, a chụ m ndị rị azụụn shi ohimin rị ẹbamịn ọdịdan-ẹnyanwụn. Ozun wẹ k'e shinja, o k'a ghadẹ imẹ mirin e shinpụha. “Eziẹ, Osolobuẹ e mẹọlẹ okẹn ihiẹn!

Juwẹlụ 2:26

Ụnụ k'a hụn ihiẹn-oriri ri ọhụnma-ọhụnma, ẹfọ e jun ụnụ, ụnụ a ja ẹfan Osolobuẹ wụ Chuku ụnụ mma, onyẹ hụn rụn nị ụnụ okẹn ọrụn atụmẹnya. Onwọnzini ogẹn ụya e gi ri ndị nke m.

Zẹkaraya 8:15

ẹrịra kẹ m dọn nwan rị e ku ẹ nị m k'e mẹ obodo Jerusalẹm lẹ alị Juda ile mma; atụlẹ ni egun.

Ditrọnọmi 4:32

Jụkwọ nị wẹ ihiẹn mẹ mbụ-mbụ nị wẹ d'a mụ ụnụ, gha ụhụọhịn hụ Osolobuẹ ke ịhịan elu-ụwa; jẹndẹ ni ebe ile ụwa ru d'a jụ kẹ okẹn ihiẹn nọ ẹnịna e mẹtughọ ra a nụtughọdẹ wẹ ihiẹn nọ ẹnịna?

Samuẹlụ Nke Ibuzọ 12:16

“Wuzo ni nwan, nị ụnụ hụn okẹn ihiẹn Osolobuẹ sikọ d'e mẹye ụnụ ẹnya kikẹnni:

Samuẹlụ Nke Ibuzọ 12:24

Ka hụnn'a nị ụnụ a tụ egun Osolobuẹ lẹ nị ụnụ wechanrịn enwẹn ụnụ kwan'a. Rodẹ ni okẹn ihiẹn ndị hụ o mẹsọnmẹni ụnụ.