Juwẹlụ 1:10 - Ika

¹⁰ Ihiẹn wẹ kụn ugbo a lagụọ iwi, akpak'alị a kpọpụ nkụn; ọka ile e lagụọ iwi; manya hụ a kọ akọwaye; ofugbọn-olivu a kọgbu enwẹn ẹ!

Juwẹlụ 1:10 ပူးပေါင်းရင်းမြစ်များ

Jẹnẹsisi 4:12

Ị rụnzị ugbo, alị emẹkọn'ị ihiẹn ọwụlẹ. Ọsọ-ọsọ kẹ y'a gha a gba nọkẹ onyẹ wẹ rị a chụ; ị k'a rị a wahunmẹ elu-ụwa ile.”

Azaya 15:6

Mirin wẹ wụ Nimrim a tahị, ẹfịfịa wẹ e shinwụn; ihiẹn-akụnkụn a la, onwọnzini ẹhụhụọ-oyiyi họdụnị.

Azaya 24:11

Wẹ rị nwan ogbe a kwan, “Ye ẹnyi Manya! Ye ẹnyi Manya!!” Ịkwan-ụya a nọkingụọ ẹnya ịghọghọ ile; ịghọghọ arịzị elu-ụwa kaka.

Azaya 24:7

Manya ọhụn a kọgbu enwẹn ẹ, makẹni vaịnị wẹ gi e mẹmẹ manya e shinwụngụọ; ndị mmẹmmẹ a sụọ hụ a sụn udẹn;

Jerimaya 12:11

Wẹ k'e mẹ ẹ wụrụ alị la iwi, alị ọkpọ-nkụn hụn rị a kwanghọsị m; alịnị ile k'a la iwi, makẹni onwọnni onyẹ ọ rị mkpa.

Jerimaya 12:4

Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”

Jerimaya 48:33

Ịghọghọ lẹ anwịnrịn arịkọzị imẹ alị ugbo hụ wụ alị Mụabụ. Anịkọzị m wẹ hụn manya ebe wẹ nọ a pịnpụha manya; anụkọzị wẹ olu onyẹ rị a ghọghọ a zọ ogbe-vaịnị e wepụha manya; ọsụọn'a oro rị a rị, ọwụkọ oro ịghọghọ.

Hosia 4:3

Ya haịn alị gilẹni e mẹ ihiẹn, ndị ile rịn'a hụ a la iwi, kẹ ịhịan kẹ anụ rị ọfịa kẹ nnụnụ; azụn hụ a nwụn imẹ mirin.

Hosia 9:2

Ụnụ ahụnkọ nwan ọka lẹ manya k'e jun ụnụ ẹfọ; manya ụnụ k'a pịnpụha ejẹnkọ ejẹn.

Juwẹlụ 1:12

Vaịnị hụ e shinwụn, figi hụzịkwọ e shinwụn; pomegraneti lẹ nkụ lẹ apụlụ hụzị e shinwụn; osisi ile rị ugbo a kpọpụgụọ nkụn! Ya wụ nị ịghọghọ ịhịan a gụgụọ!

Juwẹlụ 1:5

Tẹnhin ni, ndị manya; tẹnhin ni kwanma ẹkwan! Gomẹ ni, ụnụ ile rị a ra a tụ! Kwanma makẹni manya vaịnị ọhụn arịzịa, makẹni a napụgụọ wẹ ụnụ vaịnị lẹ manya a.

Juwẹlụ 2:19

Ọ za wẹ, sị, “M zila nị ụnụ ọka lẹ manya lẹ ofigbọn-olivu hụn k'e jun ụnụ ẹfọ; emẹkọzị m ụnụ wụrụ ihiẹn alị ndị ọzọ e legberi.

Lẹvitikọsụ 26:20

Ụnụ k'a rụngbu enwẹn ọnụ mmaka makẹni alị ụnụ emẹkọ ihiẹn ọwụlẹ, osisi ụnụ amịkọ mkpụrụ.

Habakọkụ 3:17

Ya wụ, ọsụọn'a nị figi amịnị mọbụ nị vaịnị amịnị; ọsụọn'a nị olivu amịnị mọbụ nị onwọnni ihiẹn rị ugbo; ọsụọn'a nị atụnrụn arịzị mọbụ nị ewu lẹ efin a gụgụọ; ọsụọn'a nị onwọnzini ihiẹn ọwụlẹ rịnị,

Hagaị 1:11

E bugụọ m ụkọ-ihiẹn cheni ụnụ alị-aradan lẹ elu ugu, ụkọ ọka lẹ manya-vaịnị lẹ ofugbọn-olivu lẹ ihiẹn ugbo ụnụ ile, ụkọ ịhịan lẹ anụmanụ lẹ ihiẹn ile wẹ rị a rụnpụha.”

Malakaị 2:3

“M k'e ye ụmụ ụnụ afụnfụn, e te m ụnụ nsịn anụ ihun, anụ hụ ụnụ gi chụn ẹjan, e kpọnpụ wẹ ụnụ lẹ nsịn hụ.