Juwẹlụ 2:11 - Ika

¹¹ Osolobuẹ rị wẹ ihun e gi akpara e ye olu, hụn o gi dukọ ndị-agha a! Ndị-agha ọ kịla ẹlẹ hụn w'a gụn! Igwerigwe hụn e mẹchanrịn ihiẹn ọwụlẹ o ku! Ụhụọhịn Osolobuẹ k'a wụ okẹn ụhụọhịn, o k'a rị egun! Onyẹ k'a saẹka wuzo?

Juwẹlụ 2:11 ပူးပေါင်းရင်းမြစ်များ

Ẹbụ-ọma 18:14

Ọ nọ gba ụta a — gi ẹ chụzịza ndị-iṅẹnrẹn; o gi amụma rị e be ọda-ọda mẹri wẹ okẹn mmẹri.

Ẹbụ-ọma 46:6

Alị ichẹn-ichẹn e susuhu; alị-eze wẹ hụ e mẹhunmẹ — olu Chuku hanhụ, ụwa ile e dẹnhin!!

Ẹbụ-ọma 68:18

Ị nọ shi ebẹhụ jẹn elu, dukọ ndị ị nwụnlụa agha — ịhịan hụ e wẹhẹni i ihiẹn wẹ gi a chann'ị ẹnya, kẹ ndị te jụ nị arịkọ wẹ okpuru i — ị nọ shi ebẹhụ kẹni i biri ebẹhụ, Osolobuẹ wụ Chuku.

Azaya 13:4

Gọn ntịn ụzụn rị elu ugu, ọ nọ kẹ nke igunrun hi ogbe! Gọn ntịn isusu ndị alị-eze ichẹn-ichẹn — ndị alị ichẹn-ichẹn rị e zu. Osolobuẹ ihiẹn ile rị okpuru ẹ rị a kpọkikomẹ ndị-agha nị wẹ d'a lụ agha.

Azaya 42:13

Osolobuẹ k'a pụha kẹ odogun-agha, o k'a kpasu enwẹn ẹ kẹ onyẹ-agha; o k'e weshi olu elu yi oro-agha, o k'e mẹri ndị-iṅẹnrẹn ẹ.

Azaya 7:18

O ru ogẹn ahụn, Osolobuẹ k'e gi ọfịfị wẹhẹ alị Ijiptu, nzinzin hụ rị njẹndemẹ iyi lẹ ẹnwụn hụ wụ alị Asiria.

Jerimaya 25:30

“Gi nwan okuni ile buni wẹ amụma — sị wẹ: Osolobuẹ jẹnkọ d'a gha imẹ-elu dẹn rịkẹ ẹwọrọ; olu ẹ jẹnkọ d'a gha ebẹhụ rị nsọ o bi han rịkẹ akpara; o k'e yini alị a eje-oro. O k'e yi oro nọkẹ ndị rị a zọ vaịnị; o k'e yini ndị bi elu ụwa oro.

Jerimaya 30:7

Ogẹn hụ lalanị k'a jọgbu enwẹn ẹ! Onwọnni eje-ogẹn nọ kẹ ya. O jẹnkọ d'a wụnị ebọn Jekọpụ ogẹn okẹn nsọngbu, kanị o k'a hụn isi wanahịn.’ ”

Jerimaya 50:34

Kanị onyẹ a gbapụhanị wẹ ze e ze; Osolobuẹ ihiẹn ile rị okpuru ẹ wụ ẹfan a. O k'e kinni wẹ ọnụ wẹ ru isi ẹ, kẹn'o ye alị wẹ udọn, bu nsọngbu tọnị ndị bi Babilọnụ. “Osolobuẹ sị:

Izikẹlụ 22:14

I ro n'i k'a hụn ndụn wuzo? I ro nị ẹka ị k'a s'ẹka zụọ ị ụhụọhịn ahụn? Mmẹ wụ Osolobuẹ e kuọl'a; m k'e mẹ ẹ.

Juwẹlụ 1:15

Ụhụọhịn ahụn k'a jọgbu enwẹn ẹ! Ụhụọhịn Osolobuẹ ahụn a rịgụọ nsue! Okẹn ntikpọ gha ẹka Onyẹ hụ nwọn ikẹn ile bịa k'o k'e buhẹ!

Juwẹlụ 1:6

Alị ohu a mayegụọ alị m agha alị hụn a kpa ikẹn, ndị agha wẹ bu ọda kẹ igurube! Eze rị wẹ ọnụ nọ kẹ nke ẹwọrọ, ọ nọchanrịn kẹ hụn ẹwọrọ gi e gbu e ri!

Juwẹlụ 2:1

Gbu ni opi elu ugu Zayọnụ! Nọ nị elu Ugu nsọ m hị ndị alị! Ndị ile bi alị Juda wẹ mẹhunmẹ makẹni ụhụọhịn Osolobuẹ e d'e ru.

Juwẹlụ 2:2

Ọhịhị k'a gba ụhụọhịn ahụn, eki e fọnpụkọ; okẹn mirin k'e ru, igwere e gitọ ụhụọhịn ahụn Igunrun ndị-agha bugbu enwẹn ẹ ọda k'a pụha elu ugu ndịnị, ụdị hụn rịtulẹni; ụdị hụn jẹnkọlẹni d'a rịzị.

Juwẹlụ 2:25

M k'a kụkin ụnụ ahụa ole hụ igurube ri ihiẹn ụnụ kẹ igurube hụn a kpụnị kẹ hụn a tụnị kẹ hụn ghalẹni e rihọdụ ihiẹn kẹ hụn a janị.

Juwẹlụ 2:31

ẹnyanwụn k'a gba ishi; ifọn k'e nwunmẹ ẹdeke-ẹdeke, o kebe ru okẹn ụhụọhịn Osolobuẹ ahụn rị egun.

Juwẹlụ 3:14

Lee igunrun-igunrun jun Ọdanmgbugbu okinkin-ikpe e che, makẹni o rumẹgụọ ụhụọhịn Osolobuẹ k'e mẹ ịhịan ihiẹn imẹ Ọdanmgbugbu okinkin-ikpe —

Juwẹlụ 3:16

Olu Osolobuẹ k'a gha Ugu Zayọnụ hanpụha kẹ olu ẹwọrọ rị e dẹnni; olu ẹ k'a gha Jerusalẹm hanpụha kẹ akpara (akpabọ). Elu-igwee lẹ ụwa k'e mẹhunmẹ. Kanị Osolobuẹ lẹ enwẹn ẹ k'e che ndị nke ẹ nche, ebe ndị Izrẹlụ a gbaban.

Emọsụ 1:2

Emọsụ sị, “Osolobuẹ gha Zayọnụ e bigbọ! Ọ gha Jerusalẹm a ban mban! Irurue jun ebe ile wẹ n'a zụn anụ hụ a kpọpụ nkụn; ẹfịfịa jun elu ugu Kamẹlụ hụ a kpọ nkụn!”

Emọsụ 5:18

Nsọngbu rị e che ụnụ ndị rị a sị ụhụọhịn Osolobuẹ ya bịakẹnrin! Kị ụnụ rịdẹ a chọnị n'ọ bịakẹnrin? Ọbịbịa a k'e wẹhẹkwọ ishi, ẹlẹkwọ ukpẹ!

Emọsụ 5:20

Y'a marịn nị ishi kẹ ọbịbịa Osolobuẹ k'e wẹhẹ, ẹlẹ ukpẹ? Nị ụya k'o k'e wẹhẹ, ẹlẹ olilẹnya?!

Obadaya 1:15

“Ogẹn Osolobuẹ k'e gi mẹshi alị ile ikẹn a rịgụọ nsue. Ihiẹn onyẹ mẹ kẹ Osolobuẹ k'e mẹ ẹ; onyẹ-onyẹ k'e gi isi ẹ buru ihiẹn o mẹ.

Nahum 1:6

Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Malakaị 3:2

Kanị, onyẹ k'a hụn isi ogẹn o k'e gi bịa? Onyẹ k'a s'ẹka turu mgbe o gi pụha? Makẹni, ọ nọ kẹ ọkụn wẹ gi a dụnchanpụ nsịn-igwe lẹ ncha wẹ gi a sụ ẹkwa!

Ọgụngụn 24:23

Balaam buzi amụma ọzọ sị “Euu, onyẹ k'a hụn isi wanahịn ogẹn Osolobuẹ e gi mẹ ihiẹnni?!

Ndị Tẹsalonika Ibuzọ 4:16

Makẹni, o ru ogẹn hụ, Di-nwọnni-ẹnyi k'e gi okẹn olu ku oku, olu onyẹ-isi ndị mmọn-ozi a han, opi Osolobuẹ a han, Di-nwọnni-ẹnyi a gha elu-igwee hidan; ndị nke Kraịstị ranhịngụnị e bu ụzọ gha ọnwụn lihi;

Rẹvẹleshọnụ 18:8

Afụnfụn ile furun'ẹ k'e gi akpọhịn ohu bịachanrịn — kẹ ọnwụn, kẹ ihiẹn-ẹkwan, kẹ ụnwụn. Wẹ k'a kpọ a ọkụn. Ẹghẹẹ, makẹni Chuku-nwọnni-ẹnyi hụn rị e ye afụnfụn wụ dikẹn.”

Rẹvẹleshọnụ 6:17

makẹni okẹn ụhụọhịn wẹ e gi ghọsị ọnụma a bịagụọ! Onyẹ jẹnkọ d'a sa ẹka wuzo!”