Juwẹlụ 2:10 - Ika

¹⁰ Wẹ pụha, alị e mẹhunmẹ, igwere e mẹhunmẹ; ẹnyanwụn lẹ ifọn a gba-ishi, kokisẹ e tibehi.

Juwẹlụ 2:10 ပူးပေါင်းရင်းမြစ်များ

Ẹbụ-ọma 114:7

Alị, mẹhunmẹmẹ, n'ị rị ihun Osolobuẹ, n'ị rị ihun Chuku Jekọpụ,

Ẹbụ-ọma 18:7

Alị e zinzin, mẹhunmẹ; ugu ile nọ zinzinru alị wẹ ile e mẹhunmẹ makẹni iwe we Osolobuẹ!

Azaya 13:10

Kokisẹ rị igwere lẹ ọkụdụ wẹ etikọ; anwụn rị a wanị k'a gba ishi, ifọn etikọ.

Azaya 34:4

Okokisẹ ile rị igwere sikọ d'e dẹnpụ, igwere lẹ enwẹn ẹ jẹnkọ d'a fịfịma kẹ ute. Ihiẹn ile rịn'a jẹnkọ d'a danpụ — lekẹ ẹhụhụọ-vaịnị ọkpọ-nkụn, kẹ akpụrụ-figi shinwụnnị dọn a danpụ.

Azaya 5:30

Ụhụọhịn hụ, wẹ k'e yi Jerusalẹm oro kẹ ẹwọrọ, oro hụn nọ kẹ ebe ohimin rị a zụn ụzụn. Onyẹ lee alịnị ẹnya ogẹn ahụn, ọ hụn ishi lẹ ụya; igwere k'e gitọ, kpumẹdẹ ukpẹ.

Jerimaya 4:23

E lee m ẹnya ụwa, onwọnni k'ọ nọ, ọ gbachanrịn okpokoro; E lee m ẹnya igwere, onwọnzini ukpẹ rịn'a.

Juwẹlụ 2:2

Ọhịhị k'a gba ụhụọhịn ahụn, eki e fọnpụkọ; okẹn mirin k'e ru, igwere e gitọ ụhụọhịn ahụn Igunrun ndị-agha bugbu enwẹn ẹ ọda k'a pụha elu ugu ndịnị, ụdị hụn rịtulẹni; ụdị hụn jẹnkọlẹni d'a rịzị.

Juwẹlụ 2:31

ẹnyanwụn k'a gba ishi; ifọn k'e nwunmẹ ẹdeke-ẹdeke, o kebe ru okẹn ụhụọhịn Osolobuẹ ahụn rị egun.

Juwẹlụ 3:4

“Elee hụn biri mmẹ lẹ ụnụ, alị Taya-lẹ-Sidọnụ lẹ alị ile rị ẹgbẹrẹ alị Filistia? Mmẹgwarị kẹ ụnụ rịdẹ a chọ nị ụnụ mẹgwarị m ra? Omẹni mmẹgwarị rọ, m k'e hu ihiẹn ụnụ rị e mẹ kpu ụnụ isi; m k'e mẹ ẹ, mẹ ẹ ozigbo-ozigbo!

Emọsụ 5:8

Onyẹ hụn ke kokisẹ rị igwere, hụn wụ Pleyadẹsi lẹ Oriọnụ; ịya e gi mkpọkịkị e họnrin ụtụntụn, e gi efinnaị e họnrin abalị. Ịya a hị mirin rị ohimin oku, we ẹ hukpu akpak'alị!! Osolobuẹ wụ ẹfan a!!

Nahum 1:5

Ugu hụn a, e mẹhunmẹ wẹ, elu òke hụn a, a rịnranpụ wẹ. Ọ pụha, elu-ụwa a mama piripiri, elu-ụwa lẹ ndị ile rịn'a!

Matiu 24:29

“Hụn nsọngbu ogẹn hụ gihụ ghafegụ, ẹnyanwụn jẹnkọ d'a gba ishi, ifọn etikọzị; kokisẹ rị igwere k'a dantusọnmẹ, ikẹn ndị rị igwere k'e mẹhunmẹ.

Matiu 27:51

Ya kẹ ẹkwa wẹ gi gbọnbepụ Ebẹhụ Kachanrịn Nsọ imẹ Ụlọ-nsọ nọ gbawa ẹbụọ ozigbo, gha elu d'e ru alị. Alị nọ zinzin, ọmụma hụ e tiwa;

Ọrụn Ndị-ozi 2:20

Ẹnyanwụn jẹnkọ d'a gba ishi, ifọn e nwunmẹ ẹdeke-ẹdeke, Ụhụọhịn Di-nwọnni-ẹnyi kebe ru, okẹn ụhụọhịn ahụn pụ ichẹn.

Rẹvẹleshọnụ 20:11

Ya m nọ hụn ukpo-eze ọchan hi-ogbe lẹ onyẹ nọdị alị elu ẹ. Ụwa lẹ elu-igwere nọ gbaman'a ọsọ, onwọnzini ebe wẹ k'a nọdị.

Rẹvẹleshọnụ 6:12

Ogẹn Nwa-ebulu hụ gi tọpụ eriri nke isin, e lee m ẹnya, m nọ hụn kẹ alị zinzin ọda-ọda, ẹnyanwụn nọ gimẹ kẹ ẹṅẹnrẹn ewu ogi; ifọn shịagụnị nọ nwunhutọ, nwunmẹ ẹdeke-ẹdeke.

Rẹvẹleshọnụ 8:12

Mmọn-ozi nke ẹnọ e gbu opi ẹ, ẹnyanwụn nọ wiwi azụụn ohu, ifọn lẹ kokisẹ nọ wiwizịkwọ azụụn ohu-ohu, a latọsọnmẹ wẹ azụụn ẹbụọ-ẹbụọ. Ukpẹ wẹ nọ tibelụa, timẹhụ ụzọ ẹbụọ imẹ ụzọ ẹtọ. Anwụn amụchanrịnzịnị kẹ ụhụọhịn han k'o dọn a mụ mbụ; ifọn etibiehanzịnị k'o dọn e ti mbụ. Wẹ kebe ụhụọhịn ụzọ ẹtọ, anwụn amụkarịzịnị ụzọ ẹbụọ — ẹrịra kẹ ifọn mẹzikwọ imẹ uhinhin.

Rẹvẹleshọnụ 9:2

Ọ nọ gụnpụ mgbugbu hụ migbu enwẹn ẹ, ẹnwụnrụn nọ gha ebẹhụ lọpụhama kẹ ẹnwụnrụn okẹn ọkụn wẹ gi a dụnchanpụ unyin goru, nke wụnị ẹnyanwụn lẹ ufere nọ gitọ yeni ẹnwụnrụn a.