Juwẹlụ 2:13 - Ika13 dọwa nị obi ụnụ, ẹlẹ ẹwuru ụnụ. Kinhẹn ni ebe Osolobuẹ wụ Chuku ụnụ rị; onyẹ ẹfọma lẹ omikẹn k'ọ wụ; ara bukẹnrin olulu; o nwọn ihiẹn-ọsụsụọ ọda-ọda; ọ latọ afụnfụn o te k'e ye ịhịan alatọ.” အခန်းကိုကြည့်ပါ။ |
A jụ wẹ n'e gọnkọ wẹ ntịn, anyanhanzidẹni wẹ ọrụn-atụmẹnya ị rụnsọnmẹ imẹ igunrun wẹ; a gba wẹ isi akwanran tumẹrin ịhịan n'o dukin wẹ Ijiptu nwẹn wẹ te nọ wụ igbọn. Kanị Chuku hụn a gbagharị njọ k'ị wụ, onyẹ ẹfọma lẹ onyẹ e mẹyeni ịhịan, onyẹ ghalẹni e wekẹnrin iwe, onyẹ e nwọn ihiẹn-ọsụsụọ ọda-ọda, y'a gbakitọkwọnị wẹ azụụn —
Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.
Ya Jona nọ mẹ ekpere sị Osolobuẹ, “Heuu Osolobuẹ! Ekuni m'ẹ nị m d'a gha ụlọ buli n'i jẹnkọ d'e mẹ ẹnịna? Ịya haịn m te gi gbashikọ Tashishi. Amarịnghọ m n'ị wụ Chuku hụn e ro ịhịan, n'i wụ Onyẹ-omikẹn; nị y'a ra bukẹnrin olulu; nị y'e nwọnkẹ ihiẹn-ọsụsụọ ịhịan, nị y'e rohutọ a latọ afụnfụn i te k'e ye ịhịan.