Juwẹlụ 2:18 - Ika

¹⁸ Ẹnya jẹnkọ d'a fụ Osolobuẹ makẹ alị a, o gi ẹ mẹni ndị nke ẹ omikẹn.

Juwẹlụ 2:18 ပူးပေါင်းရင်းမြစ်များ

Ndị-nze Nke Ẹbụọ 19:31

Ẹghẹẹ, o nwọnghọ ndị k'a họdụnị imẹ Jerusalẹm, igunrun ịhịan k'a wanahịnrịrị imẹ ugu Zayọnụ. Adụdụ Osolobuẹ gi e mẹ ihiẹn kẹ Osolobuẹ k'e gi mẹ ihiẹnni.

Ẹbụ-ọma 103:13

Kẹ nẹdi dọn e mẹni ụmụ a omikẹn, ẹrịra kẹ Osolobuẹ dọn e mẹ omikẹn ndị a gbayen'ẹ.

Ẹbụ-ọma 103:17

Kanị ihiẹn-ọsụsụọ Osolobuẹ e sọn ndị a gbayen'ẹ gha alị lala, o sọn wẹ jẹnrin ejẹn; o mẹsọnmẹni wẹ ihiẹn furuni d'e rudẹ ẹka ụmụ lẹ ụmụ-ụmụ wẹ,

Azaya 37:32

Ẹghẹẹ, ịhịan k'a họdụ imẹ Jerusalẹm, igunrun k'a wanahịn imẹ ndị rị ugu Zayọnụ. Osolobuẹ ihiẹn ile rị okpuru ẹ k'e gi adụdụ a mẹ ihiẹnni.

Azaya 42:13

Osolobuẹ k'a pụha kẹ odogun-agha, o k'a kpasu enwẹn ẹ kẹ onyẹ-agha; o k'e weshi olu elu yi oro-agha, o k'e mẹri ndị-iṅẹnrẹn ẹ.

Azaya 60:10

Itumunyẹ k'a tụndọnzidẹ mgbọn ụnụ; ndị-nze wẹ k'a wụ ndị ọrụn ụnụ. E te giọlẹ m olulu mẹ ụnụ ihiẹn, kanị, m jẹnkọ nwan d'e lee ụnụ ẹnya rị mma, mẹ omikẹn ụnụ.

Azaya 63:15

Dodo, gha nwan elu-igwee lee ẹnya, gha okẹn ukpo-eze i ahụn rị nsọ lee ẹnya alị!! Ọrịrịmma ẹnyi ara dụzịdẹ ị ra? Ebe ikẹn i rị nwan? Y'a ra gizi ẹfọma lẹ omikẹn sọn ẹnyi.

Azaya 63:9

Ọ nị ihiẹn ile rị e mẹtụrụnị wẹ e mẹtụrụ ya nwẹn; ọ nọyeni wẹ nọkẹ mmọn-ozi, zụọpụha wẹ. Ọ nọ gi ihiẹn-ọsụsụọ lẹ omikẹn gbapụha wẹ; ọ bushi wẹ elu, parịdẹ wẹ aparị — hụn ahụn ile ogẹn mbụ ahụn.

Jerimaya 31:20

Osolobuẹ sị: ẹlẹ nwa m kẹ Ifrem wụdẹ nwan ra; nwa m hụn rị m obi, nwa m hụn ẹfọ gi a sụọ m ụsụọ? Ọsụọn'a nị m'e ku ẹ ni ihiẹn ọ rị e mẹ arị mma, ọ rị m obi ọda-ọda. Ọ da m ọda-ọda; omikẹn ẹ e mẹ m e mẹ.

Ẹkwan 3:22

ihiẹn-ọsụsụọ Osolobuẹ haịn wẹ gilẹni gbuchanrịn ẹnyi, makẹni omikẹn ẹ ara gụ.

Zẹkaraya 1:14

Mmọn-ozi hụn rị a gwa m oku nọ sị m, ‘Gwa wẹ ihiẹnni: Ọnwan wụ ihiẹn Osolobuẹ ihiẹn ile rị okpuru ẹ ku: ezioku-ezioku, ọ rị a dụ m nị m dọnzi Jerusalẹm lẹ Zayọnụ; ọ rị a dụ m ọda-ọda,

Zẹkaraya 8:2

“Ọnwan wụ ihiẹn Osolobuẹ ihiẹn ile rị okpuru ẹ ku: Ụya Jerusalẹm rị e ri a fụka m; ọ hụ a fụ m, e bu m olulu ọda-ọda!

Luku 15:20

“Ya ọ nọ buli, buru nẹdi ẹ. Kanị, ebe ọ rị ebe teni, nẹdi ẹ nọ lechen'ẹ; omikẹn nwa a nọ mẹ nẹdi ẹ ọda-ọda, ọ nọ gbaburu nwa a, dide ẹ, susu ẹ ọnụ.

Ditrọnọmi 32:16

E gi wẹ ife mmọn-lẹ-iyi mẹ ẹnya fụma a, gi ihiẹn ndị ahụn rụnị wẹ kpụ kpasu ẹ iwe.

Ditrọnọmi 32:36

Osolobuẹ k'a tụnnị ndị nke ẹ ụya, mẹ omikẹn idibo ẹ, ọ hụn a nị ndụn a gụgụọ wẹ, nị onwọnni onyẹ họdụnị — kẹ igbọn kẹ ndị nwọn enwẹn wẹ.

Ditrọnọmi 32:43

Alị ndị ọzọ rị ichẹn-ichẹn, sọn ni ndị nke ẹ ghọghọ, makẹni o jẹnkọ d'e mẹgwarị ndị gbu idibo ẹ; o jẹnkọ d'e mẹgwarị ndị-iṅẹnrẹn ẹ, mẹ ihiẹn gi gbarị alị a lẹ ndị nke ẹ.

Jemisi 5:11

Eziẹ, ẹnyi a ja ndị din ndidin mma. Ụnụ a nụghọ kẹ Jobu dọn din ndidin; ụnụ a hụnzịghọ ihiẹn Di-nwọnni-ẹnyi mẹ ikpanzụụn, nị Di-nwọnni-ẹnyi e mẹkẹ ẹfọma lẹ omikẹn.

Ndị Han Eṅẹn 10:16

Ya wẹ nọ kwapụchanrịn mmọn-lẹ-iyi ichẹn-ichẹn wẹ rị e fe imẹ igunrun wẹ, femẹ Osolobuẹ. Osolobuẹ nkẹ asazịnị ẹka din ụya ndị Izrẹlụ rị e ri.