Juwẹlụ 2:1 - Ika

¹ Gbu ni opi elu ugu Zayọnụ! Nọ nị elu Ugu nsọ m hị ndị alị! Ndị ile bi alị Juda wẹ mẹhunmẹ makẹni ụhụọhịn Osolobuẹ e d'e ru.

Juwẹlụ 2:1 ပူးပေါင်းရင်းမြစ်များ

Ihiẹn Mẹni Nke Ibuzọ 15:28

Ẹrịra kẹ ndị Izrẹlụ ile dọn bulụa Ẹkpẹti Nkwerigbama Osolobuẹ, e yi oro, e gbu opi igwe lẹ ọdụ, a kụ kpajaị (simbalụ), a kpọ ụbọ rị ichẹn-ichẹn.

Ẹbụ-ọma 119:120

Ẹhụ hụ a ma m nni yeni egun i; uhi i hụ a tụ m egun.

Ẹbụ-ọma 87:1

Elu ugu nsọ kẹ Osolobuẹ tụnye obodo Zayọnụ;

Ọpụpụ 10:14

Wẹ nọ jun alị Ijiptu ile, bejun alị ahụn ile. Igurube akpụtuni alị ahụn ẹrịra; ọ kpụkọzị a ẹrịra.

Azaya 13:6

Kwanmanị ụya, makẹni Ụhụọhịn Osolobuẹ e d'e ru; o k'a bịa nọkẹ ntikpọ, ntikpọ Onyẹ hụ nwọn ikẹn ile.

Azaya 13:9

Lee ẹ, Ụhụọhịn Osolobuẹ lala — ụhụọkịn jọgbu enwẹn ẹ, ụhụọkịn hụn ọnụma lẹ olulu k'a kpọ — hụn k'e mẹ alịnị gba okpokoro, tikpọ ndị-njọ rịn'a.

Azaya 2:12

Osolobuẹ ihiẹn ile rị okpuru ẹ a kayegụọ ụhụọhịn, ụhụọhịn o k'e gi mẹshi ndị mpache ile lẹ ndị ile kpọ enwẹn wẹ ihiẹn ikẹn, ndị ile e bọnmẹni; wẹ jẹnkọ d'e budan wẹ;

Azaya 66:2

Ẹlẹ ẹka m mẹmẹ wẹ, haịn wẹ gi rị?” Ya kẹ Osolobuẹ ku. Onyẹni kẹ m'a kpọ ịhịan: onyẹ hụn e welụa enwẹn ẹ alị njọ a e gbu mgbu obi, hụn a nụ oku m, e mẹhunmẹ.

Azaya 66:5

Nụ nị nwan oku Osolobuẹ, ụnụ ndị a nụ oku ẹ, e mẹhunmẹ! Umunẹ ụnụ hụn rị e ze ize ụnụ, e nu ụnụ e ye ụsụọ makẹ ufiri ẹfan m, a sịgụọ, “Osolobuẹ ya ghọsịkwọ ikẹn ẹ, kẹni ẹnyi hụn ịghọghọ ụnụ!” Kanị, uwẹ kẹ ifẹnrẹn jẹnkọ d'e mẹ.

Jerimaya 16:10

“Ị gwa wẹ ihiẹn ndịnị ile, nị a jụma wẹ i, sị, ‘Kị haịn Osolobuẹ gi e kuni o k'e mẹ ẹnyi eje-ihiẹn han ẹnịna? Kịnị kẹ ẹnyi mẹ? Elee njọ kẹ ẹnyi mẹ Osolobuẹ wụ Chuku ẹnyi?’

Jerimaya 16:7

Onwọnni onyẹ k'e buye ndị umẹ mẹ ihiẹn-oriri, ọsụọn'a ọnwụn nnẹ, ọsụọn'a ọnwụn nẹdi! Onwọnni onyẹ k'e wejẹnni wẹ manya n'o gi rọkọ wẹ obi, ọsụọn'a mkpu ohu sụọ.

Jerimaya 4:5

“Hị ihiẹnni alị Juda, ku ẹ imẹ obodo Jerusalẹm, sị wẹ, Gbu ni (opi) ọdụ ghagbama alịnị ile! Weshi ni olu elu, sị: ‘Zugbama nị! Nị ẹnyi gbashi ni obodo ẹnyi ndị zeni d'a hụarị!’

Jerimaya 5:22

Osolobuẹ sị: Ụnụ atụkọ egun m? Egun m ara tu ụnụ? Mmẹ gi ẹjan gbọndọn ohimin, mgbọn itẹbitẹ o jẹnkọlẹni d'a saẹka fetu, ẹbi-mirin nwọn ikẹn kpọ-ntan kpọ-imọn, ọ sakọ ẹka ghafe ẹ; ya zụndẹ ụzụn ile o k'a zụn, ọ sakọ ẹka hughafe ẹ.

Izikẹlụ 12:23

Gwa wẹ nị Osolobuẹ nwọn ihiẹn ile sị, ‘M k'a kụsị iluni, a tụbehi w'ẹ imẹ alị Izrẹlụ.’ Sị wẹ, ‘Ogẹn e rugụọ hụn ihiẹn ile wẹ hụn imẹ ọhụn e gi mẹ.

Izikẹlụ 21:12

“ ‘Nwa-ịhịan, yimẹ oro, gomẹ, makẹni ndị nke m kẹ wẹ k'e gi ẹ gbu; ndị-isi Izrẹlụ ile kẹ wẹ k'e gi ẹ gbu. A tụgụọ wẹ wẹ yeni ọpịa-agha hụ, uwẹ lẹ ndị nke m. Fịanma nwan ẹka obi.

Izikẹlụ 30:3

Makẹni ụhụọhịn ahụn e rugụọ; ụhụọhịn Osolobuẹ a rịgụọ nsue! Igwere efọnkọ ụhụọhịn hụ! O k'a jọ alị ichẹn-ichẹn njọ ụhụọhịn hụ!

Izikẹlụ 33:3

omẹni onyẹ nche hụ a hụn kẹ ọpịa-agha lala alị hụ, o gbu opi (ọdụ) gi gwa ndị alị nị nsọngbu lala,

Izikẹlụ 33:6

Kanị, omẹni onyẹ-nche hụ a hụn ọpịa-agha hụ k'ọ lala bụ o gbuni opi gi gwa wẹ nị nsọngbu lala, nị ọpịa-agha hụ a bịa, gbu ịhịan, onyẹ-njọ hụ k'a nwụntọ imẹ njọ a nke-esi, kanị ẹka onyẹ-nche hụ kẹ m'a nọ chọ ẹdeke ẹ.’

Izikẹlụ 7:10

“Ụhụọhịn hụ e ruọlẹ! E lee ẹ k'ọ lala! Ntikpọ a pụhaọlẹ! Ọkpọ hụ a gbọrịgụọ, mbọnmẹ a karagụọ mịma obobo!

Izikẹlụ 7:12

“Ogẹn e rugụọ; ụhụọhịn ahụn a bịagụọ! Hụn e ṅọnni ya aghọghọlẹ; hụn e reni ya akwanlẹ, makẹni olulu Osolobuẹ k'e kunrun ịhịan ile.

Daniẹlụ 6:26

“M rị e ti iwu nị ndị ile rị Ẹgbẹrẹ ọwụlẹ imẹ alị-eze m jẹnkọ d'a tụ egun Chuku Daniẹlụ, a gbaye ẹ. Makẹni ịya wụ Chuku hụn rị ndụn; o k'a rị jẹnrin ejẹn; etikpọkọ wẹ alị-eze ẹ; ọkịkị a agụkọ.

Daniẹlụ 9:16

Euu Osolobuẹ, gi ufiri ezi-omumẹ i mẹ nwan kẹ i dọn e mẹ — y'a latọ olulu lẹ ọnụma i gi nwan rị e sọn Jerusalẹm, hụn wụ obodo i, ugu nsọ ị, makẹni njọ ẹnyi lẹ ụrụ ndị nẹdi ẹnyi e mẹgụọ Jerusalẹm lẹ ndị nke i wụrụ ihiẹn ndị nọkunmẹni ẹnyi gi a mụ ẹmụ.”

Daniẹlụ 9:20

Hụn ahụn m rị e ku, e mẹ ekpere, e kupụha njọ m lẹ njọ ndị nke m wụ Izrẹlụ, a rịọ Osolobuẹ wụ Chuku m banyeni ugu nsọ a —

Hosia 5:8

“Gbu opi-agha imẹ obodo Gibia! Gbu opi-agha imẹ Rama! weshi olu elu hị imẹ obodo Bẹt-Avẹni! Buru ni ụzọ, ndị Bẹnjamini!

Hosia 8:1

“Osolobuẹ sị: Gbu opi agha! Onyẹ nọ kẹ udele rị e fehunmẹ elu ụlọ Osolobuẹ, makẹni e tikpọlẹ wẹ nkwerigbama m, dan Iwu m.

Juwẹlụ 1:15

Ụhụọhịn ahụn k'a jọgbu enwẹn ẹ! Ụhụọhịn Osolobuẹ ahụn a rịgụọ nsue! Okẹn ntikpọ gha ẹka Onyẹ hụ nwọn ikẹn ile bịa k'o k'e buhẹ!

Juwẹlụ 2:11

Osolobuẹ rị wẹ ihun e gi akpara e ye olu, hụn o gi dukọ ndị-agha a! Ndị-agha ọ kịla ẹlẹ hụn w'a gụn! Igwerigwe hụn e mẹchanrịn ihiẹn ọwụlẹ o ku! Ụhụọhịn Osolobuẹ k'a wụ okẹn ụhụọhịn, o k'a rị egun! Onyẹ k'a saẹka wuzo?

Juwẹlụ 2:15

Gbu ni opi imẹ obodo Zayọnụ; kpọye ni ibu-ọnụ rị nsọ; zu ni ọgwa rị nsọ!

Juwẹlụ 2:31

ẹnyanwụn k'a gba ishi; ifọn k'e nwunmẹ ẹdeke-ẹdeke, o kebe ru okẹn ụhụọhịn Osolobuẹ ahụn rị egun.

Juwẹlụ 3:14

Lee igunrun-igunrun jun Ọdanmgbugbu okinkin-ikpe e che, makẹni o rumẹgụọ ụhụọhịn Osolobuẹ k'e mẹ ịhịan ihiẹn imẹ Ọdanmgbugbu okinkin-ikpe —

Juwẹlụ 3:17

Ogẹn hụ, ụnụ a marịn nị mmẹ, Osolobuẹ hụn wụ Chuku ụnụ, bi Ugu Zayọnụ, ugu nsọ m. Jerusalẹm k'a wụ obodo rị nsọ, abịamabịa emẹrikọzị a.

Emọsụ 3:6

Nị wẹ gbu opi-agha imẹ obodo egun atụnị ndị rịn'a? Nị eje-ihiẹn kunrun obodo omẹni ẹlẹ Osolobuẹ mẹ ẹ?!

Emọsụ 5:18

Nsọngbu rị e che ụnụ ndị rị a sị ụhụọhịn Osolobuẹ ya bịakẹnrin! Kị ụnụ rịdẹ a chọnị n'ọ bịakẹnrin? Ọbịbịa a k'e wẹhẹkwọ ishi, ẹlẹkwọ ukpẹ!

Emọsụ 8:2

Ọ nọ sị, “Emọsụ, kị ị rị a hụn?” M nọ sị, “Mkpụrụ osisi channị hụn rị imẹ ụkpalị.” Ya kẹ Osolobuẹ nọ sị m, “Gi ẹ marịn nị ọgụgụ e kunrunọlẹ ndị nke m ndị Izrẹlụ: ahatukọzị m wẹ, m k'e yerịrị wẹ afụnfụn njọ wẹ.

Obadaya 1:15

“Ogẹn Osolobuẹ k'e gi mẹshi alị ile ikẹn a rịgụọ nsue. Ihiẹn onyẹ mẹ kẹ Osolobuẹ k'e mẹ ẹ; onyẹ-onyẹ k'e gi isi ẹ buru ihiẹn o mẹ.

Zẹfanaya 1:14

“Eje-ogẹn hụ Osolobuẹ k'e gi ye afụnfụn a rịgụọ nsue! Ọ rịgụọkwọ nsue; ọ lala ẹgwa! Wẹ k'a kwan eje ẹkwan ogẹn hụ! Nke wụnị ndị-agha k'a ghadẹ a kwan ụya imẹ ọgbọ-agha.

Zẹfanaya 1:16

O jẹnkọ d'a wụ ogẹn opi-agha lẹ oro-agha hụn agha k'e gi lụ obodo ndị wẹ tụnhunmẹ okẹn mgbọn lẹ ụlọ-nche ndị hụ zegbu enwẹn wẹ.

Zẹfanaya 1:7

Gba nị nwan nkịtịn ihun Osolobuẹ-nwọnni-ẹnyi, nị ogẹn okinkin-ikpe Osolobuẹ a rịgụọ nsue! Osolobuẹ a kwademẹgụọ n'o mẹ ndị alị Juda ihiẹn w'e mẹ anụ wẹ gi chụn ẹjan; Ọ họtọgụọ ndị o wela d'e ri ndị Juda kẹ w'e ri anụ.

Zẹfanaya 3:11

O ru ogẹn hụ e wepụ m'ị ifẹnrẹn ihun, Jerusalẹm — ifẹnrẹn ihiẹn ile ụnụ gi nupụnị m isi. Makẹni, m k'e wepụ ndị mpache lẹ ndị e mẹkarị enwẹn wẹ, ụnụ emẹkarịkọzị enwẹn ụnụ elu Ugu nsọ m.

Zẹkaraya 14:1

Lee ẹ, ogẹn Osolobuẹ lala alala, hụn wẹ k'e gi maye i, Jerusalẹm, kwanarịn ị ihiẹn i, nọ imẹ i keri ẹ.

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Ọgụngụn 10:2

“Gi siliva wẹ tipịa mẹmẹ opi (ọdụ) ẹbụọ, nị ụnụ e gi wẹ a kpọkikomẹ ndị Izrẹlụ, e gizi wẹ a gwa wẹ gha ebe wẹ ziẹntọ buli.

Ọgụngụn 10:3

Wẹ gbu wẹ ẹbụbụọ, ndị Izrẹlụ ile e zu ebe ị rị ọnụmụzọ Ọdụ-ozuzu.

Ndị Kọrẹntị Ibuzọ 14:8

Opi-agha ye olu welẹni ẹnya, onyẹ k'e kọnrin agha?

Ndị Filipi 2:12

Ufiri ẹ, ndị nke m, kẹ ụnụ dọn e humẹni m isi ogẹn mmẹ lẹ ụnụ gi rị ụzọ ohu, e mẹkẹnmẹzidẹ ẹ hụnnị m rịlẹn'a, mẹsọnmẹ ni nwan ẹrịra: e gi ni egun lẹ ẹhụ-ọmụma-nni e bi, e mẹ ihiẹn ile Osolobuẹ e gi zụọpụha ụnụ.

Ndị Tẹsalonika Ibuzọ 5:2

Makẹni, ụnụ lẹ enwẹn ụnụ a marịngụọ ọhụnma-ọhụnma nị Ụhụọhịn hụ Di-nwọnni-ẹnyi k'e gi bịa, o k'a bịa idẹnmizi kẹ ohin dọn a bịa imẹ abalị.

Jemisi 5:8

Nwọn ni nwan ndidin ẹrịra, ụnụ e kwọnkẹnmẹ obi ụnụ, makẹni ọbịbịa Di-nwọnni-ẹnyi a rịgụọ nsue.

Pita Ibuzọ 4:7

Ihiẹn ile e d'e bi. E kwọndọn ni nwan enwẹn ụnụ, e dọnrin ẹnya makẹ ọdakin gha a rị ekpere ụnụ.

Rẹvẹleshọnụ 6:17

makẹni okẹn ụhụọhịn wẹ e gi ghọsị ọnụma a bịagụọ! Onyẹ jẹnkọ d'a sa ẹka wuzo!”