Juwẹlụ 2:14 - Ika

¹⁴ Onyẹ ma? Ikẹnkwọ o rohutọ, mẹ omikẹn, gọzidẹ ụnụ — ụnụ a hụn ọka lẹ manya ụnụ e gi ye Osolobuẹ wụ Chuku ụnụ oyiye.

Juwẹlụ 2:14 ပူးပေါင်းရင်းမြစ်များ

Samuẹlụ Nke Ẹbụọ 12:22

Ọ nọ sị, “Kẹ nwata hụ kelẹni nwụn, m bu ọnụ, kwan ẹkwan. M te hụ a sị, ‘Onyẹ maị? Osolobuẹ nwọn ikẹn lee m ẹnya ihun, nị nwata hụ rị ndụn.’

Samuẹlụ Nke Ẹbụọ 16:12

Ikẹnkwọ Osolobuẹ a hụn ihiẹn wẹ rị e mẹ m, gi ezigbo ihiẹn kụ m ụgwọ iyini m rị a narịn tannị.”

Ndị-nze Nke Ẹbụọ 19:4

Ikẹnkwọ Osolobuẹ wụ Chuku i a nụghọ oku-ọnụ onyẹ-isi-aghanị di-nwọnn'ẹ wụ eze Asiria zihẹ d'a kpari Chuku rị ndụn; ikẹnkwọ Osolobuẹ wụ Chuku i a jụgbọ a banyeni oku ndị ahụn Osolobuẹ nụ ọnụ a. Mẹni nwan ẹnyi ndị họdụ imẹ alị Juda ekpere.”

Ọpụpụ 32:30

Eki e fọn, Mozizi nọ sị ndị Izrẹlụ, “Ụnụ e mẹọlẹ okẹn njọ. Kanị m sikọ elu uguni d'e kunrunzi Osolobuẹ; ikẹnkwọ nị m s'ẹka rịọ a hụn o gi gbagharị ụnụ njọ ụnụ mẹ.”

Azaya 65:8

Kanị, Osolobuẹ sịzịkwọ, “Ịhịan hụn ọhịọ vaịnị mirin rị ogbe ẹ ọda-ọda, a sị wẹ, ‘Ewiwilẹ ẹ, ni ihiẹn rị mma hụzịghọ a,’ Ẹrịra kẹ m k'e mẹ makẹ ufiri idibo m — etikpọchanrịnkọ m ịhịan ile.

Jerimaya 18:8

nị ndị ahụn m gwa oku e bihutọ ẹka, latọ eje-ihiẹn wẹ rị e mẹ, mmẹ nwẹn sikọ d'e rohutọ, emẹkọzị m wẹ ihiẹn m te sị nị m k'e mẹ wẹ.

Jerimaya 26:13

Ka bihutọ nị nwan ẹka, mẹbehi eje-ihiẹn; gọn ni Osolobuẹ wụ Chuku ụnụ ntịn, kẹni Osolobuẹ rohutọ, latọ ihiẹn ọ sị o k'e mẹ ụnụ.

Jerimaya 26:3

Ikẹnkwọ e gọn wẹ ntịn, onyẹ-onyẹ a kụsị eje-obibi ọ rị e bi, e gi m ufiri ẹ latọ ihiẹn m rị a chọ nị m mẹ wẹ makẹ eje-obibi wẹ.

Juwẹlụ 1:13

Ndị nchụn-ẹjan, yiri ni ẹkwa-achọ kwanma: ụnụ ile ndị ọrụn ukpo nchụn-ẹjan Osolobuẹ! D'e yiri ni ẹkwa-achọ chu ụran; ụnụ ndị a rụnnị Chuku m ọrụn! N'o nwọnzini ọka lẹ manya rịnị wẹ e gi chụn ẹjan imẹ Ụlọ-nsọ Chuku ụnụ.

Juwẹlụ 1:16

Ihiẹn-ugbo ẹnyi te k'e ri a lagụọnị iwi idẹnya ẹnyi? Anwịrịn lẹ ịghọghọ a kụsịgụọnị imẹ Ụlọ Chuku ẹnyi?

Juwẹlụ 1:9

Ọka lẹ manya wẹ e gi chụn ẹjan imẹ Ụlọ-nsọ Osolobuẹ arịzịa; ndị nchụn-ẹjan a rụn ọrụn Osolobuẹ hụ a kwan.

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.

Jona 1:6

Ya kẹ onyẹ-isi ụgbọ nọ jẹnburu ẹ ebẹhụ, sị a, “Elee hụn kẹ ị rị a ranhịnnị? Lihi ọtọ, n'ị kpọku mmọn yụ nwẹn e fe! Ikẹnkwọ o mẹ ọhụnma zụọpụha ẹnyi.”

Jona 3:9

Onyẹ marịn? Ikẹnkwọ Osolobuẹ e gharị, ikẹnkwọ olulu ẹ a rọ, ẹnyi a hụn isi.”

Zẹfanaya 2:3

Mẹsọnmẹ ni uche Osolobuẹ ụnụ ile hụn e welụa enwẹn wẹ alị, ụnụ ile hụn e mẹ ihiẹn Osolobuẹ ku; e mẹni uche ẹ, ewelụabehikwọlẹ ni enwẹn ụnụ alị; ikẹnkwọ Osolobuẹ a nị ụnụ wanahịn ogẹn hụ o k'a ghọsị iwe-lẹ-ọnụma a.

Hagaị 2:19

Ihiẹn-ugbo a gụgụọ ọban, ẹlẹ ya? Kẹ vaịnị kẹ figi kẹ pomegraneti kẹ olivu, onwọnzini hụn a mị mkpụrụ, ẹlẹ ya? Kanị m sị ụnụ nị gha tannị jẹnmẹ, m k'a gọzi ụnụ.”

Timoti Nke Ẹbụọ 2:25

e gi nwayọ a kọwanị ndị ghalẹni e kweyen'ẹ, makẹni Osolobuẹ nwọn ikẹn mẹ wẹ rogharị, bịa d'a marịn ezioku,

Joshụa 14:12

Ye m nwan alịnị rị elu ugu hụn Osolobuẹ kwe m nkwa ụhụọhịn ahụn. Y'a nụghọ a ụhụọhịn ahụn nị ndị adụn-aran Anakị rị ebẹhụ, uwẹ lẹ obodo uku, obodo uku wẹ tụnhunmẹ mgbọn; kanị, omẹni Osolobuẹ a nọyeghọnị m, m sikọ d'a chụpụ wẹ kẹ Osolobuẹ dọn ku.”

Samuẹlụ Nke Ibuzọ 6:5

Kpụ ni ihiẹn-ofifi ndị hụ lẹ oke ndị hụ rị e wiwi alị ụnụ, ụnụ e gi wẹ ye mmọn Izrẹlụ ọghọ. Ikẹnkwọ o sekin ẹka mẹbehi ụnụ lẹ mmọn ụnụ lẹ alị ụnụ ihiẹn ọ rị e mẹ ụnụ.