Juwẹlụ 2:2 - Ika

² Ọhịhị k'a gba ụhụọhịn ahụn, eki e fọnpụkọ; okẹn mirin k'e ru, igwere e gitọ ụhụọhịn ahụn Igunrun ndị-agha bugbu enwẹn ẹ ọda k'a pụha elu ugu ndịnị, ụdị hụn rịtulẹni; ụdị hụn jẹnkọlẹni d'a rịzị.

Juwẹlụ 2:2 ပူးပေါင်းရင်းမြစ်များ

Ẹbụ-ọma 10:6

Ọ hụ a sị enwẹn ẹ, “Onwọnni ihiẹn k'e mẹni m; ẹfọ jẹnkọ d'a sụọsọnmẹ m ụsụọ, enwọnkọ m nsọngbu.”

Ẹbụ-ọma 97:2

Orukpu lẹ ẹkpa-ishi fihunmẹ ẹ; ezi-omumẹ lẹ imẹ ihiẹn furuni k'o gi a kị.

Ọpụpụ 10:14

Wẹ nọ jun alị Ijiptu ile, bejun alị ahụn ile. Igurube akpụtuni alị ahụn ẹrịra; ọ kpụkọzị a ẹrịra.

Ọpụpụ 10:6

Wẹ k'a kpụjun ụlọ ile wụ nke i lẹ ụnọ ịhaịmẹ i lẹ ụlọ ndị Ijiptu ile; ihiẹn ndị nẹdi i lẹ ndị mụnị wẹ hụntulẹni kete wẹ bimẹlẹ alịnị.’ ” E kugụ wẹ, Mozizi nọ gbehutọ, gha ebe Fẹro rị pụ.

Ọpụpụ 20:21

Ndị Izrẹlụ nọtehụkwọ, kanị Mozizi nọ nọkunmẹ ẹkpa ishi hụ Osolobuẹ rị.

Azaya 5:30

Ụhụọhịn hụ, wẹ k'e yi Jerusalẹm oro kẹ ẹwọrọ, oro hụn nọ kẹ ebe ohimin rị a zụn ụzụn. Onyẹ lee alịnị ẹnya ogẹn ahụn, ọ hụn ishi lẹ ụya; igwere k'e gitọ, kpumẹdẹ ukpẹ.

Azaya 8:22

Wẹ lee ẹnya alị, a hụn wẹ nsọngbu lẹ ishi lẹ eje-ụya sụọ — a tụ wẹ wẹ ye imẹ ụya hụ.

Jerimaya 13:16

Kwerikwọ nị hụn Osolobuẹ wụ Chuku ụnụ ku gi ye ẹ ọghọ — o gini d'e mẹ ishi gbakpumẹ ụnụ, ụnụ gini d'a kpọgburumẹ lekẹ onyẹ-ijẹn ghakọ elu òke ebe eki rị e gi. Ụnụ rị a tụ ẹnya ukpẹ, kanị Osolobuẹ k'e mẹ ẹ wụrụ ẹkpa-ishi; o k'e mẹ ẹ wụrụ okẹn ishi.

Jerimaya 13:6

Akpọhịn ole-lẹ-ole a ghafegụ, Osolobuẹ nọzị sị m, “Jẹn nwan Peratị, Iyi Yufretisi, d'e weri nwa-mpe hụ m sị ị zuemẹ ebẹhụ.”

Ẹkwan 1:12

Onwọnni ihiẹn ọ wụ ụnụ ẹnya — ụnụ ile ndị rị a ghafeni? Lehunmẹ ni ẹnya nị ụnụ hụn: O nwọnghọ afụnfụn nọ kẹ afụnfụn wẹ ye m, afụnfụn hụn Osolobuẹ ye m ogẹn o gi ghọsị okẹn iwe rị e wen'ẹ?

Izikẹlụ 32:7

Ogẹn m'e gi tinyụn ị, m k'e mẹ igwere gba ishi, mẹ kokisẹ kebehi; e gi m orukpu kpumẹ ẹnyanwụn; ifọn nkẹ etikọ.

Izikẹlụ 34:12

Kẹ onyẹ e du atụnrụn rị igunrun atụnrụn dọn a chọ ndị kpapụnị, ẹrịra kẹ m k'a dọn chọ atụnrụn m. A zụọpụha m wẹ ebe-lẹ-ebe wẹ gbajẹn ụhụọhịn igwere fọnlẹni.

Izikẹlụ 38:9

O ru ogẹn ahụn, i jẹnkọ d'a bịa lekẹ okẹn ufere, rutọ kẹ orukpu d'e kpumẹ alị Izrẹlụ, yụ lẹ ndị agha ị ile lẹ ndị alị ọzọ bu ọda yụ lẹ wẹ wị.

Daniẹlụ 12:1

“O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ.

Daniẹlụ 9:12

Y'e mẹgụọ ihiẹn ị sị i k'e mẹ ẹnyi lẹ ndị ọkịkị ẹnyi ebe ị nọ mẹ ẹnyi okẹn ihiẹnni. Elu ụwanị ile rị okpuru igwere, emẹtuni wẹ alị ọzọ ihiẹn wẹ mẹ Jerusalẹm.

Juwẹlụ 1:6

Alị ohu a mayegụọ alị m agha alị hụn a kpa ikẹn, ndị agha wẹ bu ọda kẹ igurube! Eze rị wẹ ọnụ nọ kẹ nke ẹwọrọ, ọ nọchanrịn kẹ hụn ẹwọrọ gi e gbu e ri!

Juwẹlụ 2:25

M k'a kụkin ụnụ ahụa ole hụ igurube ri ihiẹn ụnụ kẹ igurube hụn a kpụnị kẹ hụn a tụnị kẹ hụn ghalẹni e rihọdụ ihiẹn kẹ hụn a janị.

Juwẹlụ 2:31

ẹnyanwụn k'a gba ishi; ifọn k'e nwunmẹ ẹdeke-ẹdeke, o kebe ru okẹn ụhụọhịn Osolobuẹ ahụn rị egun.

Juwẹlụ 2:5

Wẹ zụnla kẹ ụgbọ-ẹshin agha, fetula ugu ndịnị; a han kpata-kpata kẹ ẹfịfịa-ọkpọnkụn ọkụn rị a dụn, wẹ nọ kẹ okẹn igunrun agha jẹnkọ d'a lụma agha.

Juwẹlụ 3:4

“Elee hụn biri mmẹ lẹ ụnụ, alị Taya-lẹ-Sidọnụ lẹ alị ile rị ẹgbẹrẹ alị Filistia? Mmẹgwarị kẹ ụnụ rịdẹ a chọ nị ụnụ mẹgwarị m ra? Omẹni mmẹgwarị rọ, m k'e hu ihiẹn ụnụ rị e mẹ kpu ụnụ isi; m k'e mẹ ẹ, mẹ ẹ ozigbo-ozigbo!

Emọsụ 4:13

Lekwọ nị ẹnya, Onyẹ hụn mẹmẹ ugu ile, Onyẹ hụn ke ufere; Onyẹ hụn a gwa ịhịan uche ẹ; Onyẹ hụn e mẹ efinaị a gba ishi; Onyẹ hụn a zọ ebe ile jẹn elu elu-ụwa ụkụ; Osolobuẹ, Chuku ihiẹn ile rị okpuru ẹ ịya wụ ẹfan a!”

Zẹfanaya 1:7

Gba nị nwan nkịtịn ihun Osolobuẹ-nwọnni-ẹnyi, nị ogẹn okinkin-ikpe Osolobuẹ a rịgụọ nsue! Osolobuẹ a kwademẹgụọ n'o mẹ ndị alị Juda ihiẹn w'e mẹ anụ wẹ gi chụn ẹjan; Ọ họtọgụọ ndị o wela d'e ri ndị Juda kẹ w'e ri anụ.

Zẹkaraya 14:6

O ru ogẹn hụ, ukpẹ arịkọ, makẹni onwọnni ukpẹ rị igwere k'e tini.

Matiu 24:21

Makẹni okẹn afụnfụn jẹnkọ d'a rị, ụdị hụn rịtulẹni kete ụwa e bidọnlẹ, ụdị hụn jẹnkọlẹni d'a rịzị.

Makị 13:19

Makẹni okẹn afụnfụn jẹnkọ d'a rị ogẹn hụ — ụdị hụn rịtulẹni kete Osolobuẹ e kelẹ ụwa; ụdị hụn jẹnkọlẹni d'a rịzị.

Ditrọnọmi 32:7

Nyanhan ogẹn mbụ; leban ẹnya ogẹn ndị mbụ; jụ nẹdi i — n'ọ gwaghọ ị, jụ ndị-ichẹn nị wẹ kọwaghọnị ị:

Hibru 12:18

Makẹni, ebeni ụnụ bịa ẹlẹ Ugu Saịnaị wẹ e mẹtụ ẹka lẹ okẹn ọkụn rị e nwunni lẹ ishi lẹ ebe wẹ nọ a kwan ụya lẹ ebe okẹn ufere rị e fe.

Judu 1:13

Wẹ nọhụ kẹ mirin ohimin rị e mẹhunmẹni, ihiẹn ifẹnrẹn wẹ hụ a gbọshi elu kẹ ụfọfọ; wẹ wụ kokisẹ ụzọ ohu ghalẹni e ru, ndị Osolobuẹ kwademẹni ishi ka ishi a gba hụn k'a rị jẹnrin ejẹn!

Rẹvẹleshọnụ 9:2

Ọ nọ gụnpụ mgbugbu hụ migbu enwẹn ẹ, ẹnwụnrụn nọ gha ebẹhụ lọpụhama kẹ ẹnwụnrụn okẹn ọkụn wẹ gi a dụnchanpụ unyin goru, nke wụnị ẹnyanwụn lẹ ufere nọ gitọ yeni ẹnwụnrụn a.